سلیڈا

سلیڈا
کنگڈم :	Animalia
فائیلم :	Chordata
کلاس :	پنچھی
ٹبر :	سلیڈا ریشنباخ، 1849
جنساں:	مورس، پاپوسلا، سولا

سلیڈا سمندری پنچھیاں دا اک ٹبر اے جیدے وچ بوبی تے گینٹ آندے نیں۔ ایہ وشکارلے تے وڈے ناپ دے سمندری پنچھی نیں جیہڑے مچھیاں تے رلدے شکار تے جیندے نیں۔

وکھالہ

سلیڈا 60 توں 85 سینٹی میٹر (24 توں 33 انچ) لمے ہوندے نیں تے ایہناں دے پر 140 توں 175 سینٹی میٹر(4.6 توں 5.74 فٹ) تک پھیلدے نیں۔ پر لمے تنگ تے چنجوالے نیں۔ پوچھل لمی، لتاں پینڈیاں تے پنجے جھلی والے نیں۔

ونڈ

سلیڈا ٹبر وچ 3 جنساں نیں جناں وچ 10 پنجھی نیں۔ ایہدیاں 3 جنساں تے اگے اوہناں دیاں ونڈاں ایہ نیں :

• مورس
  • اتلا گینٹ
  • اسٹریلوی گینٹ
  • کیپ گینٹ

• پاپوسلا
  • ایبٹ دی بوبی

• سولا
  • ماسکڈ بوبی
  • نازکا بوبی
  • پورا بوبی
  • لال پیروالا بوبی
  • پیرو بوبی
  • نیلے پیروالا بوبی

پسار

این ٹراپک تے رلویں ٹراپک دے پنچھی نیں۔ ایہ پر کج گرم تھانواں تے وی ملدے نیں۔ ایہ سمندر دے کنڈیاں توں دور نہیں جاندے۔ کج ونڈاں دور جزیراں تک وی اپڑیاں نیں۔ ایہناں دا کھان پین سارا سمندر تے اے۔ ایہ ہوا توں پانی وچ اڈدیاں غوطہ ماردے نیں تے اک یا دو میٹر تک پانی دے اندر شکار نوں پھڑدے نیں۔ اگر شکار نس پوے تے لتاں تے پراں نال پانی وج تر کے پھڑ دے نیں۔

بچے جمنا

سلیڈا بچے جمن لئی نگریاں سمندری کنڈیاں تے وساندے نیں۔ نر اڈ کے پسند دی تھاں لبدے نیں تے فیر اوتھے النہ پاندے نیں۔ آلنہ پاکے نر اپنے ول نال مادھ نوں بلاندے نیں۔ مادہ اڈدیاں آلنے لبدی اے تے فیر پیراں نال ٹر کے نوں نر نوں کردی اے۔ 2 تک انڈے دیندے نیں جنہاں وچوں 44 توں 65 دناں وچ بچے نکل آندے نیں۔