فرڈیننڈ میگلان

فرڈیننڈ میگلان (1480 - 1521) پرتگال دا اک کھوجی سی جینے پہلی واری بحراوفیانوس توں لنگ کے بحرالکاہل پار کیتا۔

فرڈیننڈ میگلان اتلے پرتگال دے تھاں سبروسہ چ 1480 چ جمیا۔ اوہ پیڈرو اوفنسو دا پتر سی۔ مارچ 1505 چ اونوں 25 وریاں دی عمر چ پرتگیزی ہندستان دے پہلے سردار فرانسسکو ڈی المیدا نال گوآ پیجیا گیا۔ ایتھے اونے کئی لرائیاں لڑیاں۔ 1509 ج اوہ ملاکا تک گیا۔ 1511 ج اونے البوکرک نال رل کے ملاکا تے مل ماریا۔ واپس پرتگال آیا پر اودی ایہ گل نان منی کئی جے چڑھدے ول لیندے ولون جایا جاۓ۔ ایس لئی اوہ 1517 چ سپین آگیا سپین دے بادشاہ نے اودی ہتھ ونڈائی کیتی اونوں سمندری جعاز دتے تے نال ہلہ شیری۔ 20ستمبر 1519 نوں اوہ سپین توں ٹریا کیناری جزیریاں توں ہوندا ہویا برازیل 13 دسمبر 1519 نوں اپڑیا۔ دکھن ول تے تھلویں امریکہ دے کنڈیاں اوناں اپنا سفر جاری رکھیا تے 21 جنوری 1521 نوں اوہ کیپ ورجن اپڑے جیہڑا ارجنٹینا دا سب توں تھلواں کونا اے۔ ایدروں اوہ 28 نومبر نوں بحرالکاہل چ داخل ہوۓ۔

میگلان دا دنیا دے دوالے سفر

میگلان پہلا یورپی سی جیہڑا اگتھاں (Tierra del Fuego) اپڑیا۔ 13 فروری 1521 نوں ایہ لوک ایکویٹر اپڑے۔ ماریانا تے گوام توں ہوندے ہوۓ اوہ 17 مارچ 1521 نوں فلپائن پونچے۔ 27 اپریل 1521 نوں اک دیسی لڑائی چ میگلان ماریا گیا۔ 6ستمبر 1522 نوں میگلان دا اک جعاز بنا میگلان توں سپین اپڑیا۔