پیرس

پیرس
چنڈا	نشان
دیس:	فرانس
تھاں	86.9 مربع کلومیٹر
لوک گنتی:	2,203,817
بولی:	فرانسیسی

پیرس فرانس دا راجکعر تے ایدا سب توں وڈا شہر اے۔ اے فرانس دے اتلے پاسے چ دریاۓ سین دے کنڈے تے وس ریا اے ۔ 2004ء دی لوک گنتی نال پیرس چ 21 لکھ 444 ہزار 700 لوک نیں۔ جدوں کہ شہر دے الے دوالے دی تھاں ملا کے کل لوک گنتی 99 لکھ 3 ہزار اے ۔ ایہہ یورپ دے سنگنس شہراں چوں اک اے ۔

پیرس فرانس دیاں اقتصادی سرگرمیاں دا مرکز اے ۔ ایتھے فرانس دے علاوہ دنیا دے کئی وڈے کاروباری اداریاں دے دفتر وی موجود نیں ۔ پیرس عالمی ثقافتی ،کاروباری ، تے سیاسی مرکز تے عالمی فیشن تے آرٹس دے مرکز دی حثیت وی رکھدا اے ۔ شہر چ یونیسکو ، او ای سی ڈی ، تے پیرس کلب دے دفاتر قائم نیں ۔ شہر دی سب توں مشہور عمارت 324 میٹر اچا آئیفل ٹاور اے جہڑا دریاۓ سین دے کنارے کھڑا اے ۔ جت دی محراب شانزے لیزے لوور دا میوزیم ویکھن والیاں تھانواں نیں۔ پیرس نوں 19ویں صدی توں ای روشنیاں دا شہر آکھیا جاندا اے ، جدوں کہ دنیا بھر توں سب توں زیادہ سیاح وی ایتھے ای آندے نیں ، جنہاں دی تعداد 3 کروڑ سالانہ اے ۔

تریخ

کھدائیاں نال اے پتہ چلیا اے جے پیرس چ انسان 6000 وریاں توں وس ریا اے۔ پیرسی اک سیلٹک قبیلہ 22 صدیاں پہلے دریاۓ سین دے کنڈیاں تے وس ریا سی۔ پیرس نوں رومیاں نیں 53 م پ مل ماریا۔ رومیاں نے اینون اک وڈے تے ودیا شہر چ پلٹ دتا۔ 5ویں صدی دے جرمن ہلیاں نے وی شہر دا مل کٹایا۔ 1348 چ جدوں ایتھے کالی موت ائی تے شہر دی لوک کنتی 2 لکھ دے نیڑے سی سو سالہ لڑائی چ پیرس فرانس دا راجگڑھ ناں ریا۔ 1789 چ پیرس انقلاب فرانس دا گڑھ سی۔ 1814 نوں نیپولین دی ہار باجوں پیرس چ روسی فوج آئی۔ تے اے 400 وریاں چ پہلی واری ہویا ج کوئی بدیسی فوج پیرس ائی ہوۓ۔ ایدے نال فرانس چ دوجی واری بادشاہت آگئی جیہڑی 1848 دے انقلاب مگروں دوجے لوک راج چ پلٹ گئی۔ صنعتی افقلاب نے پیرس نوں ورا تے نواں پیرس کر دتا۔ باروں لوک پیرس آۓ۔ پیرس دیاں سڑکاں نوں کھلا تے سدا کردتا گیا۔ فرانس جرمن لڑائی 1870-71 باجوں دوجا لوک راج مک گیا جرمن فوج نے پیرس دا کعیرا کرلیا۔ 28 جنوری 1871 نوں پیرس نے ہتھیار سٹ دتے۔ پر ایس دے مگروں آپس دی لڑائی باجوں پیرس چ 20000 دے نیڑے لوک مارے گۓ۔ انیسویں صدی دے انت تے پیرس چ اک بعوت وڈی نمیش لگی اوس ویلے نمیش دے بوۓ لئی آئیفل ٹاور بنایاگیا جیہڑا 1930 تک دنیا دی سب توں اچی بنی ہوئی چیز سی۔ 1900 چ پیرس دی پہلی میٹرو دری۔ 20ویں صدی دے ٹرن تے پہلی وڈی لڑائی چ جرمن فوج پیرس تے مل ناں مار سکی۔ درجی وڈی لڑائی دے ٹرن دے 5 ہفتیاں مگروں 14 جون 1940 نوں پیرس تے جرمن فوجاں نے مل مار لیا۔ جرمن فوجاں نے جت دی مجراب تھلیوں مارچ کیتا۔ جرمن فوج اگست 1944 تک ایتھے رئی۔ لڑائی دے مکن تے پیرس نوں چوکھا سارا وڈا کیتا گیا نال دیاں تھاواں نوں چنگا کرکے ایدے نال رلا دتا گیا۔ 1970 دے مگروں ایتھے چوکھے سارے بدیسی لوک وی آۓ تے اوناں نیں پیرس نوں اپنا دیس بنایا۔

پیرس نوں اجکل یورپ دا سب توں سوہنا تے جیوندا شہر سمجیا جاندا اے۔ سرکار پیرس نوں ہور ودیا بنان دے کماں چ لگی ہوئی اے۔

جغرافیہ

پیرس سین دریا دی کمان دے اتلے پاسے تے وس ریا اے تے دریا دے دو جزیرے وی ایدے چ آندے نیں۔ پیرس اک پدرے ویڑے تے وس ریا جتھے اچیاں نیویاں تھانواں وی نیں۔ سب توں اچی تھاں مونت مارترے اے۔ پیرس 105 مربع کلومیٹر تھاں تے پھیلیا ہویا اے۔

لوک

2004 چ پیرس چ 2,144,700 لوک وس رۓ سن۔ اے دنیا دے سنگنے شہراں چوں اک اے۔ قنون دے مطابق کسے بندے کولوں اودا مزہب یا نسل نیں پچھی جاسکدی۔ پر اودا جمن پو ضرور پچھیا جاسکدا اے تے اینج پیرس چ پورے یورپ نوں اگے رکھدیاں ہویاں سب توں ود بدیسی لوک وس رۓ نیں۔ 20٪ دے نیڑے پیرس دے واسی بدیسی نیں۔ بدیسیاں چ افریقہ تے ایشیاء والے سب توں جوکھے نیں۔ فرانس چ جنے وی بدیسی نیں اودا 37٪ پیرس چ وس رۓ نیں۔

راجگھر

پیرس ملک دا دارالحکومت اے اس لئی ملک دے دوہاں اعلی ترین عہدےداراں صدر تے وزیراعظم دیاں رہائش گاہاں وی ایتھے نیں ۔ فرانسیسی پالیمنٹ دے دونے ایوان سینٹ تے قومی اسمبلی دریاۓ سین دی کھبے کنرے تے قائم نیں ۔ فرانس دیاں اعلی تریں عدالتاں وی ایتھے قائم نیں ۔

ذرائع نقل و حمل

عالمی تجارتی تے سیاحتی مرکز ہون دی وجہ توں پیرس دا ٹرانسپورٹ دا نظام وی دنیا دے چند بہترین نظاماں چوں اک اے تے اسنوں ہور جدید بنائیا جارہیا اے ۔ پیرس دو ہوائی اڈیاں ، تیز رفتار ریل نیٹ ورک تے سڑکاں دے جال دے زریعے دنیا بھر نال جڑیا ہوئیا اے ۔

تعلیم

پیرس تعلیم دے لحاظ نال وی نمایاں مقام رکھدا اے ، جتھے شہبہ تعلیم دے نال 3 لکھ 30 ہزار افراد وابستہ نیں ۔ جنہاں چوں اک لکھ 70 ہزار اساتذہ تے پروفیسر نیں جہڑے کہ 9 ہزار بنیادی ، ثانوی تے اعلی تعلیم دے سکولاں تے اداریاں چ تقریبا 29 لکھ طالب علماں نوں پڑھاندے نیں ۔ سال 5- 2004چ 3 لکھ 59 ہزار 749 طلباء نے پیرس دیاں 17 سرکاری جامعات چ داخلہ لئیا ، جہڑا کہ یورپ چ سب توں زیادہ اے ۔

فن وثقافت

پیرس دا لوور عجائب گھر دنیا دا سب توں وڈا تے مشہور ترین عجائب گھر اے ۔ جس چ مونالیزا تے وینس ڈی میلو دے مجسمے سمیت فن دے بہترین نمونے موجود نیں ۔

کھیڈ

جڑواں شہر

فرانس دے شہر

پیرس · شٹراسبرگ · مارسیلز · اورلینز · بورڈو · نیس · نانتیز · مونٹپلائیر · للی · رینے · رائیم · لی ہاور · ساں اتین · طولون · گرینوبل · اینگرز · ڈیجون · بریسٹ · نائیم · لی مانس · ایکس این پرونس · کلیمون-فیراند · سینٹ ڈینس · ٹورز · فورٹ ڈی فرانس · کریٹیل · ولےاربین · آمیاں · میٹز · بیسانکاں · پرپگناں · ٹورکونگ · ملہاؤز · کین · بولون-بلانکور · رؤن · نینسی · ارجنٹیل · مونتریول · ساں پال · روبے · ساں ڈینس · ایوگناں · لیموگے · پوئیٹیرز · نانتیرے · ورسائی · کوربیوۓ · پاؤ · کالے

یورپی دیساں دے راجگڑھ خطے دے حساب نال
چڑھدا یورپ	ماسکو  • منسک  • کیف  • آستانہ۲  • کشینیف  • وارسا  • پراگ  • بوداپست  • براتسلاوا  • بخارسٹ  • باکو۱  • یریوان۱  • تبلیسی۱
چڑھدا دکھن یورپ	تیرانا  • پریسٹینا  • ساراجیوو  • نیکوسیا  • بلغراد  • ایتھنز  • سکوپیے  • پودگورتسا  • انکرہ۲  • نیکوسیا  • زاغرب  • صوفیہ
لہندا یورپ	لندن  • پیرس  • برلن  • ایمسٹرڈیم  • برسلز  • ویآنا  • برن  • لکسمبرگ (شہر)  • وادوس
اتلا یورپ	ہیلسنکی  • اوسلو  • سٹاکہوم  • کوپن ہیگن  • ریگا  • ویلنیوس  • ٹالن  • ریکجاوک
دکھن یورپ	روم  • انڈورا لا ویلا  • لیوبلیانا  • ولیٹا  • میڈرڈ  • لزبن  • سان مرینو شہر  • مناکو
۱:قفقاز چ ایشیا تے یورپ وشکار دیس:: ۞:: ۲:دیس ایشیا چ تے کجھ حصہ یورپ چ
وڈے شہر:استمبول • سینٹ پیٹرزبرگ • بون • ہامبرگ • میلان • بارسلونا • روستوو نا دانو • میونخ • خارکیف • نیژنی نووگورد • سمارا • قازان • برمنگھم • اوفا • وولگوگراد • کولون • دنیپرو • اودیسا