فاتح مسجد

فاتح مسیت ترکی دے شہر استمبول دی اک جامع مسجد اے ، جہڑی عثمانی دور چ اساری گئی ۔ ایہہ استمبول چ اسلامی طرز تعمیر دا اک اہم نمونہ اے تے ترک طرز تعمیر دے اہم مرحلے دی نمائندکی کردی اے ۔

تریخ

فاتح مسیت فتح قسطنطنیہ دے مگروں سلطان محمد فاتح دے حکم نال بنائی گئی ۔ ایہہ مسجد فتح قسطنطنیہ دے بعد اساری جانہہ آلی پہلی مسیت سی ۔ تعمیر دے ماہر عتیق سنان نے 1463ء توں 1470ء دے عرصے چ اس مسیت نوں اسارئیا ۔

مسیت دی اصلی عمارت مسیت دے دوالے بوہت ای منصوبہ بندی نال تیار کیتیاں گئیاں عمارتاں دا مجموعہ سی ۔ اینہاں چ 8 مدرسے ، کتب خانہ ، شفا خانہ ، مسافر خانہ ، کاروان سرائے ، بازار ، حمام تے لنگر خانہ موجود سن ۔ ویلے دے نال نال ایتھے کجھ قبراں وی بنئیاں ۔ اصلی عمارت 325 میٹر چ مربع شکل دی سی جہڑی حادۃ فوزی پاشا پے شاخ زریں دے کنارے تے واقع سی ۔

سلطان محمد فاتح دی تعمیر کیتی گئی مسجد 1509ء دے زلزلے چ بری طراں متاثر ہوءی تے جسنوں بعد چ مرمت کیتا گئیا ۔ 1557ء تے 1754ء دے بھچالاں چ اک وار فیر مسیت تے اثر پئیا تے اک وار فیر اس دی مرمت کیتی گئی ۔ پر 22 مئی 1766ء چ آنہہ آلے زلزلے چ اس مسیت مکمل طور تے تباہ ہو گئی ۔ موجودہ مسیت سلطان مصطفی ثالث دے حکم تے معمار محمد طاہر نے 1771ء چ تعمیر کیتی جہڑی اصل مسیت نالوں بلکل مختلف انداز چ تعمیر کیتی گئی ۔

مسید دا صحن ، مرکزی داخلی بوہا تے میناراں دے تھلڑے حصے ای پہلی تعمیر دا حصہ نیں جنہاں تے 1771ء چ مسیت دوبارہ اساری گئی ۔

مسیت دے باغ چ سلطان محمد فاتح تے اسدی ملکہ گل بہار خاتون دی قبراں نیں ۔ مسیت دے احاطے ج سلطان محمد فاتح دی ماں نقش دل سلطانہ دی قبر وی موجود اے ۔

ایوب انصاری مسیت وانگوں فاتح مسیت وی فن تعمیر دے لحاظ نال اینی اہمیت دی حامل نئیں بلکہ دونے مسیتاں تریخی اہمیت دیاں حامل نیں ۔

 · ترکی دیاں مسیتاں

سلطان احمد · سلیمیہ · سلیمانیہ · فاتح · عرب · عتیق علی پاشا · بایزید · بودرم · فناری عیسا · فیروز آغا · گل · نورعثمانیہ · اورتاکوئے · خرامی احمد پاشا ·  · ینی والدی · قلندرخانہ مسیت · کاریہ · زیرک · کوچک · لالیلی · محرمہ سلطانہ · نویں · شمسی پاشا · سنجکتار خیرالدین · نکا آیا صوفیہ · ملا قلبی · زینب سلطان · آکسرے والدہ سلطان · شہزادہ · سنان پاشا · سوکولو محمد پاشا · یاوز سلیم · ظل محمود پاشا · پرانی · برصہ · کوجاتپہ