خواجہ احمد عباس

خواجہ احمد عباس / کے اے عباس
(انگریزی وچ: Khwaja Ahmad Abbas)،(ہندی وچ: ख़्वाजा अहमद अब्बास)،(اردو وچ: خواجه احمد عباس)
فائل:K.A.ABBAS.jpg
جم	7 جون 1914  پانیپت، ہریانہ، برطانوی ہند
وفات	1 جون 1987 (73 سال)  ممبئی، مہاراشٹر، بھارت
شہریت	برطانوی ہندستان (–۱۴ اگست ۱۹۴۷) بھارت (۲۶ جنوری ۱۹۵۰–) ڈومنین بھارت (۱۵ اگست ۱۹۴۷–۲۶ جنوری ۱۹۵۰)
عملی زندگی
مادر علمی	علیگڑھ مسلم یونیورسٹی
پیشہ	فلم ڈائریکٹر، ناول کار، مکالمہ نگار، اتے صحافی
پیشہ ورانہ زبان	ہندی،  اردو،  انگریزی
دور فعالیت	1935–1987
اعزازات
فنون میں پدم شری (۱۹۶۹)
	IMDB اُتے صفحات

خواجہ احمد عباس (ہندی: ख़्वाजा अहमद अब्बास) (7 جون 1914 – 1 جون 1987), ودھیرے لوکپری نام کے اے عباس، اک بھارتی فلم ڈائریکٹر، ناول کار، مکالمہ نگار، اتے صحافی سی۔ اوہ اوہناں کجھ گنے چنے لکھاریاں وچوں اک ہے جنہاں نے محبت، امن اتے انسانیت دا پیغام دتا۔ اس نے علیگڑھ اوپینیئن شروع کیتا۔ بمبے کرانیکل وچّ ایہہ لمبے سمیں تکّ بطور صحافی اتے فلمی صحافی رہے۔ ایہناں دا قلم د لاسٹ پیج سبھ توں لما چلن والے قلماں وچّ گنیا جاندا ہے۔ ایہہ 1941 توں 1986 تکّ چلیا۔ عباس اپٹا دے بانی میمبراں وچوں سن۔

جیونی

خواجہ احمد عباس صاحب دا جنم 7 جون 1914 نوں ہریانہ صوبے دے پانیپت شہر وچّ ہویا۔ اوہ خواجہ غلام عباس دے پوترے سن جو 1857ء دی جنگ آزادی دے شہیداں وچوں اک سن۔ اوہناں دے والد غلام سبطین سن جو اوہناں نوں پوتر قرآن پڑھن لئی پریرت کردے، جدوں کہ مسرور خاتون اوہناں دی ماں سی۔ اوہناں دے خاندان دا اتہاس حضرت ابو ایوب انصاری تکّ جاندا ہے جو پیغمبر محمد صلی اللہ علیہ وآلہ وسلم دے صحافی سن۔ اپنی شروعاتی سکھیا دے لئی، عباس صاحب حالی مسلمان ہائی سکول گئے جسنوں اوہناں دے پڑدادا یعنی پرسدھ اردو شاعر خواجہ الطاف حسین حالی اتے مرزا غالب دے شاگرد؛ ولون قایم کیتا گیا سی۔ پانیپت وچّ اوہناں نے 7ویں جماعت تکّ پڑھائی کیتی، 15 سال دی عمر وچّ میٹرک پوری کرن توں بعد اوہ علیگڑھ مسلم یونیورسٹی توں انگریزی ساہت وچّ بی اے (1933) اتے ایل . ایل . بی (1935) پوری کیتی۔

فلمی سفر

1945 وچّ خواجہ صاحب دا اک ڈریکٹر دے روپ وچّ کیریئر شروع ہویا جدوں اس نے اپٹا (انڈین پیپلز تھئیٹر ایسوسی ایشن) لئی 1943 دے بنگال وچّ پئے اکال اُتے دھرتی کے لال نام دی اک فلم بنائی۔ 1951 وچّ، اس نے 'نیا سنسار' نام دی اپنی کمپنی بنا لئی جسنے انہونی (1952) ورگیاں معنی بھرپور فلماں دا نرمان کیتا۔ عباس دی فلم راہی , ملک راج آنند دی اک کہانی اتے سی جس وچّ چاہ دے باغاں وچّ کم کرن والے مزدوراں دی دردشا نوں وکھایا گیا سی۔ چیتن آنند لئی نیچا نگر (1946) لکھن توں پہلاں، عباس نے وی. شانتارام لئی ڈاکٹر. کوٹنیس کی امر کہانی (1946) وی لکھی سی۔

حوالے