بطلیموس

بطلیموس

بطلیموس دوجی صدی دا اک تارہ گرو ، جغرافیہ گرو تے ریاضی گرو سی ۔ ایہہ اسکندریہ مصر چ جمیا ۔ اس دی وڈی لکھت الماگست اے ، جہڑی 13 انگاں تے اے ۔ ایہ تارہ پڑھت تے اے ۔ پہلے 2 انگاں وچ تارہ پڑھت تے ریاضی دے ولاں بارے لکھیا گئیا اے ، تیجے انگ وچ سال دی لمبائی تے سورج دی ٹور تے گل بات کیتی گئی اے ۔ چوتھ انگ وچ مہینیآں دی لمبائی تے چن دے گھٹن ودھن تے اے ۔ 5ویں مقالے چ سورج ، چن تے زمین دا قطر تے سورج توں اینہاں دے پینڈے نوں دسیا گئیا اے ۔ الماگست وچ تارہ پڑھت دا 150ء دے نیڑے تک دی جانکاری کٹھی کرتی گئی اے۔

اس کتاب چ بطلیموس نے اپنا بنائیا ہوئیا پربندھ دسیا اے ، جہڑا ڈیڑھ ہزار سال تک ٹھیک سمجھیا جاندا رہیا اے تے اسنوں بطلیموسی پربندھ دا ناں دتا گئیا سی ۔ جس دے باجوں زمین کھڑی اے تے سورج ، چن تے دوجے پاندھی اس دے دوالے گھمدے نیں ۔ 1400ء چ پولینڈ دے تارہ گرو کوپر نیکس نے بطلیموسی سوچاں نوں غلط ثابت کیتا ۔ بطلیموس دی اک ہور کتاب جغرافیہ بطلیموس 8 جلداں چ اے ، اس کتاب نوں وی الماگست ورگی اہمیت حاصل اے ۔