ہرچرن سنگھ براڑ

وکیپیڈیا توں
Jump to navigation Jump to search
ہرچرن سنگھ براڑ

منصب اتے
31 اگست 1995 – 21 نومبر 1996
پیشرو بے انت سنگھ
جانشین راجندر کور بھٹھل

جم 21 جنوری 1922(1922-01-21)
مکتسر، پنجاب
وفات 6 ستمبر 2009( 2009-09-06) (عمر 87)
چنڈی گڑھ، پنجاب
سیاسی جماعت کانگرس
جیون ساتھی گربندر کور براڑ (1925–2010)
بچے پتر کنورجیت سنگھ (سنی) براڑ
پتری کنولجیت کور (ببلی) براڑ
مادر علمی گورنمنٹ کالج، لاہور
مذہب سکھ مت

ہرچرن سنگھ براڑ پنجاب دے سابقہ وزیر اعلیٰ، ہریانہ دے سابقہ گورنر اتے کانگرس دے سینئر لیڈر سن۔

جیونی[لکھو]

21 جنوری 1922 نوں جنمے سری ہرچرن سنگھ براڑ مکتسر ضلعے دے پنڈ سرائیناگا دے جمپل سن اتے صوبائی اسمبلی وچ مکتسر دی ہی نمائندگی کردے رہے۔ سدا سلا صفائی اتے ٹھنڈے دماغ نال چلن والے اس آگوُ نے اپنا اصل سیاسی جیون 1960 وچ مکتسر توں ایم ایل اے دی چون لڑ کے کیتا۔ اناں نے اس چون وچ اپنے مخالف چنن سنگھ نوں 6188 ووٹاں دے فرق نال ہرایا۔ دو سالاں بعد 1962 وچ اوہ پھر اسے حلقے توں ایم ایل اے بنے۔ اوہ 1967 وچ گدڑباہا، 1969 وچ کوٹکپورا تے 1992 وچ مکتسر توں ممبر اسمبلی بنے پیشے وجوں کسان سری براڑ 1976 توں 1979 تک اڑیسہ اتے 1980 توں 84 تک ہریانہ دے گورنر رہے۔ پنجاب دے سابقہ وزیر اعلیٰ بے انت سنگھ دے قتل پچھوں اوہ پنجاب دے وزیر اعلیٰ بنے۔ 31 اگست 1995 توں 21 نومبر 1996 تک اوہ صوبے دے وزیر اعلیٰ رہے۔ وزیر اعلیٰ پرتاپ سنگھ کیروں دی سرکار وچ 1961 توں 1962 تک اوہ نائب وزیر اعلیٰ دے عہدے تے رہے۔ اوہ آل انڈیا کانگرس کمیٹی اتے پنجاب پردیش کانگرس کمیٹی دے میمبر وی رہے۔ اناں نے کانگرس دے صوبائی دھڑے وچ ڈپٹی آگوُ دا کردار وی نبھائیا۔ اناں نے آسٹریلیا، سنگھاپور، یورپ، انگلینڈ، مصر اتے وچکار مشرق دے دیساں دا وی گیڑا لایا۔

پروار[لکھو]

اہناں دے پروار وچ اہناں دی بیوی گربندر کور براڑ، پتر کنورجیت سنگھ (سنی) براڑ اتے پتری کنولجیت کور (ببلی) براڑ ہن۔ اناں دا پتر سنی براڑ مکتسر توں ممبر اسمبلی سن۔ اہنا دی بیوی گربندر کور براڑ اتے پتر کنورجیت سنگھ (سنی) براڑ وی فوت ہو چکے ہن ۔ ہن اہناں دی نونہہ کرن کور براڑ مکتسر صاحب توں ممبر اسمبلی ہن۔

رشتے داریاں[لکھو]

سری براڑ دی پنجاب دے سابقہ وزیر اعلیٰ پرکاش سنگھ بادل دے جوائی اتے صوبے دے کیبنٹ وزیر پرتاپ سنگھ کیروں نال نیڑے دی رشتے داری اے۔ پنجاب دے وزیر اعلیٰ کیپٹن امریندر سنگھ نال وی اناں دی ساک-سکیری اے۔

انتقال[لکھو]

پنجاب دے سابقہ وزیر اعلیٰ، ہریانہ دے سابقہ گورنر اتے کانگرس دے سینئر لیڈر ہرچرن سنگھ براڑ دا انتقال 6 ستمبر 2009 نوں ہویا ۔ اوہ 87 سال دے سن۔

حوالے[لکھو]