انتظار حسین

انتظار حسین
جم	7 دسمبر 1923(1923-12-07) ہندستان
موت	۲ فروری ۲,۰۱۶(2016-02-02) (عمر 92 سال) لہور, پاکستان
کم کِتہ	صحافی، ناول لکھاری
بولی	اردو
قومیت	پاکستانی
شہریت	پاکستان
مادر علمی	جامعہ پنجاب، پاکستان
مضمون	ناول
وڈے اعزاز	ستارۂ امتیاز

انتظار حسین (7 دسمبر، 1923ء - 2 فروری، 2016ء) اردو دے ایک مشعور ناول، افسانہ تے تنقید لکھاری سن ۔

جیونی

انتظار حسین 7 دسمبر، 1923 نوں میرٹھ، ضلع بلندشہر دے نیڑے اک چھوٹے جہے پنڈ بدائی وچّ پیدا ہوئے۔ میرٹھ کالج توں بی اے کیتی اتے پنجاب یونیورسٹی توں ایم اے اردو کرن توں بعد پترکاری دے شعبے نال وابستا ہو گئے۔ پہلا کہانی مجموعہ گلی کوچے 1953 وچّ شائع ہویا۔ روزنامہ مشرق وچّ لمے عرصے تکّ چھپن والے اوہناں دے کالم لاہور نامہ نوں بہت شہرت ملی۔ اس دے علاوہ اوہ ریڈیو وچّ وی کالم نگاری کردے رہے۔ کہانیکاری اتے ناولکاری وچّ اوہناں نوں اک خاص تھاں حاصل ہے۔

کلا اتے سٹائل

انتظار حسین اردو کہانی دا اک مئتبر نام ہون دے نال نال اپنے سٹائل، بدلدے لہجیاں اتے شلپکاری دے صدقہ اج وی پیش منظر دے کہانی کاراں لئی وڈا چیلنج ہن۔ اوہناں دی اہمیت اس لئی وی ہے کہ اوہناں نے افسانوی فضا، اس دی پاتر-اساری اتے شیلی دا اپنے اجوکے تقاضیاں کے تحت ورتاؤ کرنا چاہیا ہے۔ اوہناں دیاں لکھتاں پڑھ کے حیرت دا اک ریلا جیہا آؤندا ہے جس نے اج دے سنجیدہ پڑھن آلےآں دے پیر اکھاڑ رکھے ہن۔ اوہناں دی خود ساختا صورتحال حقیقت توں بہت دور ہے۔ اس طرحاں دی صورتحال فینٹاسی دے نام ہیٹھ یورپ وچّ ساہمنے آئی۔

رچناواں

کہانیاں

• آخری آدمی
• شہر افسوس
• خالی پنجرہ
• خیمے سے دور
• کچھوے
• کنکرے
• گلی کوچے

ناول

• جل گرجے
• آگے سمندر ہے
• بستی
• چاند گہن
• دن (ناولٹ)

سوے-جیونی

• چراغوں کا دھواں
• دلی تھا جس کا نام

انعام

• ستارہ امتیاز، پاکستان حکومت ولوں۔
• ستمبر 2014, آفیسر آف دی آرڈر آف آرٹس اینڈ لیٹرز، فرانس حکومت ولوں۔
• انتظار حسین پاکستان دا پہلا ادیب سی جس دا نام مین بکر پرائیز لئی شارٹ لسٹ کیتا گیا سی۔

حوالے