کیتھیڈرل (اولیس ہونچار دا ناول)
| لکھاری | اولیس ہونچار |
|---|---|
| اصل عنوان | Собор |
| ترجمہ کرن آلےs | یوری تکاچ تے لیونید رودنِتسکی |
| دیس | یوکرینی سوویت سوشلسٹ جمہوریہامریکہ |
| بولی | یوکرینی |
| صنف | ناول |
| چھاپن آلے | ویچِزنا (یوکرینی وچ)سینٹ صوفیہ ریلیجس ایسوسی ایشن آف یوکرینی کیتھولکس (انگریزی وچ) |
تریخ اشاعت | 1968 (یوکرینی وچ) |
تریخ اشاعت اردو | 1989 |
| قسم ذرائع ابلاغ | پیپر بیک |
| صفے | 308 |
| پچھلی | ٹرونکا (1963) |
| اگلی | سائیکلون (1970) |
کیتھیڈرل (یوکرینی: Собор) (Sobor) یوکرینی ادیب اولیس ہونچار دا مشہور ناول اے، جو 1968 وچ شائع ہویا۔ ایہ ناول یوکرین دے سماجی، اخلاقی تے ثقافتی مسائل اُتے گہری روشنی پاؤندا اے۔[۱] کیتھیڈرل اک علامتی تے فلسفیانہ ناول اے، جیہڑا اک قدیم گرجا (کیتھیڈرل) دے گرد گھومدا اے۔ ایہ گرجا نہ صرف اک عمارت اے بلکہ روحانیت، تاریخ تے قومی ورثے دی علامت اے۔
تعارف
[سودھو]کیتھیڈرل 1968 دا اک ناول اے جو اولیس ہونچار (Oles Honchar ) نے لکھیا۔ ایہ ہونچار دا سب توں مشہور ناول سی، پر ایس دے نال ہی اوہ لیوند بریژنیف( Leonid Brezhnev) دے دور وچ سرکاری تنقید تے پابندیاں دا شکار وی بنے۔
کتاب ابتدا وچ بہت پسند کیتی گئی تے خاص طور اُتے طلبہ وچ بے حد مقبول رہی۔ بعد وچ جدو ں ناول اُتے اچانک تنقید ہوئی، تاں ادب دے طالب علماں دے اک گروہ نے اس دی حمایت وچ مہم چلائی، جس دے نتیجے وچ KGB دی نگرانی تے انتقامی کارروائیاں ہوئیاں۔
روسی زبان وچ منصوبہ بند ترجمہ روک دتا گیا تے یوکرینی ایڈیشن وی واپس لے لیا گیا۔ ناول دا مرکزی کیتھیڈرل یوکرین دے شہر سامار وچ موجود ہولی ٹرینٹی کیتھیڈرل دی کہانی اُتے مبنی اے۔
روسی ترجمہ 1987 وچ رومن گزیتا(Roman-Gazeta) دے شمارہ نمبر 7 وچ شائع ہویا۔ انگریزی ترجمہ (1989 The Cathedral: A Novel) کیتھیڈرل وچ یوری تکاچ تے لیونید رودنِتسکی ولوں شائع کیتا گیا، جیہڑا سینٹ صوفیہ ریلیجس ایسوسی ایشن آف یوکرینی کیتھولکس نے شائع کیتا۔
پلاٹ
[سودھو]کہانی اک صنعتی قصبے وچ وقوع پذیر ہندی اے، جتھے اک قدیم کیتھیڈرل موجود اے۔ کچھ کردار اس نوں محفوظ رکھن دی کوشش کردے نیں، جبکہ ہور لوگ اس نوں تباہ کرکے ذاتی فائدہ حاصل کرنا چاہندے نیں۔
ناول دے مرکزی کرداراں وچ نوجوان، مزدور تے دانشور شامل نیں، جیہڑے اپنی اپنی سوچ تے اقدار دے مطابق فیصلے کردے نیں۔ ایہ کشمکش روایت تے جدیدیت دے درمیان تصادم نوں ظاہر کردی اے۔
موضوعات
[سودھو]- ثقافتی ورثے دی حفاظت
- اخلاقی زوال تے سماجی بحران
- روحانیت تے مادیت وچ ٹکراؤ
- انسانی ضمیر تے ذمہ داری
ادبی اہمیت
[سودھو]کیتھیڈرل نوں یوکرینی ادب وچ اک اہم تے اثر انگیز ناول سمجھیا جاندا اے۔ ایہ ناول سوویت دور وچ شائع ہویا تے اپنے تنقیدی مواد دی وجہ توں کچھ حلقیاں وچ متنازعہ وی رہیا۔
تنازعات
[سودھو]ناول دی اشاعت توں بعد اس اُتے تنقید وی ہوئی تے کجھ عرصہ لئی اس نوں محدود کر دتا گیا، کیونکہ ایہ سماجی تے سیاسی نظام اُتے سوال اٹھاندا سی۔
اثر تے ورثہ
[سودھو]اولیس ہونچاردی ایہ تخلیق یوکرینی ادب وچ اک اہم سنگِ میل اے۔ کیتھیڈرل آج وی اک ایسی تحریر دے طور اُتے ویکھیا جاندا اے جیہڑی انسان تے معاشرے دے درمیان تعلق نوں گہرائی نال بیان کردی اے۔
حوالے
[سودھو]- ↑ Zhuk, Sergei I. (2009). "Building the Ukrainian Identity through Cultural Consumption in the 'Closed' City of Soviet Ukraine", in Kamusela,Tomasz, Jaskułowski, Krzysztof: Nationalisms Today. Peter Lang, 244. ISBN 978-3039118830. “According to the KGB, students called Honchar's novel 'an epoch-making book' which was 'widely read, even during classes[...]'”