دریاۓ چناب

Wikipedia توں
جاو: مدد, کھوج
دریاۓ چناب
Chandrabhaga river through Pangi valley.jpg
Indus river.svg
ٹرنا: ہماچل پردیش ۔ بھارت
انت: دریاۓ سند، پنجاب
لمبائی : کلومیٹر 960
دیس: ہندستان، پاکستان
دریائے چناب سیالکوٹ لاگے
دریائے چناب تے سیالکوٹ لاگے مرالہ ہیڈ ورکس

دریاۓ چناب ہمالیہ ہماچل پردیش ۔ پعارت وچوں نکلدا اے تے پنجاب وچ دریاۓ سندھ نال جا ملدا اے۔ ایدی لمبائی 960 کلومیٹر اے۔ دریائے چناب پاکستان دے وڈے دریاواں چوں اک اے ۔ دریائے چناب دریائے چندرا تے بھاگا دے بالائی ہمالیہ چ ٹنڈی دے مقام تے ملاپ نال بندا اے جہڑا پعارت دی ریاست ہماچل پردیش دے ضلعے لاہول چ اے ۔ بالائی علاقیاں چ اسنوں چندرا بھاگا دے ناں نال پکاریا جاندا اے ۔ ایہہ جموں کشمیر دے علاقے جموں تون وگدا ہوئیا پنجاب دے میداناں چ داخل ہندا اے ۔ ضلع جھنگ چ تریموں دے مقام تے ایہہ دریاۓ جہلم نال ملدا اے تے فیر دریاۓ راوی نوں نال ملاندا ہوئیا اوچ شریف دے مقام تے دریاۓ ستلج نال مل کے پنجند بناندا اے تے مٹھن کوٹ دے مقام تے دریاۓ سندھ چ جا گردا اے ۔ دریائے چناب دی کل لمبائی 960 کلومیٹر اے ۔ سندھ طاس معاہدے دی رو نال استے پاکستان دا حق منیا گئیا اے ۔ ویدک ویلے (قدیم ہندستان) چ اسنوں اشکنی یا اسکمتی دے ناں نال تے قدیم یونان چ آچے سائنز دے ناں نال جانیا جاندا سی ۔ 325 قبل مسیح چ سکندر اعظم نے اسکندریہ ناں دا شہر پنجند دے نیڑے تعمیر کیتا سی ، جہڑا اج شائد اوچ شریف ، مٹھن کوٹ یا چچارن اے ۔ پنجابی تہذیب چ دریائے چناب دا بہت اہم تے علامتی مقام اے ، جسدے دوالے پنجابی سوجھ بوجھ گھمدی اے تے ہیر رانجھا دی رومانوی داستان وی دریائے چناب دے گرد ای گھمدی اے ۔

ریلوے[لکھو]

ہندستان دی حکومت جمون کشمیر چ دریائے چناب تے دنیا دا سب توں اچا پل بنا رہی اے ۔


ہور ویکھو[لکھو]

باہرلے جوڑ[لکھو]