ہرکشن سنگھ سرجیت

وکیپیڈیا توں
Jump to navigation Jump to search

Source: [1]
ہرکشن سنگھ سرجیت
Surjith-3.JPG
ہرکشن سنگھ سرجیت

جنرل سیکٹری، کمیونسٹ پارٹی آف انڈیا (مارکسی)
 منصب اتے
1992–2005
پیشرو ای ایم ایس نبوندریپاد
جانشین پرکاش کرات

جم 23 مارچ 1916(1916-03-23)
جالندھر، برطانوی پنجاب، برطانوی راج
وفات اگست 1, 2008(2008-08-01) (عمر 92)
نوئڈا، اتر پردیش، بھارت
سیاسی جماعت کمیونسٹ پارٹی آف انڈیا (مارکسی)
جیون ساتھی پریتم کور
بچے 2 پتر، 2 دھیاں
مذہب کوئی نہیں

ہرکشن سنگھ سرجیت (23 مارچ 1916 – 1 اگست 2008) پنجابی مول دے کمیونسٹ پارٹی آف انڈیا (مارکسی) یعنی سی پی ایم دی قومی مرکزی کمیٹی دے 1992 توں 2005 تک جنرل سیکٹری اتے بھارت دے مشہور سیاسی آگوُ سن۔ اوہ 1964 توں 2008 تک پارٹی دی پولٹ بیورو دے میمبر رہے۔[1][2]

جیون ویروا-[لکھو]

ہرکشن سنگھ دا جم 23 مارچ 1916 نوں پنڈ روپووال ضلع جالندھر دے اک کسان پروار وچ ہویا۔ اوہناں دے پیؤ س: ہرنام سنگھ نے اپنے پتر نوں آزادی دی لڑائی وچ شامل ہون توں روکیا اتے نہ منن تے اسنوں اڈّ کر دتا۔ 1929 وچ ہرکشن دے پیؤ زمین گہنے رکھ کے امریکہ چلے گئے۔

1930 وچ کامریڈ سرجیت دے پنڈ بابا کرم سنگھ چیمہ تے بھاگ سنگھ کنیڈیئن آئے تاں ہرکشن نے پنڈ وچ عوامی میٹنگ لئی تعاون دتا۔ دوجے دن ہی پولیس نے ہرکشن نوں اس دے ہیڈماسٹر نوں کہہ کے سکول توں کڈھوا دتا۔ پھر کانگرسی لیڈر ہری سنگھ جالندھر دی مدد نال سرجیت نے خالصہ سکول جالندھر داخل ہو گئے۔ بڑے مشکل حالات دے باو جود اوہ میٹرک کر گئے۔

1932 وچ سرجیت نے ہشیارپور دیاں ضلع کچہریاں وچ یونین جیک پھاڑ کے ترنگا جھنڈا چڑھا دتا سی۔ اس کارن اس نوں گرفتار کرکے مقدمہ چلایا گیا۔ ججّ ولوں ناں پچھن تے اوہناں نے اپنا ناں لنڈن توڑ سنگھ دسیا۔[3] ججّ نے اوہناں نوں اک سال قید دی سزا کر دتی۔ پر ہرکشن دی ٹپنی، "صرف اک سال" تے کھجھ کے عدالت نے سزا ودھا کے چار سال کر دتی۔ ایہہ سزا اوہناں نے بورسٹل جیل لاہور وچ بھگتی۔ جیل وچ اوہناں دی ملاقات بھگت سنگھ دے کئی ساتھیاں سمیت بہت سارے آزادی کرکناں نال ہو گئی۔ اتے جیل سیاسی سکھیا دا سکول بن گئی۔

1936 وچ اوہ بھارتی کمیونسٹ پارٹی دے میمبر بنے۔ اوہ پنجاب وچ کسان سبھا دی بنیاد رکھن والیاں وچوں اک سن۔ 1938 وچ اوہ پنجاب کسان سبھا دے سیکٹری چنے گئے۔

آزادی توں بعد سرجیت بھارتی کمیونسٹ پارٹی دے ای ایم ایس نبوندریپد، پی سی جوشی، ایس اے ڈانگے، بی ٹی رندیوے، اے کے گوپالن، اجے گھوش، پی رامامورتی، پی سندرئیا، کامریڈ واسوپنئیا، جیوتی باسو، پرمود داس گپیؤ، راجیشور راؤ، سوہن سنگھ جوش اتے سمر مکھرجی ورگے سرکڈھّ لیڈراں وچ شامل سن۔

حوالے[لکھو]