"<span lang="ur">سلطنت سامانیہ</span>[[ گٹھ:مضامین جنہاں وچ اردو بولی دا متن شامل اے ]]" دیاں دہرائیاں وچ وکھراپا

آزاد انسائیکلوپیڈیا، وکیپیڈیا توں
Content deleted Content added
چھوٹا کم r2.5.2) (Robot: Modifying ca:Dinastia samànida
چھوٹا کم r2.7.1) (رلانا روبوٹ: kk:Самани әулеті پلٹنا: zh:薩曼王朝
لیک ۱۶۸ – لیک ۱۶۸ –
[[it:Samanidi]]
[[it:Samanidi]]
[[ja:サーマーン朝]]
[[ja:サーマーン朝]]
[[kk:Самани әулеті]]
[[ko:사만 왕조]]
[[ko:사만 왕조]]
[[lt:Samanidų imperija]]
[[lt:Samanidų imperija]]
لیک ۱۸۵ – لیک ۱۸۶ –
[[ur:دولت سامانیہ]]
[[ur:دولت سامانیہ]]
[[uz:Somoniylar]]
[[uz:Somoniylar]]
[[zh:曼王朝]]
[[zh:曼王朝]]

۱۱:۲۷, ۳ جنوری ۲۰۱۲ دی دہرائی

سلطنت سامانیہ
819ء توں 999ء
سلطنت سامانیہ دے عروج دا نقشہ
راجگھر
بلخ ، بخارا
بولی فارسی
مذہب اسلام
حکومت
امارت
امیر
819ء توں 855ء یحیی ابن اسد
- 999ء عبدالمالک دوم
تریخی ویلا
گھبلے زمانے (قرون وسطی)
قیام سن 819ء
خاتمہ سن 999ء
رقبہ

سن 928ء چ 28 لکھ 50 ہزار مربع کلومیٹر


فائل:Ghazna-02.gif
دولت سامانیہ دا زوال ویلے دا نقشہ

سلطنت سامانیہ دی دی حکومت ، ماوراء النہر اتے خلافت عباسیہ دا کنٹرول ختم ہوں دے بعد 819ء ماوراء النہر دے علاقے چ قائم ہوئی ۔اپنے مورث اعلی سامان خدا دے ناں تے ایہہ خاندان سامانی کہلان لگا ۔ جہڑا پارسی مذہبی اشرافیہ چوں سی تے اسنے اسلام قبول کر لیا ۔ نصر بن احمد بن اسد سامانیاں دی آزاد حکومت دا پہلا حکمران سی ۔ ماوراء النہر دے علاوہ موجودہ افغانستان تے خراسان وی اس حکومت چ شامل سن ۔ اسدا راجگھر بخارا سی ۔ سامانیاں نے 999ء تک یعنی 180 سال حکومت کیتی تے اس عرصے چ اینہاں دے دس حکمران ہوئے ۔

سامانی سلطنت عرباں ہتھوں ساسانی سلطنت دے خاتمے دے بعد وسطی ایشیا تے عظیم تر ایران چ مقامی فارسی سلطنت سی ۔ سامانیاں نے اپنے علاقے دی حکومت دی تنظیم خلافت عباسیہ دی طرز تے کیتی تے خلیفہ دے دربار وانگ دربار تے دوجے انتظامی ادارے قائم کیتے ۔ ساسانیاں نوں خلافت عباسیہ دی ماوراء النہر تے خراسان چ حمایت کرن دے صلے چ کجھ علاقے دتے گئے ۔ اینہاں نے اپنے راجگھر بخارا ، سمرقند ، بلخ تے ہرات نوں بنایا تے صفاریاں نوں شکست دے کے اپنی حکومت دی بنیاد رکھی ۔

سلطنت دا قیام

فائل:TJdi50 1999 front.jpg
تاجکستان دے 50 درہم دے نوٹ تے اسماعیل سامانی دی مورت

سامانی سلطنت اک فارسی ریاست سی جسنے 180 سال تک خراسان ، رے ، ماوراء النہر ، تبارستان ، کرمان ، گورگان تے لہندے چ اصفہان دا راج کیتا ۔ سامانی بہرام چوبین دی نسل چوں سن ، اس لئی اینہاں دا تعلق ایران دے ست وڈے شاہی گھرانےآں چوں اک مہران شاہی ٹبر نال سی

تریخ

مسلماناں دی [ایران]] دی فتح دے بعد سامانی پہلا مقامی شاہی ٹبر سی جہڑا اقتدار چ آیا ۔ اینہاں نوں ایرانی قومیت نوں نویں سرے توں زندہ کرن پاروں یاد رکھیا جاندا اے ۔ سامانی ٹبر دے بانی سامان خدا دے 4 پوتےآں نوں ، خلافت عباسیہ دے خلیفہ مامون الرشید نے سلطنت لئی شاندار خدمات تے صوبےآں دیاں حکومتاں دتیاں ۔ نوح نوں سمرقند ، احمد نوں وادی فرغانہ ، یحیی نوں شاش تے الیاس نوں ہرات دے علاقے ملے ۔ احمد دا پتر نصر I 875ء چ ماوراء النہر دا گورنر بنیا تے اسدے بھائی تے جانشین اسماعیل I (892ء توں 907ء) نے صفاریاں نوں خراسان (900ء) تے تبارستان دے زیدیاں تے غلبہ پا کے ماوراء النہر تے خراسان تے اپنا اقتدار قائم کر لیا تے بخارا نوں اپنی سلطنت دا راجگھر بنایا ۔


ثقافت تے مذہب

سامانیاں نے ناصرف فارسی تہذیت تے ثقافت نوں مڑ زندہ کیتا بلکہ اینہاں نے اپنے علاقےآں چ اسلام دی تبلیغ دا کم وی بوہت دلجمعی نال کیتا ۔ سامانی ریاست اسلامی فن تعمیر دی پرجوش سرپرست بن گئی تے اسلامی فارسی تہذیب نوں وسطی ایشیا چ دور تک پہنچا دتا ۔ سلطنت دے علاقاں دے لوک مضبوطی نال وڈی گنتی چ اسلام قبول کرن لگے ، خاص طور تے تراز چ ، جہڑا اج دے قزاقستان چ اے ۔ قرآن مجید دا فارسی بولی چ مکمل ترجمہ سامانیاں دے دور چ 9ویں صدی عیسوی چ کیتا گیا ۔

تریخ داناں موجب سامانی حکمراناں دے اسلام دی تبلیغ راہیں ، ترکاں دے 30،000 خیمے اسلام دے دائرے چ آ گئے ، بعد چ سلطنت غزنویہ دے دور چ ہور 55،000 ترک گھرانےآں (خیمےآں) نے اسلام قبول کیتا ۔ ترکاں دے وڈی گنتی چ اسلام قبول کرن نال غزنویاں دے اثر تے رسوخ چ بوہت وادھا ہویا ، جنہاں دے بعد چ علاقے تے حکومت کیتی ۔

معیشت

ساسانی بادشاہ نصر دوم دا سمرقند چ ڈھالیا سکہ

سلطنت سامانیہ دی معیشت دا انحصار زراعت تے تجارت تے سی ۔ سامانی سلطنت دے لوک تجارت چ بوہت دلچسپی رکھے سن ، ایتھے تک کہ اوہ یورپ دے دور دراز دے علاقےآں نال وی تجارت کردے سن ، اس گل دا ثبوت بالٹک تے سیکنڈے نیویا دے دیساں توں سینکڑےآں دی گنتی چ لبھے سامانی سکے نیں ۔

خاتمہ

سلطنت سامانیہ دا خاتمہ 999ء چ خانان کاراخانی دے ہتھوں ہویا ۔

مشہور حکمران

فائل:Dushanbe IsmailSamani.jpg
تاجکستان دے راجگھر دوشنبے چ اسماعیل سامانی دا مجسمہ

سامانیاں چوں سب توں مشہور تے چنگا حکمران اسماعیل سامان [892ء - 907ء ] سی ۔ اسماعیل بڑا نیک مزاج تے عادل بادشاہ سی ۔ نصر IIدا عہد علم و ادب دی سرپرستی دی وجہ توں ممتاز اے ۔ تے اسدے پترنوح I نوں ایہہ اعزاز حاصل اے کہ اسنے بخارا چ اک عظیم الشان کتب خانہ مائم کیتا سی ، جس چ ہر علم تے فن دی کتاباں لئی علیحدہ ، علیحدہ کمرے مخصوص سن ۔ مشہور فلسفی تے طبیب ابن سینا نے ایتھے موجود کئی قیمتی تے نایاب کتاباں دی بہت تعریف کیتی سی ۔ نوح اول دے لڑکے منصور I دے بارے چ مشہور سیاح ابن حوقل نے لکھیا اے کہ اوہ اپنے دور دا سب توں عادل بادشاہ سی


سامانی بادشاہاں دا شجرہ نسب

کارنامے

ساسانیاں دا سب توں وڈا کارنامہ خانہ بدوش ترک قبیلےآں توں مملکت دی حفاظت کرنا سی ۔ اس مقصد لئی شمالی سرحد تے تھاں تھاں تے چوکیاں قائم کیتیاں گئیاں سن ، جنہاں نوں رباط آکھیا جاندا سی ۔ تے ایتھے جہاد لئی ہر وقت رضاکار موجود رہندے سن ۔ ایسے دور چ ترکاں چ اسلام تیزی نکل پھیلیا تے جوتھی صدی ہجری دے آخر تک مشرقی ترکستاں یعنی کاشغر تے اسدے آل دوالے دی علاقیاں تے شمالی ترکستان توں لے کے روس چ دریائے وولگا دی وادی تک اسلام پھیل گئيا ۔

سامانی امیر

  • سامان خدا
  • اسد بن سامان
  • یحیی بن اسد (819ء توں 855ء)
  • نصر I ۔ (864ء توں 892ء) (جس نے 875ء چ مکمل آزاد ریاست قائم کیتی)
  • احمد سامانی (907ء توں 914ء)
  • نصر دوم (914ء توں 943ء)
  • عبدالمالک اول (954ء توں 961ء)
  • منصور اول (961ء توں 976ء)
  • نوح دوم (976ء توں 999ء)
  • عبدالمالک دوم (999ء)

ہور ویکھو

نوٹ

1۔ بخارا دی تریخ ، نرشاکھی دی لکھی ، باب 24 ، صفحہ 79 ۔


2۔ ڈینیئل ایل ایلٹون : ایران دی تریخ ، صفحہ 74 ۔

3۔ انسائیکلوپیڈیا برٹانیکا ، آن لائن اڈیشن ، 2007ء سامانی ٹبر ۔


سانچہ:فارسی ریاستاں