ایونی سمندر

left.

بحیرہ ایونی یاں بحیرہ آیونین ، بحیرہ روم دا اک حصہ اے جہڑا بحیرہ ایڈریاٹک دے دکھن چ واقع اے ۔ ایہہ لہندے ولوں دکھنی اٹلی بشمول صقلیہ ( سسلی) تے جزیرہ نما سالنتو ، دکھی لہندے چ البانیا تے چڑھدے چ یونان دے ا گنت چزیرےآں دے وشکار گھریا ہوئیا اے ۔ اینہاں جزیرےآں نوں ایونی جزیرے یاں آیونین جزائر آکھئیا جاندا اے ، ایہہ جگ چ سب توں ودھ بھچالاں دی زد چ رہن آلے سمندی علاقےآں چوں اک اے ۔ یونان تے اٹلی وچکار کشتیاں ایسے سمندر راہیں مسافراں نوں منزل تے پہنچاندیاں نیں ۔ اس سمندر دے ساحلاں تے واقع شہراں چ ٹارانٹو تے پریویزا تریخی اہمیت دے حامل نیں ۔ آبنائے مسینا ، خلیج قطانیہ ، خلیج ٹارانٹو تے خلیج پطرس ایسے سمندر چ واقع نیں ۔