آڑو

آزاد انسائیکلوپیڈیا، وکیپیڈیا توں
آڑو
پچھان
دیس: بوٹے
برادری: پھلوالے بوٹے
پتی: گلابورگے
ٹبر: گلاب ٹبر
ٹوکرا: Prunus
سائینسی ناں: Prunus persica

آڑو چین تے دکھنی ایشیاء دا اک رکھ تے فروٹ اے۔ ایہ ایران وچ وی ہوندا اے جیدے باہجوں ایہدا ایہ سائینسی ناں پیا۔ چین آڑو اگانوالا سب توں وڈا دیس اے۔

وکھالہ[سودھو]

آرو دا رکھ 4–10 میٹر (13–33 فٹ) لما ہوندا اے۔ پتے خنجر ورگے 7–16 سینٹی میٹر (2.8–6.3 انچ) لمے تے 2–3 سینٹی میٹر (0.79–1.18 انچ) چوڑے ہوندے نیں۔ پھل بسنت وچ پتیاں توں پہلے اکلے یا جوڑے وچ 2.5–3 سینٹی میٹر گھیر نال گلابی رنگ وچ ہوندے نیں۔ فروٹ اندروں چٹے یا پیلے رنگ دا ہوندا اے۔ باہروں ایہ مخملی پدھرا ہوندا اے۔ ایہدے اندر ایدا وڈا بی ہوندا اے جیہڑا 1.3–2 سینٹی میٹر لما تے انڈے ورگا، رتہ پؤرا جیدا باہرلا لکڑورگا چھلڑ ہوندا اے۔