امریکا

امریکہ
United States of America
چنڈا	نشان
راجکعر:	واشنگٹن ڈی سی
رقبہ:	9,826,630 مربع کلومیٹر
لوک گنتی:	306,540,000
کرنسی:	ڈالر
صدر:	بارک اوبامہ
سرکاری ویب سائٹ:	[۱]

امریکہ براعظم اتلے امریکہ چ وسدا اے۔ واشنگٹن ڈی سی ایدا دارالحکومت اے تے ایدی لوک گنتی 30 کروڑ اے۔اس دے 50 صوبے نیں۔ اے دیس اتلے امریکہ دے وشکار اے جتھے ایدے 48 صوبے نیں۔ تےچڑدے چ اوقیانوس سمندر اے تے لیندے چ بحر الکاہل۔ ایدے اتر چ کینیڈا اے تے دکھن چ میکسیکو کینیڈا دا صوبہ براعظم دے اتر لیندے پاسے اے تے تے الاسکا دے چڑدے پاسے کینیڈا اے تے لیندے پاسے بیرنگ سٹریٹ توں پرے روس اے۔ صوبہ ہوائی جزیریاں دی مورت چ بحرالکاہل دے وشکار اے۔9.83 ملین مربع کلو میٹر تھاں نال امریکہ دنیا دا تیجا وڈا دیس اے۔ 30 کروڑ 60 لکھ لوکاں نال اے دنیا دا تیجا وڈا دیس اے۔ امریکہ چ سب توں بعوتیاں نسلاں دے لوک وس ر‎ نیں جیڑے بن باس کر کے اپنے دیساں نوں جھڈ کے ایتھے آکے وس گۓ نیں۔ امریکہ دی ایکانومی دا ناپ 14۔3 ٹرلین ڈالر اے۔ جیڑا دنیا دی ایکانومی دا 23٪ اے۔ امریکہ ازاد دیس اودوں بنیا جدوں 4 جولائی 1776 نوں ایدے 13 صوبے برطانیہ توں وکھرے ہوۓ۔

ناں

1507 تے لیندے پاسے دی دنیا دا ناں پیلی واری اطالوی کھوجی تے نقشہ بنان والے امریگو ویسپکی دے ناں تے ایس تھاں دا ناں امریکہ رکھیا۔ جرمن نقشہ بنان والے مارٹن والڈسیملر نے دنیا دا نقشہ بنایا تے ایدا ناں امریکہ رکھیا۔

تریخ

امریکہ دے سب توں پرانے واسی جناں نوں ریڈ انڈین وی کیا جاندا اے 10،000 توں 40،000 ورے پیلاں ایشیاء توں ایتھے آۓ ایتھے وائی بیجی کیتی تے رہتلاں بنائیاں۔ تورپی لوگ جدوں ایتھے آۓ تو او نال چیچک دا روگ وی لیاۓ جیدے لکھاں ریڈ انڈین ایدیاں وباواں چ مر گۓ۔ 1492 نوں کولمبس کریبین دے جزیریاں تک اّپڈیا تے 2 اپریل 1513 نوں ہسپانوی لڑاکا یوان پونس ڈی لیون نے امریکہ دی اک تھاں فلوریڈا تے پیر رکھے۔ فرانس دے کھلاں دے تاجراں نے وی کینیڈا توں لے کے خلیج میکسیکو تکر دی تھاں فرانس دے ناں لائی۔ 1607 چ انگریزاں نے ورجینیا چ جیمزٹاون دی تھاں تے پیلی بستی وسائی۔ ہولی ہولی ہور وی انگریز بستیاں وسدیاں گی‎اں۔ 1610 توں ڈچ وی سڈسن دریا دیاں تھلویاں کنڈیاں تے وسن لگ گۓ۔ مین ہٹن دے جزیرے تے نیوایمسٹرڈیم دا شہر وسایا۔1642 چ انگریزاں نے ڈچاں کولوں اے تھاواں کھو لیاں۔ امریکہ چ انگلینڈ ورگے لوک راج دی نیو پے رئی سی۔تے زمیناں تے کم کرن لئی افریقہ توں غلاماں نوں پھڑ پھڑ کے امریکہ وی لیایا جاریا سی۔

امریکی صوبیاں چ وادا تریخاں نال

امریکہ دی ازادی تے وادا

1760 توں مگروں امریکہ تے برطانیہ دے وشکار ٹیکس دے رپھڑ تے دوریاں ہوگیاں ۔ امریکی کیندے سن جے برطانیہ دی پارلیمنٹ نوں امریکی لوکاں تے ٹیکس لان دا کوئی حق نیئں کیون جے برطانیہ دی پارلیمنٹ چ اوناں دا کوئی جنا نیئں ہیگا۔ 14 جون 1775 نوں فلاڈیلفیا امریکہ نے اپنی قوج بنان دا دسیا جیدا کمانڈر جارج واشنگٹن نون بنایا گیا۔ 4 جولائی 1776 نوں امریکی کانگریس نے فلاڈیلفیا چ برطانیہ توں ازادی دا اعلاں کیتا۔ امریکیاں دے ہتھوں کٹ کھان توں مگروں برطانیہ نے امریکہ نوں اک ازاد دیس من لیا۔ امریکہ دی ازادی چ فرانس دا ہتھ وی ہیگا اے۔ صدر تھامس جیفرسن نے 1803 چ فرانس کولوں لوئزیانہ دی خریداری نال امریکہ دا رقبہ دوناں کردتا۔ برطانیہ نال 1812 چ اڑائی چھڑ گئی جیڑی برابری تے مکی۔ 1819 چ امریکہ نے فلوریڈا تے ہور سمندر دے کنڈے دیاں تھاواں سپین کولوں کھو لیاں۔ 1845 چ اوک داج ٹیکساس نوں امریکہ نال رلا لیا گیا۔ برطانیہ نال 1845 گل بات کر کے اتلے لیندے پاسیاں تے مل مار لیا گیا۔ میکسیکو نال لڑائی دے نتارے چ امریکہ نے 1848 چ اودے کولوں کیلیفورنیا تے ہور دکھنی لیندے پاسے دیاں تھانواں نوں اپنے نال رلا لیا۔ ریڈ انڈین لوکاں دی گنتی وی امریکیاں نال لڑن باجوں چوکھی تھوڑی رہ گئی۔

کعر دی لڑائی تے کارخانیاں دا لگناں

وائٹ ہاؤس

امریکہ دے تھلویں صوبے جتھے کہ وائی بیجی دا کم ہوندا سی تے اوناں نوں ایس کم لئی غلاماں دی لوڑ سی اوناں دی اتلے امریکہ دے صوبیاں نال نئی سی بن رئی جتھے کے کارخانے لگ رئے سن تے اوناں نوں کمیاں دی لوڑ سی۔ ریپبلکن پارٹی ولوں 1860 چ ابراہام لنکن نے ایے نعرے تے چناؤ جتیا ج اوہ صدر بن کے غلامی نوں امریکہ توں مکا دیگا۔ صدر بن دے ای اونے غلامی دے مکن دا قنون پاس کروایا پر ست تھلویں امریکی صوبیاں نے اس نوں ناں مندیاں ہویاں وکھرے ہون دااعلان کیتا تے ایس گل تے لڑائی چھڑ پئی۔ پنچ وریاں دی لڑائی توں مگروں ابراہام لنکن دیاں فوجاں جت گیاں امریکہ فیر اک ہوگیا پر ابراہام لنکن نوں قتل کردتا گیا۔

پیلی وڈی لڑائی

یورپ چ 1914 چ جدوں پیلی وڈی لڑائی چذڑی تے امریکہ کسے دا ساتھی نیئں سی پر 1917 چ اونے برطانیہ فرانس ول لڑائی چ چھال مار دتی تے اے لڑائی جت لئی۔ پر لڑائی دے مگروں امریکی کانگرس نے ناں ای ورسائی دے ایگریمنٹ نون منیا ناں ای لیگ اف نیشنز دا سنگی بنیا۔ 1920 تے 30 وریاں چ امریکی کم کاج چ وی اتار چڑھاؤ آندے ریۓ۔

دوجی وڈی لڑائی

دوجی وڈی لڑائی جدوں ٹری تے امریکہ سب تون وکھ سی پر جدون جپان نے پرل ہاربر تے ہلہ بولیا تے امریکہ وی لڑائی چ آکیا۔امریکہ دے آن نال لڑائی برطانیہ تے اود سنگیاں نیں جت لئی۔ امریکہ نے جپان دے دو شہراں ہیروشیما تے ناگا ساکی تے ایٹم بم مارے۔

ٹھنڈی لڑائی

بارک اوبامہ

لڑائی دے مگروں دنیا نے امریکہ تے روس دے وشکار دنیا تے اپنی چودھراہٹ ل‎ئی کئی تھاوانواں تے لفڑے ویکھے۔ امریکیاں نے یورپ چ اپنے سنگیاں نال رل کے اک فوجی جٹ نیٹو بنایا۔ امریکہ دے اندر اوس ویلے افریقی امریکیاں نے وی اپنے حقاں لئی کوششاں کیتیاں۔ روس دا یوری گیگرین جدوں خلا وچ گیا تے امریکی صدر جان ایف کینیڈی نے اکھیا جے امریکہ سب توں پیلے اپنا بندا چند ول ٹوریگا۔ تے 1969 نوں اے گل سچی ہوگئی۔ ویت نام دی لڑائی امریکہ د ہار تے مکدی اے۔ امریکہ تے روس دی اے ٹھنڈی لڑائی افغانستان چ روس دی ہار تے مکدی اے۔

اجکل

2001 چ امریکہ تے دہشتگرداں دے ہلہ بولن توں مگروں امریکی فوجاں عرا‍ق تے افغانستان چ لڑ ریاں نیں۔

امریکہ دے شہر

واشنگٹن ڈی سی · نیو یارک شہر · شکاگو ·

امریکا دیاں ریاستاں

آئیووا · آرکانساس · الاباما · الاسکا · الینوئی · انڈیانا · اوریگون · اوکلاہوما · اوہائیو · اڈاہو · ایریزونا · جارجیا · ساؤتھ ڈیکوٹا · ساؤتھ کیرولائنا · فلوریڈا · لوئزیانا · مسسسپی · مشیگن · منسسوٹا · مونٹانا · میری لینڈ · میساچیوسٹس · مینے · ٹیکساس · یوٹاہ · ورمونٹ · نارتھ کیرولائنا · نارتھ ڈیکوٹا · پنسلوانیا · رہوڈز آئلینڈ · نیو میکسیکو · ٹینیسی · ورجینیا · نیو جرسی  · نیو ہیمپشائر  · نیواڈا · نیبراسکا · مسوری  · وائیومنگ · واشنگٹن · ویسٹ ورجینیا · وسکونسن · ڈیلاویئر · کنساس · کنکٹیکٹ · کولوراڈو · کیلیفورنیا · کینٹکی · ہوائی · نیو یارک

اتلے امریکی دیس

 · کینیڈا · امریکہ · میکسیکو · کیوبا · گویٹے مالا · ہیٹی · پانامہ · ہونڈراس · باہاما · گریناڈا · ال سالواڈور · ڈومینیکن · کوسٹا ریکا · باربادوس · سینٹ لوشیا ·

امریکہ دے نیشنل پارک

یوسمائیٹ · ییلوسٹون · آرچز · بگ بنڈ · دینالی · میزا وردے · گرینڈ ٹیٹن · صیہون · وائیجرز  · سینٹرل · سیکویا · سیگوارو · اولمپک · کینینلینڈز · بسکینی · برائیس کینین · کیپیٹل ریف · چینل آئیلینڈز · گلیشیر بے · گلیشیر · گریٹ بیسن · ہالیاکالا · ہوائی والکینوز · ایورگلیڈز · تھیوڈر روزویلٹ · راکی ماؤنٹین · ماؤنٹ رینیر · جوشواٹری · شیننڈوح