بادشاہی مسیت

آزاد انسائیکلوپیڈیا، وکیپیڈیا توں
(بادشاہی مسجد توں مڑجوڑ)
بادشاہی مسیت
 

حصہ مسیت  ویکی ڈیٹا اُتے (P31) د‏‏ی خاصیت وچ تبدیلی کرن
ودھ توں ودھ گنجائش 100000   ویکی ڈیٹا اُتے (P1083) د‏‏ی خاصیت وچ تبدیلی کرن
اقتتاح اورنگزیب  ویکی ڈیٹا اُتے (P88) د‏‏ی خاصیت وچ تبدیلی کرن
بنیاد ۱۶۷۱  ویکی ڈیٹا اُتے (P571) د‏‏ی خاصیت وچ تبدیلی کرن
بناݨ والا اورنگزیب  ویکی ڈیٹا اُتے (P112) د‏‏ی خاصیت وچ تبدیلی کرن
انتظامی تقسیم
ملک پاکستان  ویکی ڈیٹا اُتے (P17) د‏‏ی خاصیت وچ تبدیلی کرن[۱]
وقوع تھاں لہور  ویکی ڈیٹا اُتے (P131) د‏‏ی خاصیت وچ تبدیلی کرن
حصے
عالمی ورثہ عہدہ عارضی عالمی ثقافتی ورثہ سائٹ  ویکی ڈیٹا اُتے (P1435) د‏‏ی خاصیت وچ تبدیلی کرن
تعمیراتی مواد ریتلا پتھر  ویکی ڈیٹا اُتے (P186) د‏‏ی خاصیت وچ تبدیلی کرن
طرز تعمیر مغلیا طرز تعمیر  ویکی ڈیٹا اُتے (P149) د‏‏ی خاصیت وچ تبدیلی کرن
تقسیم اعلیٰ لہور  ویکی ڈیٹا اُتے (P131) د‏‏ی خاصیت وچ تبدیلی کرن
متناسقات 31°35′17″N 74°18′34″E / 31.588055555556°N 74.309444444444°E / 31.588055555556; 74.309444444444  ویکی ڈیٹا اُتے (P625) د‏‏ی خاصیت وچ تبدیلی کرن
وقوع متناسقات
اندرونی نظارہ BadshahiInterior.jpg  ویکی ڈیٹا اُتے (P5775) د‏‏ی خاصیت وچ تبدیلی کرن
جیو رمز 7043233[۲]  ویکی ڈیٹا اُتے (P1566) د‏‏ی خاصیت وچ تبدیلی کرن


بادشاہی مسجد لہور پاکستان چ مغل بادشاہ اورنگزیب عالمگیر دی بنوائی ہوی مسیت اے۔ رقبے دے اعتبار توں اے پاکستان تے جنوبی ایشیا چ دوجی جدکہ پورے جگ چ پنجویں وڈی مسیت اے۔ اپنے مغلیہ طرز تعمیر تے خوبصورتی دی وجہ توں اے لہور دی مشہور پچھان تے علامت اے۔ ایس توں وکھ اے سیر و تفریح دے شوقین لوکاں لئی وڈی دلچسپی دی تھاں اے۔ اسلام آباد دی فیصل مسجد بنن توں پہلاں 1673 توں 1986 تکر اے جگ دی سب توں وڈی مسیت سی جتھے دس ہزار نمازی ھال چ تے اک لکھ دے نیڑے نمازی برآمدے آن چ سما سکدے نیں۔ ہن اے پاکستان تے جنوبی ایشیاء دی دوجی تے مکہ چ مسجد الحرام، مدینہ چ مسجد نبوی، کاسا بلانکا چ مسجد حسن ثانی تے فیصل مسجد توں مگروں جگ دی پنجویں وڈی مسیت اے۔


تریخ[سودھو]

بادشاہی مسیت دی تعمیر دا حکم 1671 وچ چھیویں مغل بادشاہ اورنگزیب نیں دتا جنہوں نکا عالمگیر (جگ دا فاتح) وی آکھیا جاندا سی۔ ایدے تعمیر چ پورے دو ورے لگے تے اپریل 1673 چ اے مسیت تیار ہوئی۔ تعمیر دا کم مظفر حسین جیہڑا 1671 توں 1675 تکر لہور دا گورنر وی رئیا سی دی نگرانی چ کیتا گیا۔ اے اورنگزیب دا دودھ شریک بھرا سی۔ اے بادشاہ ول توپ خاے دا نگران وی سی۔ مغل سلطنت چ ایس مسیت دے قدرو اہمیت دی وجہ توں اے لہور قلعے دے نال پرلی طرف بنائی گئی۔ مسیت دی عمارت دے نال ہون کر کے قلعے ول اک وڈا دروازہ بنایا گیا جنوں بادشاہ دے ناں دی مناسبت نال عالمگیری دروازہ آکھیا جاندا اے۔

حالت[سودھو]

مسجد اندرون لاہور جاں پرانا لاہور، پاکستان دے نال واقع اے۔ مسجد دا داخلہ دوار آئتاکار حضوری باغ دے مغربی پاسے اے اتے قلعہ لاہور دے مشہور عالمگیری دروازہ ول اسدا منہ اے، جو کہ حضوری باغ دے پوربی پاسے واقع اے۔ مسجد دے نال روشنائی دروازہ دے وی لاگے واقع اے، جو لاہور دے مول 13 گیٹاں وچوں اک اے، جو حضوری باغ دے دکھن ول واقع اے۔[۳][۴]

مسجد دے داخلہ دوار دے کول دکھنی بھارت دے سبھ توں وڈے شاعراں وچوں اک اتے بھارت دے مسلماناں لئی اڈّ دیس، پاکستان تحریک دے موڈھیاں وچوں اک محمد اقبال دا مقبرہ اے[۵] مسجد دے داخلے دے نیڑے سر سکندر حیات خان دا مقبرہ وی اے، جس نے مسجد دی سنبھال اتے بحالی وچ پرمکھ کردار نبھایا سی۔ [۶]

اتہاس[سودھو]

مغل بادشاہ اورنگزیب عالم گیر نے اس مسجد نوں اپنے سوتیلے بھائی مظفر حسین، جس نوں پھدائی خان کوکا دے طور تے جانیا جاندا اے، دی نگرانی ہیٹھ تعمیر کروایا۔ 1671 توں 1673 تک مسجد دی تعمیر نوں دو سال لگے۔ ایہہ شاہی قلعہ دے ساہمنے تعمیر کیتی گئی، جس توں اس دی مغلیا دور وچ اہمیت دا پتہ لگدا اے۔[۷]اورنگزیب نے ایہہ مسجد مراٹھا بادشاہ چھترپتی شیواجی دے خلاف اپنیاں فوجی مہماں دی یاد وچ بناوائی سی۔[۸] اساری مکمل ہون دے بعد 1673 وچ اسنوں کھولھ دتا گیا۔

سکھ دور[سودھو]

رنجیت سنگھ دی سمادھی (چٹی عمارت) اک سکھ گرودوارہ اے جو 1848 وچ مسجد دے لاگے بنایا گیا سی۔

7 جولائی 1799 نوں رنجیت سنگھ دی سکھ فوج نے لاہور دا قبضہ لے لیا۔[۹] شہر اتے قبضہ ہون توں بعد، مہاراجہ رنجیت سنگھ نے اس دے وڈے ویہڑے نوں اپنی فوج دے گھوڑیاں لئی اک اصطبل وجوں ورتیا اتے اسدے 80 حجریاں نوں (ویہڑے دے چارے پاسے دے چھوٹے-چھوٹے کمریاں) اپنے فوجیاں لئی کوارٹراں وجوں اتے ملٹری سٹوراں وجوں ورتیا۔[۸] 1818 وچ، اس نے مسجد دے ساہمنے حضوری باغ وچ اک سنگمرمر دی عمارت بنوائی، جس نوں حضوری باغ کیہا گیا،[۱۰] جس نوں اسنے اپنے سرکاری شاہی دربار دیوان-عام دے طور تے ورتیا۔[۱۱] بارادری لئی سنگمرمر دیاں سلیباں شاید سکھاں ولوں لاہور دیاں ہور یادگاراں توں لٹیاں گئیاں سن۔ ۔[۱۲]

1841 وچ اینگلو سکھ جنگ دے دوران، رنجیت سنگھ دے لڑکے، شیر سنگھ نے مسجد دے وڈے میناراں نوں 'زمبورہ' جاں 'لائیٹ گناں' بیڑن دی جگہ لئی ورتیا۔ چند کور دے حمایتیاں نے گھیرے وچ آ چکے لاہور دے قلعہ وچ پناہ لئی ہوئی سی۔ اوہناں تے داغن لئی ایہہ توپاں ورتیاں گئیاں سن۔ ایہناں بمب دھماکیاں وچوں اک وچ، قلعے دی دیوان-عام تباہ ہو گیا سی، پر بعد وچ اسنوں بریٹیش راج ولوں دوبارہ بنایا گیا۔ [۴]اس ویلے دوران، شیر سنگھ دی فوج وچ نوکری کردے رسالے دے فرانسیسی افسر ہینری ڈی لا روچ نے،[۱۳] بادشاہی مسجد نوں لاہور قلعے نال جوڑن والی اک سرنگ نوں غیرمستقل طور تے بارود نوں سٹور کرن لئی وی ورتیا گیا۔[۱۴]

1848 وچ، سکھ بادشاہ رنجیت سنگھ دی سمادھی اس دی موت پچھوں مسجد دے نال لگدے اک تھاں تے بنائی گئی سی۔

برطانوی حکومت[سودھو]

شہر دے سکھ حکمراناں ولوں سائیٹ دی بے ادبی کرن توں بعد بادشاہی مسجد اجاڑ ہو گئی سی۔

1849 وچ بریٹیش نے سکھ راج توں لاہور دا قبضہ لے لیا۔ برطانوی راج دے دوران، مسجد اتے نال لگدے قلعے نوں اک فوجی گیریژن وجوں ورتیا جانا جاری رہا۔ اس دے وڈا ویہڑے دے آلے دوآلے دیاں کندھاں وچ بنے 80 کمریاں نوں انگریزاں نے 1857ء دی جنگ آزادی دے بعد ڈھاہ دتا سی، تاں جو اوہناں نوں بریٹیش مخالف کاروائیاں لئی استعمال ہون توں روکیا جا سکے۔ کمریاں نوں اوپن دالان بنا دتا گیا سی۔ [۱۵]

اک فوجی گیریژن وجوں مسجد دے استعمال دے خلاف مسلماناں دی ودھدی ناراضگی نوں دیکھدیاں، بریٹیش نے بادشاہی مسجد اتھارٹی دا 1852 وچ قیام کیتا جس نے اس نوں مذہبی جگہ دے طور تے مڑ قائم کرن دی نگرانی کرنی سی۔ اس ویلے توں بعد، بادشاہی مسجد اتھارٹی دی نگرانی ہیٹھ مرمت دا کم ہولی ہولی کیتا جاندا رہا سی۔ ہندستان دے وائسرائے جون لارینس نے ایہہ عمارت مسلم بھائیچارے نوں واپس سونپی سی۔ [۱۶]ایہہ عمارت پھر اک مسجد وجوں مڑ قائم کیتی گئی سی۔

مورتاں[سودھو]



مورت نگری[سودھو]

ہور ویکھو[سودھو]

ایہہ وی ویکھو[سودھو]

حوالے[سودھو]

  1. "صفحہ سانچہ:نام صفحہ في GeoNames ID". http://sws.geonames.org/7043233. Retrieved on
    ۱۶ مارچ ۲۰۲۴. 
  2. اجازت نامہ: Creative Commons Attribution 3.0 Unported
  3. Waheed ud Din, p.14
  4. ۴.۰ ۴.۱ Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).
  5. Waheed Ud Din, p.15
  6. IH Malik Sikandar Hayat Khan: A Biography Islamabad: NIHCR, 1984. p 127
  7. Meri, p.91
  8. ۸.۰ ۸.۱ (31 اکتوبر 2005) Medieval Islamic Civilization: An Encyclopedia. Routledge, 91. 
  9. Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).
  10. Tikekar, p. 74
  11. Khullar, K. K. (1980). Maharaja Ranjit Singh. Hem Publishers, 7. Retrieved on 12 جولائی 2010. 
  12. (1906) Archaeological Survey of India. Office of the Superintendent of Government Printing. 
  13. "De La Roche, Henri Francois Stanislaus". allaboutsikhs.com. https://web.archive.org/web/20101227181624/http://www.allaboutsikhs.com/british/de-la-roche-henri-francois-stanislaus.html. Retrieved on
    10 جنوری 2014. 
  14. Grey, C. (1993). European Adventures of Northern India. Asian Educational Services, 343–. ISBN 978-81-206-0853-5. 
  15. Development of mosque Architecture in Pakistan by Ahmad Nabi Khan, p.114
  16. Lua error in ماڈیول:Citation/CS1/ar at line 3440: attempt to call field 'set_selected_modules' (a nil value).

بارلے جوڑ[سودھو]