چنھاں دریا

دریاۓ چناب ہمالیہ وچوں نکلدا اے تہ پنجاب وچ دریاۓ سندھ نال جا ملدا اے۔ ایدی لمبائ 960 کلومیٹر اے۔ دریائے چناب پاکستان دے وڈے دریاواں چوں اک اے ۔ چناب دا ناں "چن" تے "آب" نال مل کے بنیا اے جس چ چن دا مطلب چند تے آب دا پانی اے ۔ دریائے چناب دریائے چندرا تے بھاگا دے بالائی ہمالیہ چ ٹنڈی دے مقام تے ملاپ نال بندا اے جہڑا بھارت دی ریاست ہماچل پردیش دے ضلعے لاہول ج اے ۔ بالائی علاقیاں چ اسنوں چندرا بھاگا دے ناں نال پکاریا جاندا اے ۔ ایہہ جموں کشمیر دے علاقے جموں تون وگدا ہوئیا پنجاب دے میداناں چ داخل ہندا اے ۔ ضلع جھنگ چ تریموں دے مقام تے ایہہ دریائے جہلم نال ملدا اے تے فیر دریائے راوی نوں نال ملاندا ہوئیا اوچ شریف دے مقام تے دریائے ستلج نال مل کے پنجند بناوندا اے تے مٹھن کوٹ دے مقام تے دریائے سندھ چ جا گردا اے ۔ دریائے چناب دی کل لمبائی 960 کلومیٹر اے ۔ سندھ طاس معاہدے دی رو نال استے پاکستان دا حق تسلیم کیتا گئیا اے ۔ ویدک زمانہ[قدیم ہندوستان] چ اسنوں اشکنی یا اسکمتی دے ناں نال تے قدیم یونان چ آچے سائنز دے ناں نال جانیا جاندا سی ۔ 325 قبل مسیح چ سکندر اعظم نے اسکندریہ ناں دا شہر پنجند دے نیڑے تعمیر کیتا سی ، جہڑا اج شائد اوچ شریف ، مٹھن کوٹ یا چچارن اے ۔ پنجابی تہذیب چ دریائے چناب دا بہت اہم تے علامتی مقام اے ، جسدے دوالے پنجابی سوجھ بوجھ گھمدی اے تے ہیر رانجھا دی رومانوی داستان وی دریائے چناب دے گرد ای گھمدی اے ۔

ریلوے

ہندوستان دی حکومت جمون کشمیر چ دریائے چناب تے دنیا دا سب توں اچا پل بنا رہی اے ، جسدی تکمیل 2009ء چ متوقع اے ۔

پاکستان دے دریا

ستلج · راوی · چناب · جہلم · انڈس · سواں · کنہار · ہرو · نیلم · شیوک · شگر · ہنزا · گلگت · استور · چترال · سوات · خیبر · کرم · گومل · ٹوچی · ژوب · ہنگول · حب