یوسف رضا گیلانی

وکیپیڈیا توں
Jump to navigation Jump to search
یوسف رضا گیلانی
Syed Gillani - World Economic Forum on the Middle East 2008.jpg
پاکستان دا 16واں وزیراعظم
جیون: 9 جون 1952
کم : وزیراعظم پاکستان
پارٹی: پاکستان پیپلز پارٹیFlagge der Pakistanischen Volkspartei.svg

مخدوم یوسف رضا گیلانی پاکستان دا 16واں وزیراعظم سی اوہ ایس توں پہلاں قومی اسمبلی دا سپیکر تے وزیر رہ چکیا اے ۔ یوسف رضا پاکستان پیپلز پارٹی دا وائس چیئرمین وی اے ۔

یوسف رضا گیلانی کراچی چ جمیا اوہدا جوڑ ملتان دے پیراں تے جگیرداراں دے ٹبر نال اے ۔ گورمنٹ کالج لہور توں بی اے تے پنجاب یونورسٹی لہور توں جرنلزم چ ایم اے کیتا۔

1978 چ جرنل ضیا دے مارشل لا وچ سیاست وچ آیا تے پاکستان مسلم لیگ وچ رل گیا ۔ ضیا الحق دے ریفرنڈم وچ اوہدا بھرپور ساتھ دتا ۔ محمد خان چونیجو دی سرکار چ وزیر لگ گیا ۔ 1988 چ بینظیر دے ویلے پاکستان پیپلز پارٹی چ رل گیا تے اس پارٹی دی سرکار چ وزیرلگیا رہیا۔ 1993 توں 1997 تک نیشنل اسمبلی دا سپیکر ریا۔ 2008 دے چناؤ چ اوناں نے الیکشن جتیا تے پاکستان پیپلز پارٹی تے دوجیاں پارٹیاں دی ہتھ نال پاکستان دا وزیراعظم بن گیا ۔

جرنل ضیا دے مارشل لاریفرنڈم دا ساتھ[لکھو]

1978 چ جرنل ضیا دے مارشل لاء چ سیاست چ آیا تے پاکستان مسلم لیگ چ آگیا ۔ ضیا الحق دے ریفرنڈم وچ اوہدا بھرپور ساتھ دتا ۔ محمد خان چونیجو دی سرکار چ وزیر لگ گیا ۔

5 سال دی قید[لکھو]

سپیکر دا کم کردیاں ہویاں گیلانی نے قانون توڑدیاں ہویاں میرٹ دی پرواہ ناں کردیاں ہویاں اپنے ای حلقے دے 600 لوکاں نوں سرکاری نوکری تے لادتا ۔ ایس ہیراپھیری تے گیلانی نوں 5 سال دی قید ہوئی۔ نیب نے ہیرا پھیری دے الزام چ اوہنوں کئی ورہیاں لئی جیل چ پا دتا ۔ 2007 چ چھڈ دتا گیا ۔

میگا کرپشن اسکینڈل[لکھو]

یوسف رضا گیلانی تے اوہدے ٹبر نے چوکھی کرپشن کیتی ۔ ٹبّر سمیت اوہدی کرپشن دی چھان بین شروع ہوگئی اے ۔

قیمتی ترک ہار دی چوری[لکھو]

2010 وچ ترک خاتون اول نے سیلاب وچ رُڑھ جان والےآں دی امداد لئی اپنا قیمتی ہار دتا ۔ اوس ویلے دے وزیراعظم یوسف رضا گیلانی نے ایہہ ہار سیلاب متاثرین دے فنڈ وچ جمع کروان دی بجائے چوری کرکے اپنی گھروالی فوزیہ گیلانی نوں دے دتا کئی سال بعد ایہہ قیمتی ہارفوزیہ گیلانی دے گل وچ پایا ہویا دیکھیا گیا ۔ سیلاب متاثرین نے عدالتی چارا جوئی کیتی ، جیہدے نتیجے وچ یوسف رضا گیلانی نوں ایہہ ہار واپس سرکاری خزانے وچ جمع کروانا پیا ۔ یوسف رضا گیلانی دی ایس چوری دی وجہ نال اوہدی پوری دنیا وچ بڑی بدنامی ہوئی ۔

توہین عدالت تےنااہلی[لکھو]

فروری 2012ء اچ زرداری دے خلاف سوٹزرلینڈ چ مقدمے کھولن واسطے خط لکںن دے عدالتی حکم دی خلاف ورزی کرن دے الزام چ پھڑیا گیا۔ 26 اپریل 2012 نوں عدالت نے یوسف رضا گیلانی نوں عدالت دی گل ناں منن تے مجرم دسیا تے سزا دتی ۔ 19 جون 2012 نوں سپریم کورٹ نے یوسف رضا گیلانی نوں26 اپریل 2012 توں وزیراعظم دے منصب لئی نااہل قرار دے دتا ۔

ہور ویکھو[لکھو]

بارلے جوڑ[لکھو]