کیلا

آزاد انسائیکلوپیڈیا، وکیپیڈیا توں
کیلے دیاں چار ونڈاں
مصر وچ کیلے دا رکھ

کیلا اک عام کھادے جانوالے پھل دا ناں اے جیہڑے اک وڈے پھلوالے کیلا ٹبر دیاں کئی ونڈاں تے ہوندا اے۔ ایہ فروٹ ناپ رنگ تے پینڈے ہون وچ وکھرا وہندا اے۔ عام وکھالے وچ ایہ لما، مڑیا جیدا گودا نرم تے نشاستے والا ہوندا اے۔ ایہدا چھلڑ ہرا، پیلا، لال، جامنی تے پکن تے پشرا ہوسکدا اے۔ فروٹ اک گچھے وانگوں لگدا اے جیہڑا رکھ دے اتے لگدا اے۔ اجکل کھادے جانوالے بنا بی دے کیلے دو ونڈاں توں بنے نیں جنہاں د جور موسا ٹوکرے توں اے۔ ایہ ٹراپیکی ہندی ملایا تے اسٹریلیا دے واسی نیں۔ خورے ایہ پہلی واری پاپوا نیوگنی وچ اگاۓ گۓ تے ہن جگ دے 107 دیساں وچ اگدے نیں۔

کیلا فروٹ دے نال نال بوٹے دا ناں وی اے۔ بوٹے لمے تے چنگے تکڑے ہوندے نیں تے پلیکھے نال ایہناں نون رکھ کیآ جاندا اے۔ ایہدا جیہڑا تنا دسدا اے اوہ چؤٹھا تنا ہوندا اے۔ کیلا کسے وی زمین وچ ہوسکدا اے پر ایہ گھٹو گھٹ 60 سینٹی میٹر ڈونگھا ہووے، پانی رکدا نہ ہووے تے زمین پینڈی نہ ہووے۔

وکھالہ[سودھو]

کیلے دا پتہ کیلا ٹاہنی تے تے اک لمی جوڑی پتی نال رل کے بندا اے۔ ایہ لما پتہ بوٹے دی چؤٹھی ٹاہنی توں نکلدا اے۔ ہر نواں پتہ نکلن مگروں تنے توں دوجے پتیاں توں دور جاندا اے تے اینج ٹیسی تے اک چنڈ بندا دسدا اے۔ اّ اگاۓ گۓ بوٹیاں دے ناپ ونڈ دے حساب نال وکھرے ہوندے نیں۔ لامت 5 م (16 فٹ) تکدے ہوندے نیں۔ پتے چکر دی شکل وچ بوٹے تے ہوندے نیں تے 2.7 میٹر(8.9 فٹ) لمے تے 60 سینٹی میٹر(2.0 فٹ) چوڑے ہوندے نیں۔[۱] ایہناں وچ ہوا بڑی اسانی نال کٹ پادندی اے۔[۲]

جدوں کیلے دا بوٹا پورا جوان ہوجاندا اے تے فیر اوہدی گنڈ وچوں نویں پتے بننے بند ہوجاندے نیں۔ ایہدے وچ فیر پھل گچھا بنن لگ جاندا اے۔ بوٹے دے چوٹھے تنے وچ اک تنا بندا اے جیہڑا فیر پھل گچھا بندا اے تے تے اوہ پھل اکے کیلے بندے نیں۔ فروٹ لگن مگروں اوہ چؤٹھا ٹاہنی مرجاندی اے تے مدھ توں ہور بوٹے اکدے نیں تے اینج بوٹا سدا ای ریندا اے۔ آپ اگائی وچ اکو ٹاہنی نوں اگن دندے نیں تاں جے تھاں پھیلن دی روے۔ مادھ پھل نر پھلاں نالوں اتے ہوندے نیں۔ کیلے دے گچھے دا پآر 30–50 کلوگرام تک ہوندا اے۔ اک گجھے وچ 60 توں 400 تک کیلے ہوندے نیں۔ اک کیلا 125 کرام دا ہوسکدا اے جیدے وچ 25% پانی تے 75% سکا ماس۔

کیلے نوں بچان لئي ایہدے اتے چھلڑ ہوندی اے جیدے اندرلے پاسے لمبائی والے پاسے تنداں ہوندیاں نیں تے آپ اگائیاں ونڈاں وچ بی نہیں ہوندے اندر کالے نشان ای بیاں دے رہ گۓ نیں۔ ۔

2012 وچ 10 وڈے اگانوالے
دیس ہوند ٹناں وچ ٪
ھندستان 29.7
یوگنڈا 11.1
چین 10.7
فلپائن 9.2
ایکویڈار 8.0
برازیل 7.3
انڈونیشیا 6.1
کولمبیا 5.1
کیمرون 4.8
تنزانیہ 3.9
ریندے سارے دیس 49.6
دنیا 145.4

طاقت[سودھو]

کیلے وچ وٹامن بی6 ود ہوندا اے۔ کج فائبر، تھوڑے ناپ وچ وٹامن سی، مینگانیز تے پوٹاشیم ہوندے نیں۔[۳] دوجے فروٹاں نال رلا کے کھان نال کلوریکٹل کینسر دا ڈر گھٹ جاندا اے[۴]، سوانیاں وچ چھاتی دا کینسر تے رینل سیل کارسینوما وی ایہ گھٹا دیندا اے۔[۵][۶] کیلے کھان نال ڈوپامائن دے بنن تے چنگا اٹر پیندا اے جیہڑے امینو ایسڈ ٹائروسائن دے گھاٹے وج ہوندے نیں۔

بارلے جوڑ[سودھو]

اتہ پتہ[سودھو]

  1. Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).
  2. Greenearth, Inc., Banana Plant Growing Info. Retrieved 2008-12-20.
  3. Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).
  4. Deneo-Pellegrini, H; De Stefani E; Ronco A (1996). "Vegetables, fruits, and risk of colorectal cancer: a case-control study from Uruguay". Nutrition & Cancer 25 (3): 297–304. doi:10.1080/01635589609514453. PMID 8771572. 
  5. Zhang, CX; et al. (2009). "Greater vegetable and fruit intake is associated with a lower risk of breast cancer among Chinese women". International Journal of Cancer 125 (1): 181–8. doi:10.1002/ijc.24358. PMID 19358284. 
  6. Rashidkhani, B; Lindblad P; Wolk A (2005). "Fruits, vegetables and risk of renal cell carcinoma: a prospective study of Swedish women". International Journal of Cancer 113 (3): 451–5. doi:10.1002/ijc.20577. PMID 15455348.