جیمز واٹ

آزاد انسائیکلوپیڈیا، وکیپیڈیا توں
جیمز واٹ
جمیا: 19 جنوری 1736 سکاٹلینڈ
مریا : 25 اگست 1819
کم : سائنسدان
گن: انجینرنگ
دسخط:

جیمز واٹ اک انگریز موجد سی جس نیں پاف آلا انجن ایجاد کیتا۔ اوہ 1736 وچ سکاٹلینڈ چ پیدا ہویا تے 1819 چ مر گیا۔ فزکس وچ طاقت دی اک اکائی اس دے ناں تے اے۔

جدوں اوہ گالسگو دی یونیورسٹی چ اوزار بناندا سی اونوں بھاپ توں چلن آلے انجناں چ دلچسپی ہو گئی۔ اونے اے ویکھیا کے اے انجن بوت زیادہ طاقت گرم تے ٹھنڈا ہون ج ضائع کر دیندے نیں۔ اونے اس ڈیزائن نوں بہتر کیتا تے اک علیحدہ ٹھنڈا کرن آلا یونٹ بنایا جیدے توں طاقت ضائع نئیں ہوندی سی تے انجن بوت طاقتور ہوجاندا سی تے بالن وی کٹ کھاند سی۔ اس توں بھاپ اتے ٹرن آلے انجن سستے ہو گۓ۔ اونے ہارسپاور دا یونٹ وی بنایا۔ اونے طاقت دا ایس آئی یونٹ واٹ ایجاد کیتا جیدا ناں اودے اتے رکھیا گیا سی۔

اونے اپنا انجن ویچنا چائیا مگر 1775 تک اودے کول اے کم ٹورن واسطے پیسے نئیں سن مگر 1775 چ اونے میتھیو بوئلٹن دے نال پارٹنشپ کیتی تے میتھیو تے واٹ کمپنی دی نیو رکھی۔ اے کمپنی فورا ٹر پئی تے واٹ امیر ہو گیا۔ جدوں اوہ ریٹائر ہویا تے اونے مزید ایجاداں کیتیاں مگر بھاپ توں ٹرن آلے انجن دے سامنے اوناں دا کوئی مقام نئیں۔ اوہ 83 دی عمر چ مر گیا۔