الیگزنڈر فلیمنگ

الیگزنڈر فلیمنگ
جمن تھاں	{{{جمن تھاں}}}
جمن نی تاریخ	{{{جمن نی تاریخ}}}
دیس	برطانیہ
ناگرکتا	{{{ناگرکتا}}}
کم	ڈاکٹری
سال سرگرم	{{{سال سرگرم}}}
گن	پنسلین بنانا

فلیمنگ اک برطانوی ڈاکٹر تے دوائیاں دا گرو سی جینے 1928 چ اک دوائی پنسلین ٹعونڈی جینے جراسیماں نوں مارن چ بعوت کم کیتا۔ ایس کم تے اونوں 1945 دا نوبل انعام دتا گیا۔

جیون

الیگزنڈر فلیمنگ 6 اگست 1881 نوں برطانیہ دے صوبے سکاٹ لینڈ چ جمیا۔ اوہ اٹھ پعن پعرا سن۔ اوہ ست وریاں دا سی جدوں اودا پیو مرگیا۔ پیلے اوہ ڈارول سکول چ پڑھدا ریا فیر اوہ کلمورک اکیڈیمی چپ ّڑھدا ریا۔ چار وریاں تک جعازاں دی کمپنی چ کلرکی کیتی۔ 20 وریاں دا سی اوہ جدوں اک چاچے دے مرن تے اونوں اودی وراثت چوں کج پیسے لبے ۔ وڈے پعرا دے مشورے تے جیڑا کہ آپ ڈاکٹر سی 1901 چ ڈاکٹری کرن لئی سینٹ میری ہسپتال لندن چ داخلہ لے لیا۔1906 چ اونے ڈاکٹری دا نتارا کیتا تے سرجن لگنا جاندا سی پر اوہ اک رائفل کلب دا وی سنگی سی تے رائفل کلب دا کیپٹن نئں سی چاندا جے فلیمنگ اوتھوں جاوے ایس لئی اونے اینوں آکھیا جے سینٹ میری ہسپتال چ ای ٹکیا رۓ جتھے اوہ فیر سر المراتھ رائٹ دا سنگی لگ گیا۔ جیڑا دوائیاں دا وڈا گرو سی ۔ 1914 تک ااوہ ایتھے لیکچرر لگا ریا۔ 23 دسمبر 1915 نوں اونے اک نرس نال ویاہ کر لیا۔ پہلی جنگ عظیم چ اوہ زخمی فوجیاں دی ڈاکٹری وی کردا ریا۔ 1918 نوں سینٹ میری ہسپتال واپس آگیا تے اونوں 1928 نوں اونوں بیکٹیریااوجی دا پروفیسر بنا دتا گیا۔

پینسلین

سینٹ میری ہسپتال

1922 چ اونے لائسوزائن لب لئی۔ لائسوزائن کج جراسیماں نوں مار رئی سی پرساریاں نوں نئیں۔ فلیمنگ نے اے شے ویکھی کہ جراسیم مارن والیاں دوائیاں اکثر انسانی جسماں تے اوناں مادیاں نوں وی مار دیندیاں نیں جیڑے جراسیماں نال لڑدے نیں۔ فلیمنگ کسی ایسی دوائی کسی ایسی چیز دی کھوج وچ سی جیڑی جراسیماں نوں تے مارے تے باقی ہورے پنڈے دے کسے پاسے نوں نہ نقصان دیوے اگست 1928 چ اوہ چھٹیاں تے سیر کرن گیا ہویا سی اپنی لیباٹری چ کج پلیٹاں تے فنگس کھلار کے رکھ گیا سی۔ اوہ جدوں واپس آیا اونے آکے ویکھیا کہ اک پلیٹ دے اک پاسے توں فنگس مک چکے سی تے پلیٹ دے دوجے پاسے ٹھیک سن۔ اونے اس مکان آلی چیز نوں لبیا تے 7 مارچ 1939 نوں اودھا ناں پینسلین رکھیا۔ 1939 چ فلیمنگ نے اپنی اس ٹونڈ نوں اک دوائیاں آلے میگزین چ لکھیا۔ اونے اے چیز ویکھی کہ پینسلین نوں اگانا تے وکھریاں کرنا ایڈا آسان کم وی نئیں لوکاں نے اودی اس پینسلین تے کوئی ایڈی توجہ نہ دتی۔ نالے اینوں وکھریاں کرن لئی اک کیمسٹ دی لوڑ سی تے فلیمنگ بائیلوجی دا گرو سی۔

دوجی جنگ عظیم ٹر پئی بندے مکھیاں دی طرح مرن لگ گۓ فیر ایسی دوائی دی لوڑ پئی جیڑی انساناں نوں زخماں تون مرن تون بچا سکے۔ پینسلین تے کم ٹوریا گیا اک ٹیم بنائی گئی فلورے ت چین تے جیدا اے کم سی کہ پینسلین نوں کھری حالت وچ تیار کر سکن۔ اس کم لئی اے ٹیم آکسفورڈ آئی۔ پینسلین نوں کھرا بنایا گیا تے اگست 1944 نوں جدوں امریکی تے انگریز فوجاں نیں نارمنڈی فرانس تے حملہ کیتا تے پینسلین زخمی سپاہیاں نوں بچان آستے تیار سی پینسلین نے جادو دی طرح کم کیتا۔

پینسلین نے جراسیم مارن آلی دوائیاں دے اک نوے ویلے نوں ٹوریا۔ 1955 چ الگزنڈر فلیمنگ دل دا دورا پین نال مر گیا۔

بارلے جوڑ

• جیون
• فلیمغگ ٹائم 100
• تھاواں تے یاداں
• الیگزنڈر فلیمنگ