جزیرہ ایسٹر

Wikipedia توں
جاؤ: پاندھ, کھوج
جزیرہ ایسٹر دا جھنڈا
جزیرہ ایسٹر دا نشان


جزيرہ ایسٹر (راپا نوئی بولی:راپا نوئی ؛ سپینی بولی:ایزلا ڈی پاسکوآ) چڑھدے دکھنی بحر الکاہل وچ پولینشیائی جزیرہ اے ۔ ایہہ چلی دا اک علاقہ اے جستے 1888ء تے اسنے مل ماریا سی ۔ جزیرہ ایسٹر اپنے 887 قدیم سٹیچوآں (مجسمےآں) ، جنہاں نوں موآئی آکھیا جاندا اے پاروں مشہور اے ، جنہاں نوں قدیم روپا نوئی لوکاں نے بنایا سی ۔ ایہہ عالمی ثقافتی تھاں اے تے جزیرے دے وڈے حصے نوں روپا نوئی قومی پارک بنا کے تحفظ دتا گیا اے ۔

جزیرہ ایسٹر دا صدرمقام ہانگا روآ اے ۔ اس دی آبادی 4،781 لوکاں تے مشتمل اے جنہاں وج 60 فیصد روپا نوئی تے 40 فیصد یورپی نیں ۔ اس دا رقبہ 163.6 مربع کلومیٹر اے ۔

ناں[لکھو]

جزیرہ ایسٹر دا نقشہ


جزیرہ ایسٹر نوں اسدا ایہہ ناں ایتھے آن آلے پالے معلوم پورپی ، اک ڈچ مہم جو جیکب روگیوین نے دتا جہڑا سن 1722ء دے ایسٹر اتوار ایتھے پہنچیا ۔ اس جزیرے دا سرکاری سپینی ناں "ایزلا ڈی پاسکوآ" دا مطلب وی "جزیرہ ایسٹر" اے ۔

جزیرہ ایسٹر دا موجودہ پولینشیائی ناں راپا نوئی یعنی "وڈا راپا ، جزائر آسٹرال گروپ دے جزائر باس چ واقغ جزیرہ راپا نال اس دی مماثلت پاروں اسنوں دتا گیااے۔