دریائے وولگا

دریاۓ وولگا
ٹرنا:	توور اوبلاسٹ، روس
انت:	بحیرہ کیسپیئن
لمبائی :	کلومیٹر 3,692
دیس:	روس

دریائے وولگا روس دا قومی دریا سمجھیا جاندا اے ۔ ایہہ یورپ دا سب توں لمبا دریا اے ۔ ایہہ دریا ماسکو دے شمال مغرب تے سینٹ پیٹرز برگ دے جنوب مغرب چ 320 کلومیٹر دور کوہ ولدائی توں نکلدا اے ۔ ایتھوں ایہہ مشرق ول سفر کردا ہوئیا استراخان دے نیڑے سطح سمندر توں 28 میٹر تھلے بحیرہ قزوین ( بحیرہ کیسپیئن ) چ جاگردا اے ۔ بحیرہ کیسپیئن چ ڈگن توں پہلاں وولگو گراد ( سابق سٹالن گراد )دے نیڑے دریائے ڈون ول موڑ کٹدا اے ۔ جتھے ڈون وولگا نہر تعمیر کرکے اسنوں دریائے ڈون نال ملا دتا گئیا اے ۔ بحیرہ کیسپیئن توں بحیرہ اسود تے دنیا دے دوجے علاقیاں نوں جان والے جہاز دریائے وولگا تےڈون وولگا نہر توں گذرن دے بعد دریائے ڈون تے فیر بحیرہ ازوف تے آبناۓ کرچ توں ہندے ہوئے بحیرہ اسود چ پہنچدے نیں ۔ اس طرخ ایہہ بحیرہ کیسپیئن (بحیرہ قزوین ) نوں دنیا بھر نال منسلک کرن دا اہم زریعہ اے ۔

اس دریا دا ڈیلٹا 160 کلومیٹر طویل اے ۔ ڈون وولگا نہر دے علاوہ ماسکو نہر تے مارینسک نہر دا نظام ماسکو نوں بحیرہ روم ، ، بحیرہ اسود ، بحیرہ ازوف تے بحیرہ قزوین نال ملاندا اے ۔

دریائے وولگا تے ساراتوو پل ، جہڑا یورپ دا سبتوں لمبا پل اے

اس دریا دے ڈیلٹائی علاقے چ قائم مسلمان حکومتاں خانان سرائے تے خانان استراخان سن جنہاں دے 16ویں صدی چ روسی سلطنت نے قبضہ کرلئیا سی جہڑا کہ ہن تک قائم اے تے ہن مسلمان اس علاقے چ روسی پالیسیاں دی وجہ توں اقلیت چ نیں ۔ اس دے علاوہ اس دریا دے کنارے موجودہ تاتارستان دی سرزمین تے قائم خانان قازان یا کازان خانیٹ تے وی روس نے قبضہ کرلئیا سی ۔

وولگا مورتاں چ
		فائل:Galakhov-Nikolai-July-on-the-Volga-River-gal23bw.jpg	فائل:Galakhov-Nikolai-On-the-Volga-River-per16bw.jpg

روس دے دریا

وولگا · کاما