اشور بنی پال
اشور بنی پال ، موجودہ عراق چ واقع ، اشوریہ دا بادشاہ سی ، جس نے مصر ، شام ، فلسطین ، بابل تے جنوب مغربی ایران نوں فتح کیتا سی ۔ 550 قبل مسیح چ مصر اسدے قبضے چوں نکل گئیا ۔ 648ق م چ اسنے بابل دی بغاوت سختی نال کچل دتی اس نے اپنے دور حکومت چ عالی شان مندر تے محل تعمیر کروائے ۔ عالماں تے فاضلاں دا سرپرست سی ۔ اشوریا دے راجگھر نینوا چ اسدی قائم کیتی ہوئی لائبریری (کتب خانہ) اس زمانے داانمول علمی خزانہ سی ۔ اس دے مرن دے بعد بابل دے لوکاں نے 612 ق م چ مدائن تے فارس دے لوکاں دی مدد نال نینوا تے چڑھائی کردتی تے اسدی اٹ نال اٹ بجا دتی ۔شہر دی ساری آبادی نوں موت دے گھاٹ اتار دتا گئیا تے اسدے بعد سلطنت اشوریہ ہمیشہ لئی ختم ، ہوگئی ۔