گلابی للی

وکیپیڈیا توں
Jump to navigation Jump to search
گلابی للی
Pink Fairy Lily.JPG
پچھان
دیس: بوٹے
برادری: پھلوالے بوٹے
پتی: ستاوری
ٹبر: نرگس ٹبر
سائینسی ناں: Zephyranthes carinata

گلابی للی نرگس ٹبر دا اک سدابہار گلابی رنگ دے پھلاں دا بوٹا اے۔ ایہ کولمبیا، میکسیکو تے وشکالے امریکہ دا واسی اے۔

وکھالہ[لکھو]

ایہ 2 توں 3 سینٹی میٹر (0.8 توں 1.2 انچ) موٹی گنڈ تو پھٹدا اے جیدا باہرلا رنگ شرابی لال رنگدا ہوندا اے۔ ہر گنڈ وچوں 6 دے نیڑے سدھے پدھے پتے نکلدے نیں تے 15 توں 30 سینٹی میٹر (6 توں 12 انچ) تک لمے تے 6 توں 8 ملی میٹر(0.24 توں 0.31 انچ) تک چوڑے ہوندے نیں۔ توتنی ورگا پھل اکلا ہوندا اے گلابی توں تیز گلابی رنگدا ہوندا اے۔ پھل 10 توں 15 سینٹی میٹر (4 توں 6 انچ) لمی ڈنڈی تے سدھا یا کجھ لفیا ہوندا اے۔ پھل پتی 25 توں 30 ملی میٹر (1.0 توں 1.2 انچ) لمی ہوندی اے۔ پھل اک یا دو دن تک ریندا اے۔

ایہدے تے پھل کھڑنے بسنت وچ آندے نیں تے پت چڑ تک لگدے ریندے نیں۔

پسار[لکھو]

ایہدا اصل دیس تے وشکارلے امریکی دیس میکسیکو توں لے کے کولمبیا تک نیں پر ہن ایہ اسانی نال اگن تے سوہنے پھلاں باہجوں امریکہ، ایشیاء تے افریقہ وچ اگایا جاندا اے۔ پاکستان وچ تے پنجاب وچ ایہ اسانی نال اگ جاندا اے۔

ناں[لکھو]

گلابی للی ایہدا پنجابی ناں اے۔ ایدا انگریزی ناں (Zephyranthes)اے جیڑا یونانی (Zephyrus) توں بنیا اے جیڑا یونانی مائتھالوجی چ لیندے پاسے دی ہوا دا دیوتا سی۔ ایس بوٹے نوں بارشی نیری توں مگروں پھل آندے نیں تے تاں اے ناں پیا۔

اگائی[لکھو]

ایہنوں گملیاں وچ تے گلی زمین جتھے پانی کھڑا نہ ہوندا ہووے اسانی نال اگایا جاسکدا اے۔ ایہ دھپ وی سہ لیندا اے۔ویلے نال ایدی گنڈی نال نکیاں نکیاں ہور گنڈاں نکل آندیاں نیں جیڑیاں وکھریاں کر کے نویں بوٹے بنا‎ۓ جا سکدے نیں۔ بارشی نیری توں مگروں کھڑن باجوں اینوں بارشی للی وی کیا جاندا اے۔

اے بوٹا سدا بہار اے۔ ابڈی سیوا نیں منگدا۔ لا دیو تے پعل جاؤ۔


مورت نگری[لکھو]

بارلے جوڑ[لکھو]

اتہ پتہ[لکھو]