Jump to content

ہرن منار

آزاد انسائیکلوپیڈیا، وکیپیڈیا توں
(ہرن مینار توں مڑجوڑ)
ہرن منار
ہرن منار کمپلیکس
کوآرڈینیٹس31°44′35″N 73°57′18.7″E / 31.74306°N 73.955194°E / 31.74306; 73.955194متناسقات: 31°44′35″N 73°57′18.7″E / 31.74306°N 73.955194°E / 31.74306; 73.955194
تھاںشیخوپورا, پنجاب، پاکستان
تاریخ آغاز1607
تکمیل تریخ1620

ہرن منار (Hiran Minar) (انگریزی: Deer Tower) 16ویں صدی دا مغل دور دا اک کمپلیکس اے جو پنجاب، پاکستان دے شہر شیخوپورا وچ واقع اے۔

ایہ کمپلیکس مغل شہنشاہ جہانگیر دے پسندیدہ ہرن، مانسراج دے اعزاز وچ گیم ریزرو دے مقام اُتے بݨایا گیا سی۔ شہنشاہ نوں اوہدی فطرت دے شوق لئی یاد کیتا جاندا اے، اوہدا کمپلیکس انساناں، پالتو جانوراں تے شکار دے درمیان مغلاں دے تعلق نوں مربوط کردا اے۔

محل وقووع[سودھو]

ہرن منار کمپلیکس، لہور توں 40 کلومیٹر شمال مغرب وچ شیخوپورا شہر وچ واقع اے۔ ایہ کمپلیکس شیخوپورا قلعے دے کوݪ واقع اے، اوہ وی 17ویں صدی دے اوائل دا اے۔ دونوں سائٹس لہور توں M2 موٹروے دے ذریعے قابل رسائی نیں۔

تریخ[سودھو]

ہرن منار مغل شہنشاہ جہانگیر دے دور وچ مغل شاہی دے زیر استعمال شکار دے ذخیرے وچ تعمیر کیتا گیا سی۔ ریزرو اک جھاڑی آݪے جنگݪ وچ بݨایا گیا سی، جیہڑا مغل بادشاہاں نوں دارالحکومتی شہر لہور دے کوݪ نیم بیابان دا احساس فراہم کردا سی۔ وائلڈ ریزرو نوں اک پارک دے طور تے استعمال کیتا جاندا سی جِتھے سیاح شکار توں لطف اندوز ہوسکدے سی۔

منار 1606 عیسوی وچ شہنشاہ جہانگیر دے پیارے پالتو ہرن "مانسراج" دی یادگار دے طور تے تعمیر کیتا گیا سی۔ کھیل دے جانوراں دیاں کھوپڑیاں اُتے ایہجے مقبرے بݨاؤݨ دا رواج اک قدیم فارسی رسم اے۔

منار تے تلاء شاہجہاں دے دور میں تعمیر کیتے گئے اک وڈے پویلیئن دے ناݪ سی۔

ترتیب[سودھو]

ایہ کمپلیکس جہانگیر دور دے منار اُتے مشتمل اے جو شاہجہاں دور دے اک وڈے کمپلیکس دے ناݪ واقع اے۔

منار[سودھو]

جہانگیر دور دا منار 110 میٹر اُچا اے تے ایہنوں 1606 عیسوی وچ شہنشاہ دے پالتو ہرن، مانسراج دی قبر دے نشان دے طور تے بݨایا گیا سی۔ منار دی اطراف ہرن دی تعریف ناݪ کندہ نیں۔

تلاء[سودھو]

کمپلیکس دے مرکز وچ 229 میٹر ضرب 273 میٹر دا اک وڈا مستطیل تلاء اے۔ تلاء دی ہر سائیڈ دے مرکز وچ، اِٹاں دا اک ریمپ پاݨی وَل نوں ڈھلوان اے، جو جنگݪی کھیل لئی رسائی فراہم کردا اے جیہنوں شکاری تلاش کردے سی۔

پویلیئن[سودھو]

شاہجہاں دے دور وچ بݨایا گیا اک اَٹھ پہلو پوِیلیئن، تلاء دے مرکز وچ اے۔ پوِیلیئن دو منزلہ اے، تے ایہدے اُتے چھت دی چھتری اے جو پتھر دے گزیبو (سائباں) دے طور تے کَم کردی اے۔ پوِیلیئن دا فن تعمیر دہلی دے پراݨے قلعے دے شیر منڈل ناݪ مِݪدا جݪدا اے، جیہڑا شہنشاہ ہمایوں نے بݨایا سی۔

پوِیلیئن نوں نہ صرف پاݨی دے تلاء بلکہ نیم بیابان نے وی گھیریا اے، اس طرحاں پوِیلیئن نوں تفریحی مقاصد لئی ورتیا گیا۔

کاز وے[سودھو]

منار نوں اک مِحور دے ذریعے پوِیلیئن ناݪ جوڑن لئی اک کاز وے تلاء تک پھیلیا ہویا اے جو اک گیٹ وے توں گُزردا اے۔

ہائیڈرولکس[سودھو]

اس خاص کمپلیکس دی منفرد خصوصیات ہرن دی قبر تے پاݨی جمع کرن دا مخصوص نظام نیں۔ ٹینک دے ہر کونے اُتے تقریبن 750 ضرب 895 فٹ دی اک مربع عمارت تے زیر زمین پاݨی جمع کرن دا نظام اے جو پاݨی دے ٹینک نوں فراہم ہُندا اے۔ پاݨی دے ایہناں نظاماں وِچوں صِرف اک ای اَج وڈے پیمانے اُتے سامݨے آیا اے۔


مورتاں[سودھو]


حوالے[سودھو]