دنشا ایڈلجی واچا

آزاد انسائیکلوپیڈیا، وکیپیڈیا توں
سر دنشا ایڈلجی واچا

سر دنشا ایڈلجی واچا (Dinshaw Edulji Wacha; 1844–1936) بھارتی قومی کانگرس دے قیام وچ پرمکھ یوگدان دین والے بمبئی دے تن مکھ پارسی لیڈراں وچوں اک سن۔ اپنے دوجے دونوں ساتھی پارسی لیڈراں ، سر فیروز شاہ مہتہ اتے دادا بھائی نوروجی دے تعاون نال سر دنشا واچا نے بھارت دی غریبی اتے غریب جنتا توں سرکاری ٹیکساں دے روپ وچ وصول کیتے گئے پیسے دی فضول خرچی دے خلاف اپنے دیس وچ اتے حکمران دیس برٹین وچ لوکمت جگان لئی انتھک کم کیتا۔ سر دنشا معاشی اتے مالی معاملیاں دے ماہر سن اتے ایہناں مضموناں وچ اوہناں دی سوچ بڑی ڈونگھی سی۔ اوہ بھارت وچ بریٹیش حکمرانی دے خاص طور تے برطانیہ ولوں بھارت دے معاشی استحصال دے بوہت زیادہ تکھے نقاد سن۔ اوہ اس موضوع دے وکھ وکھ پہلوآں اتے لیکھ لکھکے اتے تقریراں کرکے لوکاں دا دھیان کھچیا کردے سن۔