مراکش

مراکش
چنڈا	نشان
راجکعر:	رباط
رقبہ:	446,550 km²
لوک گنتی:	31,352,000

سلطنت مراکش ( عربی : المغرب) اتری افریقہ دا اک دیس اے ۔ بحر اوقیانوس دے نال لمبی پٹی تے واقع اس دیس دیاں جوآں چڑھدے چ الجزائر ، اتر چ بحیرہ روم تے آبنائے جبرالٹر دے نیڑے سپین نال سمندری سرحد تے لہندے چ بحر اوقیانوس نال ملدیاں نیں ۔ دکھن ج اسدیاں سرحداں متنازعہ نیں ۔ مراکش مغربی صحارا تے ملکیت دا دعوی کردا اے تے 1975ء توں اسدے وڈے حصے دا انتظام وی اسدے کول اے ۔ مراکش افریقہ دا کلا دیس اے جہڑا افریقی یونین دا رکن نئیں ، پر ایہہ عرب لیگ ، عرب مغرب یونین ، موتمر عالمی اسلامی ، میڈیٹرینیئن ڈائلاگ گروپ تے گروپ آف 77 دا رکن اے تے امریکہ دا اہم غیر ناٹو اتحادی اے ۔

ناں

دیس دا پورا عربی ناں " المملکہ المغربی " اے جس دا مطلب لیندی سلطنت اے ۔ تریخ چ مراکش نوں المغرب الاقصی کہندے سن ، جس دی بنیاد تے اسنوں مغرب کہیا جاندا اے ۔ اردو پنجابی سمیت کئی بولیاں چ اسنوں مراکش آکھیا جاندا اے ، جہڑا کہ اس دے پہلے اک راجگھر دا ناں سی ۔

تریخ

موجودہ مراکش دا علاقہ 8 ہزار سال قبل مسیح چ آباد ہوئیا ۔ پرانےآں زمانےآں چ ایہہ ماریطانیہ کہلاندا سی چیتا رہے کہ ماریطانیہ دے ناں دا دیس وی مراکش دے نیڑے واقع اے ۔ اتری افریقہ تے مراکش رومی سلطنت دا حصہ رہے نیں تے رومی سلطنت چ مراکش دا علاقہ" موریتانیہ تنگیتانا " آکھواندا سی ۔ 5ویں ھدی چ رومی سلطنت دے زوال دے بعد وینڈیلز ، ویزیگوتھ تے بازنطینی یونانیاں نے اس علاقے تے قبضہ کیتا تے اس دور چ وی موجودہ مراکش دے پہاڑی علاقے آزاد رہے ، جتھے بربر لوک آباد سن ۔

ظہور اسلام دے بعد 7ویں صدی چ عرب فوجاں اتری افریقہ نوں فتح کردیاں ہوئیاں مراکش پہنچیاں ۔ 670ء چ اموی سلطنت دا جرنیل عقبہ بن نافع اتری افریقہ ج مل ماردا ہوئیا مراکش پہنچیا تے 683ء تک اج دے مراکش دا سارا علاقے تے مل مار لئیا گئیا ۔

افریقا دے دیس

 · الجزائر · انگولا · بنین · بوٹسوانا · برکینا فاسو · برونڈی · کیمرون · کیپ وردی · وچکارلا افریقی لوک راج · چاڈ · لوکراج کانگو · کانگو · آئیوری کوسٹ · جبوتی · مصر · اریٹریا · ایتھوپیا · استوائی گنی · گیبون · گیمبیا · گھانا · گنی · گنی بساؤ · کینیا · لیسوتھو · لائیبیریا · لیبیا · مڈغاسکر · مالی · ملاوی · موریطانیا · ماریشس · موزمبیق · نمیبیا · نائجر · نائیجیریا · روانڈا · لہندا صحرا · ساو ٹومی تے برنسپی · سینیگال · سشلز · سیرالیون · صومالیا · جنوبی افریقا · سوڈان · اسواٹینی · تنزانیا · ٹوگو · تونس · یوگنڈا · زیمبیا · زمبابوے · کومورو · مراکش