لما ایشیا

:

  چڑھدا ایشیا

  لہندا ایشیا

  اُبھا ایشیا

  لما ایشیا

  وچکارلا ایشیا

  لموچی چڑھدا ایشیا

لما ایشیا یا لموچی ایشیا براعظم ، ایشیا دے لمے پاسے وسدے دیساں تے مشتمل علاقے نوں کہیا جاندا اے ۔ لموچی ایشیای دیس : پاکستان ، بھارت ، نیپال ، بھوٹان ، بنگلا دیش ، سری لنکا تے مالدیپ ۔ ایس توں علاوا اِنڈک ساگر وچ برطانوی مقبوضات وی لمے ایشیا وچ شمار کیتے جاندے نیں ۔ ایس توں علاوا ثقافتی وجوہات دی بنا تے تبت نوں وی لمےایشیا وچ شمار کیتا جاندا اے ۔ لمے ایشیا نوں برصغیر وی کہیا جاندا اے ۔ ایہ خِطا لہندے ایشیا ، وچکارلے ایشیا ، ءچڑھدے ایشیا تے لموچی چڑھدے ایشیا دے وچکار واقع اے ۔ لمے ایشیا دے دیس علاقائی تنظیم سارک دے رکن وی نیں ۔

جغرافیائی اصطلاح

لما ایشیا

جغرافیائی طور تے برصغیر دی اصطلاح اس علاقے لئی ورتی جاندی اے جہڑا ہندی پرت تے قائم اے جیہدے اُبھے پاسے یوریشین پرت اے ۔ پاکستان دا صوبا گلگت بلتستان وچکارلے ایشیا وچ وی شمار کیتا جاندا اے ۔ سیاسی طور تے اس اصطلاح چ ہندی پرت دے باہرلے علاقے وی شامل کیتے جاندے نیں ، پاکستان وچ دریاۓ سندھ دے لہندے وچ واقع علاقے تریخی وجہاں دی بنا تے کدی کدائیں وچکارلے ایشیا وچ شمار کیتے جاندے نیں ، جیہدی اک مثال صوبا بلوچستان اے جہڑا ہندی پرت تے قائم نئیں بلکہ ایران پٹھار دے کنڈھےآں تے واقع اے ۔

تریخ تے اعداد و شمار

لموچی ایشیا دا مقامی بولیاں وچ نقشا

لما ایشیا دی تریخ ماضی وچ باہرلے حملا آوراں دی زد چ رہیا اے ایس لئی ایہدی ثقافت وی مختلف قوماں دے ملاپ نال بنی اے ۔ پر لوکں دی اکثریت ہندو مت تے اسلام نوں مَندی اے ۔ ایسے لئی لمے ایشیا دی رہتل تے دوناں مذہباں دی گوڑھی چھاپ اے ۔

لما ایشیا جگ دے گنجان آباد ترین علاقےآں وچ شمار ہُندا اے ۔ ایتھے تقریبن 1 ارب 60 کروڑ لوک رہندے نیں ۔ جیہڑا دنیا دی کل آبادی دا پنجواں حصا اے ۔ایتھے آبادی دی کثافت 305 بندے فی مربع کلومیٹر اے جیہڑی دنیا بھر دی اوسط کثافت توں 7 گُݨا ودھ اے ۔

ہور دیکھو

• بھارت
• پاکستان
• سری لنکا
• بنگلا دیش
• نیپال
• بھوٹان
• مالدیپ

ہور دیکھو

• ایشیا دے خطے

1. چڑھدا ایشیا
2. لہندا ایشیا
3. اُبھا ایشیا
4. لما ایشیا
5. وچکارلا ایشیا
6. لموچی چڑھدا ایشیا

باہرلے جوڑ

• برصغیر
• بی بی سی تے لمے ایشیا دیاں خبراں