لڑائی دا ول

Wikipedia توں
جاؤ: پاندھ, کھوج
Bamboo book - binding - UCR.jpg

لڑائی دا ول اک کتاب دا ناں اے جیہڑی اک چینی سن زو نے لڑائی دے ولاں تے تے لکھی سی 1772 وچ ایہنوں فرانسیسی بولی وچ پلٹا کے چھپیا گیا سی۔ ایہدے بارے ایہ کیا گیا اے جے ایہ لڑاکے راجاں ویلے لکھی گ‏ی سی۔ ایہ پوتھی 13 انگاں وچ اے تے ہر انگ لڑائی دے وکھرے ول اتے گل کردا اے۔ ایس نوں اپنے ویلے وچ لڑائی دے ولاں تے اک منی پرمنی لکھت منیا گیا اے۔ پچھلے 2 ہزار وریاں توں ایہنوں ایشیاء وچ ایہدی مانتا اے تے لوک ایہنوں ناں توں جاندے نیں۔ ایس لکھت نے لیندے تے چڑدھے ول دی دنیا دی فوجی، بپاری تے قنونی سوچ تے اپنا اثر پایا اے۔

مڈھلی گل[لکھو]

سن زو نے لڑائی نوں اک ضروری رپھڑ آکھیا جس توں جدوں وی ہوسکے بچیا جاوے۔ لڑائی تیز ہونی چاہیدی اے تاں جے پیسے ٹکے دے نقصان تون بچیا جاسکے: کسے لمبی لڑائی نے کسے دیس نوں فیدا نہیں دتا۔ 10 لڑائیاں وچ سو جتاں بالکل فضول اے۔ مارکٹائی تے قتلام تے بجنا چائیدا اے جے ایھدے نال لوک تپ جاندے نیں نے لڑائی تواڈے خلاف جاسکدی اے۔ جتنوالے لئی سب توں چنگی کل ایہو ای اے جے دیس تے بنا نقصان دے مل مارے۔ سن زو نے لڑائی وچ فوج دی تھاں تے زور دتا.

سن زو[لکھو]

لڑائی دا ول دا لکھاری ایک چینی جرنیل تے فلسفی سن زو (544 - ) سی۔ اوہدا زو ٹبر نال جوڑ سی تے اوہ لڑائی تے پرانی جینی لکھت لڑائی دا ول دا لکھاری سمجھیا جاندا اے۔ سن زو دے جمن ورے بارے کوئی گل پکی نہیں۔ اک لکھت وج اوہنوں چی وج جمیا دسیا کیا اے تے اک ہور مگر لکھی جانوالی لکھت وچ وو دا واسی دسیا گیا اے۔ اوہ 6ویں صدی م پ دے وو دے بادشاہ ہیو دی فوج وچ جرنیل سی تے لڑائیاں وچ اوہدیاں جتاں نے اوہنوں لڑائی دا ول کتاب لکھن ول لے گیاں۔ لڑائی دا ول اگلے ویلے وج چوکھی پڑھی جانوالی کتاب منی گئی تے لڑاکا راجاں دے ویلے وچ ایہدے توں سوجاں لیاں گیاں۔

لڑائی دا ول[لکھو]

پہلی پوتھی

  • سن زو نے کیا: لڑائی دا ول کسے دیس لئی بڑا ضروری اے۔
  • ایہ زندگی تے موت دا مسلہ اے ایہ بچاؤ تے تباہی دا راہ اے۔ ایس لئی ایہ ایسی کھوج دی راہ اے جیدے تے گل بات چھدی نہین جاسکدی۔
  • لڑائی دا ول ایس لئی 5 گلاں تے مکدا اے۔ ایہ نیں: اخلاقی قنون، اسمان، زمین، آگو ول تے پربندھ۔
  • اخلاقی قنون لوکاں تے آگواں نوں اک کردے نیں۔ اینج لوک اوہدے پچھے اپنی جان دی پرواہ کیتے بنا تے ڈرے بنا لک جاندے نیں۔ اسمان وچ دن رات، سردی گرمی ویلے تے رتان آندیاں نیں۔ زمین وچ نکے وڈھے پینڈے، خطرے تے بچاؤ، کھلے ویہڑے تنگ راہ تے مرن جین دے چانس آندے نیں۔ آگو نشان اے سیانف جرت ایمانداری بھلائی تے پینڈے مزاج دا۔ ول تے پربندھ وج فوج نوں ونڈاں وچ ونڈنا افسراں دیاں پدھراں بنانا، سڑکاں دی مرمت جیدی راہیں سمان تے کھان پین فوجاں تک اپڑدا اے تے فوج دے خرچیاں تے کنٹرول آندا اے۔ ایہنان پنج گلاں نال ہر جرنیل نوں پتہ ہونا جاہیدا اے۔ جیہڑا ایہناں نون سمجھے گا اوہ جتے گا تے جیہڑا نغیں سمجھیگا اوہ ہارے گا۔