سکھ چین (درخت)
ایہ درخت عام طور تے گرم تے مرطوب علاقےآں وچ نشو و نما پاؤندا اے۔ ایہ جاپان، برصغیر پاک و ہند، چین، ملائیشیا تے آسٹریلیا وچ پایا جاندا اے۔
ایہ 15-25 میٹر اُچا جاندا اے تے اس دی چھتری دی چوڑائی اوچائی جِنّی ہُندی اے۔ اس لئی ایہ درخت سائے آݪے درخت دے طور تے استعمال کيتا جا سکدا اے۔
ایہ مختصر عرصے پتے جھاڑدا اے۔
سمندر دی سطح توں لے کے 1200 میٹر دی بلندی تک پایا جاندا اے۔
ایہ صفر ° C توں کعھٹ تے تقریبن 50 ° C تک درجا حرارت پرداشت کر سکدا اے۔
ایہنوں 500-2،500 ملی میٹر (20-100 انچ) دی سالانہ بارش دی لوڑ ہُندی اے۔
ایہ تقریبن ہر طرحاں دی زمین وچ اگدا اے جداں ریتلی ، چٹانی ، چونے آݪی۔ ایتھے تک کہ جے ایہدیاں جڑھاں نمکین پاݨی وچ وی ہوݨ تاں وی ایہ ودھدا رہندا اے۔
چونکہ ایہ مسلسل چند مہینے مِٹھے پاݨی دے اندر ہُندے ہوئے وی بچ سکدا اے اس لئی ایہ برسات دے موسم وچ بخوبی زندہ رہ سکدا اے۔
ایہدے بی دا تیل تے صابݨ بݨاؤݨ دے کم وی آؤندا اے تے بوہت سارے ہور اینٹی سیپٹک علاج کرن لئی استعمال کيتا جاندا اے۔
ایہدیاں جڑھاں 9 میٹر (30 فیٹ) تک پھیل سکدیاں نيں۔
ایہدیاں سنگھݨیاں جڑھاں مٹی دے کٹاؤ دے عمل نوں روکدیاں نيں تے ریت دے ٹیلےآں نوں مستحکم کرن وچ ایہ درخت مثالی اے۔