لہندے بوسنیا دا خودمختار صوبہ

Wikipedia توں
جاؤ: پاندھ, کھوج
لہندے بوسنیا دا خودمختار صوبہ
1993ء توں 1995ء
300px
لہندے بوسنیا دا جھنڈا
Western Bosnia 1994.png
لہندے بوسنیا دا نقشہ 1994ء
سیاسی حثیت
دیس بوسنیا تے ہرزیگووینا
حثیت علیحدہ ہویا صوبہ
راجگھر ویلیکا کلادوشا
معاشی علاقہ اتلا قفقاز
حکومت غیر واضع
بولی بوسنیائی بولی
گورنر فکرت ابدیچ
تریخ
قیام 27 ستمبر 1993ء
خاتمہ 7 اگست 1995ء

لہندے بوسنیا دا خودمختار صوبہ ، اتلے بوسنیا دا نکا جہا غیرتسلیم شدہ علاقہ سی ، جہڑا ویلیکا کلادوشا قصبے تے کجھ نال لگدے پنڈاں تے مشتمل سی ۔ ایہہ جنگ بوسنیا دے دوران فکرت ابدیچ دی بوسنیا دی حکومت دے خلاف علیحدگی پشند سیاست پاروں 1993ء توں 1995ء تک قائم رہیا ۔ اس دا راجگھر ویلیکا کلادوشا شہر سی ۔

تریخ[لکھو]

لہندے بوسنیا دا خودمختار صوبہ ، ویلیکا کلادوشا قصبے تے کجھ پنڈاں تے مشتمل سی ، جہڑا جنگ بوسنیا دے دوران غدار تے بوسنیا دی حکومت دے مخالف علیدگی پسنداں نے فکرت ابدیچ دی قیادت چ 1993ء چ قائم کیتا سی ۔ لہندے بوسنیا دا قائم مقام صدر فکرت ابدیچ سی ۔ اس خودمختار صوبے نے جنگ بوسنیا دے دوران سربیا تے کروشیا نال بوسنیا تے ہرزیگووینا دی حکومت دے خلاف تعاون کیتا ۔ لہندے بوسنیا دیاں غدار فوجاں نے کروٹاں تے سرباں نال مل کے بوسنیا دے مسلماناں خلاف جنگی کاروائیاں چ وی حصہ لیا ۔

1994ء چ لہندے بوسنیا دا بوسنیا تے ہرزیگووینا دے حکومتی دستےآں تے محاصہ کر لیا ، پر اینہاں نوں باہر دھکیل دتا گیا تے ، لہندے بوسنیا دا خودمختار صوبہ مڑ بحال ہو گیا ۔

1995ء چ لہندے بوسنیا دے خودمختار صوبے نوں جمہوریہ لہندا بوسنیا دا ناں دتا گیا ، تے ایسے سال آپریشن سٹارم دے دوران کروشیا چ آخری وار جمہوریہ سربیائی کراجینا دی آخری دفاعی لائن دے طور تے کم چ آیا ۔ چھیتی ای بونسیا دے فوج دے لیفٹینیٹ کرنل عاطف دوداکووچ دے آپریشن ٹائیگر چ اسنوں فوجی شکست دے دتی گئی ۔ تے اسدا مکمل طور تے خاتمہ کروشیا تے بوسنیا تے ہرزیگووینا دے اکٹھے آپریشن سٹارم چ ہو گیا ۔ اس دے علاقے نوں وفاق بوسنیا تے ہرزیگووینا چ شامل کر لیا گئیا ۔ فکرت ابدیچ ، جسدے کروشیا دے صدر فرانجو تودمان نال گوہرے تعلقات سن ، نے کروشیا دی شہرت اختیار کر لئی ۔ 1999ء چ تودمان دے مرن مگروں تے اسدی پارٹی کروشیئن ڈیموکریٹک یونین دی سن 2000ء دے انتحابات چ شکست مگروں اسنوں بوسنیا تے ہرزیگووینا دے وفادار بوسنیائی سول لوکاں دے خلاف جنگی جرائم دے مقدمے چ گرفتار کرلیا گیا ۔ اس دا مقدمہ کروشیا چ چلیا ۔

معیشت[لکھو]

لہندے بوسنیا دی معیشت دی بنیاد دا وڈا سہارا ایگروکومرس ، ویلیکا کادوشا دی اک کمپنی سی ۔ سرباں تے کروٹاں نال معاہدہ کرن دے مگروں ، لہندے بوسنیا تے کروشیا وچکار تجارت جنگ بوسنیا دے دوران وی جاری رہی ۔ تے لہندے بوسنیا نے کروشیا دی بندرگاہ ریجیکا تے وی کسٹم فری ٹریڈ زون حاصل کیتا ہویا سی ۔

ہور ویکھو[لکھو]


باہرلے جوڑ[لکھو]

categroy:جنگ بوسنیا