کاݪا سمندر

بحیرہ اسود چڑھدے دکھنی یورپ تے اناطولیہ دے درمیان واقع اک سمندر اے ۔ اسلامی تریخ دیاں کتاباں چ اسدا ناں بنطس لکھیا گئیا اے تے بحیرہ اسود دراصل انگریزی چ اسدے ناں "بلیک سی" دا ترجمہ اے ۔ اسنوں بحیرہ اسود یا کالا سمندر اس لئی آکھیا جاندا اے کیونکہ سردیاں چ اس سمندر تے اینی دھند چھائی رہندی اے کہ کوئی شے نظر نئیں آندی ۔ ایہ سمندر دراصل بحر اوقیانوس دا ای اک حصہ اے تے بحیرہ روم دے راہیں اس نال ملیا ہوئیا اے ۔ ایہہ آبنائے باسفورس تے بحیرہ مرمرہ دے زریعے بحیرہ روم تے آبنائے کرچ دے زریعے بحیرہ ازوف نال جڑیا ہوئیا اے ۔

بحیرہ اسود چ ڈگن والا سب توں اہم دریا دریاۓ ڈینیوب اے ۔ ایہہ بحیرہ 4 لکھ 22 ہزار مربع کلومیٹر دے رقبے تے پھلیا ہوئیا اے ۔ اسدی دی ودھ توں ودھ گہرائی 2210 میٹر اے ۔ بحیرہ اسود دے ساحلی ملکاں چ ترکی ، بلغاریہ ، رومانیہ ، یوکرین ، روس تے جارجیا(گرجستان) شامل نیں ، یوکرین دی خودمختار جمہوریہ کریمیا وی اسدے ساحل تے واقع اے ۔ ترکی دا شہر استمبول اسدے کنارے اہم ترین شہر اے ۔