کُلوندر کھیرا

کلوندر کھیرا (جم 11 اگست 1964) اک بہت ہی مشہور اتے مشہور پنجابی لکھاری اے ۔ کلوندر کھیہرا بہت کویتاواں، غزلاں اتے ناٹکاں دا لکھاری اے ۔ اوہ "قلماں دا قافلہ، ٹورانٹو" دا موڈھی میمبر اے اتے اس ویلے اس دا مکھ کوآرڈینیٹر وی اے ۔

جیون

کلوندر خیرا دا جم پنجاب دے پنڈ ڈھڈا وچ ہویا سی ۔ اوہناں نے اپنا بچپن، اپنی جوانی دے سال، اتے اپنی ہائی سکول دی پڑھائی کالا سنگھیاں دے نیڑے پیندے پنڈ اگی وچ کیتی سی ۔ اوہناں نے دسمی جماعت پوری کرکے، سن 1981  وچ اوہ کینیڈا آ گئے ۔ اوہناں دی عمر 17 سال دی سی ۔

سن 1987  وچ اوہناں دا ویاہ ہو گیا ۔ اوہناں دے دو بچے ہن ۔

کلوندر خیرا نوں کتاباں پڑھن دا شوق جوانی وچ ہی پے گیا ۔ کینیڈا رہندیاں اوہ لائبریری وچوں لے کہ ساہتی کتاباں پڑھدے رہندے سن ۔ سن 1991 وچ اوہناں نے کینیڈا وچ اپنی ہائی سکول دی پڑھائی پوری کرن دا من بنایا ۔ اس ویلے اوہناں دی عمر 27 سی اتے اس ویلے تے اوہناں دا اک دو سال دا بیٹا سی ۔ اوہناں نال پڑھن والے طالب علم اوہناں توں عمر وچ کافی چھوٹے سن جس کارن اوہناں نوں سکول جانا تھوڑھا جیہا عجیب محسوس ہندا سی ۔ پر اس گل نوں اوہناں نے اپنی پڑائی وچ رکاوٹ نہیں بنن دتا ۔ اس ویلے اوہ یورک یونیورسٹی دے نیڑے اک پلانٹ وچ سپروائیزر سن، جتھے شام دے چار وجے توں لے کے سویر دے دو وجے تک دس گھنٹیاں دی شفٹ وچ کم کردے سن ۔ اس طرحاں دیاں حالتاں وچ اوہناں نے اپنی پڑھائی جاری رکھی ۔

1997 وچ اوہناں نے کمپیوٹنگ پروگرامنگ دا ڈپلوما کیتا اتے سن 2013 وچ اوہناں نے یونیورسٹی آف ٹرونٹو توں سوشیولوجی وچ بی اے پوری کیتی ۔ اوہ ہن سٹی آف برینپٹن نال اک ٹرانجٹ بسّ ڈرائیور دے طور تے کام کردے ہن، اتے اوہ اپنے پروار نال برینپٹن، انٹاریؤ، کینیڈا وچ رہندے ہن ۔

ساہتی جیون

کلوندر خیرا اک شاعر اتے ناٹک کار ہن ۔ اوہناں دیاں کویتاواں دی پہلی کتاب "پیڑ دی پرواز" سن 2001 وچ شائع ہوئی ۔ سن 2007 وچ اوہناں دی دوجی کتاب "انیاں گلیاں" چھاپی ۔ "انیاں گلیاں" اک ناٹک اے جس وچ خیرا نے پنجابی سماج وچ نشیاں دی ورتوں اتے نشیاں دے وپار بارے گل کیتی اے ۔

شاعری اتے ناٹک لکھن توں بناں خیرا ویلے ویلے اخباراں وچ پنجابی کمیونٹی دے مثلیاں بارے لیکھ لکھدے رہندے ہن ۔

سنواد (کینیڈیئن-پنجابی جرنل) دا اڈیٹر اتے سمیکھئک سکھندر سنگھ، کلوندر خیرا اتے اوہناں دے کم دے وارے گلاں کردا ۔

اوہ کہندا اے کہ جدوں کلوندر خیرا غزل لکھدا اے، اوہ اجیہی قسم دی شاعری لکھن وچ دلچسپی نہیں لیندا جس نال اس دے پاٹھک دی فکر اُتے کوئی اثر نہیں پیندا ۔

کلوندر خیرا سچ بولن توں جھجکدا نہیں اے - بھاویں اوہ سماجی، تہذیبی، سیاسی، مذہبی جاں فلسفی پرورتی دے گمبھیر مدعیاں نوں حل کر رہا ہووے، اسنے سچ دی گل ہی کرنی آ ۔

باہرلےجوڑ

1. https://www.youtube.com/watch?v=dpyBWUW7JE8
2. https://www.youtube.com/watch?v=f85f__rsc3Q
3. Chilana, Rajwant Singh. “Kulwinder Khehra ۔” South Asian Writers in Canada: a Bio-Bibliographical Study, Asian Publications, 2017.
4. http://sukhinder.blogspot.ca/2009/01/from-dull-present-to-moment-of-hope.html