ابو الہول

مصر دے آثار قدیمہ چ ابو الہول بہت مشہور اے ۔ ایہہ اک بہت وڈا مسجمہ اے جس دا سر اک انسان دا تے باقی دھڑ شیر دا اے ۔ ایہہ غزہ دے علاقے چ اے ۔ اس دی لمبائی 189 فٹ تے انچائی 65 فٹ دے نیڑے اے ۔ دور توں ویکھن چ ایہہ پہاڑ ورگوں نظر آندا اے ، ایہہ مجسمہ تقریبا 3 ہزار سال قبل مسیح چ اک وڈی چٹان نوں تراش کے بنائیا گئیا سی ، اسدے پنجے تے دھڑ بیٹھے ہوئے شیر دے تے سر انسان دا اے ۔ سورج دیوتا دی حثیت نال اس دی پوجا وی کیتی جاندی سی ۔ ویلے دے لنگھن نال اس دی صورت وی بگڑ گئی اے ، داڑھی تے نک ٹٹ گئی اے تے اسدا اوہ پہلے آلا چہرہ جسدا ذکر پرکنے ویلے دے سیاحاں نے کیتا اے ہن موجود نئیں تے ہن ایہہ اک خوفناک شکل دا اے ۔ ایسے وجہ توں عرباں نے اسدا ناں ابوالہول ( خوف دا پیؤ) رکھیا اے ۔