مریم

Wikipedia توں
جاو: مدد, کھوج
The Madonna in Sorrow.jpg

مریم یسوع دی ماں سی۔ اوہ فلسطین دے علاقے گلیلی دے شہر ناصرہ دی واسی سی۔ اوہ 2 ہزار ورے پہے فلسطین وج رئی۔ اوہ یوسف ناں دے بندے دی منگ سی۔ مسیحی روایات باجوں مریم دے پیو دا ناں یواقیم اتے ماں دا ناں حنا سی۔

مسیحیت وچ خاصکر کیتھولک کلیسیا اتے چڑدی اورتھوڈاکس کلیسیا وچ مریم نوں عقیدت اتے احترام دی نگاہ تھوں ویکھیا جاندا ہے

ناں[لکھو]

• مقدسہ مریم دے عام لقب ایہ نیں :

• مقدسہ کواری مریم [انگریزیThe Blessed Virgin Mary ]،

• ساڈی خاتون [عربی سیدتنا، انگریزی Our Lady، فرانسیسی Notre Dame، ہسپانوی Nuestra Señora، پرتگالی Nossa Senhora، اطالوی Madonna ، لاطینیNostradamus]، • خدا دی ماں،

• آسمان دی ملکہ [لاطینی Regina Caeli]


• ایس تھوں وکھ اونہاں نوں چڑھدیاں کلیسیاواں وچ تھیوٹوکوس Theotokos یا دیئ جینیترکس Dei genetrix اتے لہندیاں کلیسیاواں وچ ماتر دیئ Mater Dei یعنی خدا دی ماں دے لقاباں تھوں یاد کیتا جاندا ہے۔ انہاں لقاباں دا مقصد اونہاں نوں خدا دے برابر درجہ دینا نہیں سگوں یسوع مسیح دے خدا ہون دا اقرار کرنا ہے۔

• ابتدائی کلیسیا وچ اونہاں نوں ماتا رانی دا وی لقب دتا گیا کیوں جواونہاں دے پتر یسوع مسیح نوں راجیاں دا راجا سمجھیا جاندا سی۔ ویکھو پرانا عہدنامہ 1ملوک 2: 19-20 جس وچ سلیمان بادشاہ اپنی ماں بیت شیبا نوں ماتا رانی دا درجہ دیندےنیں۔

• مریم نوں دوجی حوّا وی آکھیا جاندا ہے اتے ایہ اس لئی بھئی جویں پہلی حوا نے منع کیتے رُکھ تھوں پھل کھا کے نافرمانی دا ثبوت دتا سی اس تھوں اُلٹ دوجی حوا یعنی مقدسہ مریم نے " میرےلئی تیرے قول دے مؤافق ہووے" ایہ شبد کہہ کر فرمانبرداری دی تاریخ رقم کر دتی اتے اونہاں دے کارن ہی انسانیت دی خلاصی دا خدائی منصوبہ پورا ہویا۔

بائبل وچ ذکر[لکھو]

مریم دے بارے وچ نویں عہدنامے وچ باہلیاں معلومات درج نہینگیاں۔اونہاں دے ماپیاں دا سانوں کوئی ذکر نہیں لبھدا۔ ہور پرانیاں لکھتاں دے مطابق اونہاں دے پیو دا ناں یواقیم اتے ماں دا ناں حنّا سی۔ اوہ الیشبع [الیصبات] دے ساک سن جہڑی ذکریاہ دی تیویں سی اتے ذکریاہ ہارون دے گھرانے تھوں سن۔ تاہم کجھ ماہرین ایہ وی کہندےنیں بھئی انجیلِ لوقا وچ درج نسب نامہ کواری مریم دا ہے جدوں کہ انجیلِ متی وچ جنابِ یوسف دا۔ ایوں اوہ داوﺀد نبی دے گھرانے اتے یہودہ دے قبیلے تھوں سن۔ اوہ گلیل دے ناصرت وچ اپنے ماپیاں دے نال رہندے سن۔ کڑمائی دے مگروں اونہاں اُتے فرشتہ جبرائیل پرگٹ ہوئے اتے خوشخبری سنائی بھئی اوہ مسیح دی ماں قرار پائے نیں۔ خدا دے فرشتے نے جنابِ یوسف نوں وی سفنے وچ آگہی دتی بھئی مریم روح القدس دی قدرت تھوں پیر بھارے ہوئے نیں اتے آکھیا بھئی مریم نوں اپنی بیوی بنا لین۔ ایہ واقعہ اناجیلِ بمطابق مرقس اتے یوحنا وچ درج نہیں ہے۔

فرشتے نے مقدسہ مریم نوں وی آگاہی دتی کہ اونہاں دی رشتہ دار الیشبع، جہڑے پہلوں بانجھ سن،اوہ وی پیر بھارے نیں اتے اونہاں نوں چھٹا مہینہ ہے۔ ایہ سن کے مقدسہ مریم پہاڑاں ول روانہ ہو گئے۔ مریم نوں ویکھدیاں ہی الیشبع کہہ اٹھی 'ایہ کیکر ممکن ہویا بھئی میرے خداوند دی ماں میرے کول آئے' ۔ تِن ماہ مگروں یعنی جنابِ یوحنا [یحیٰ علیہ السلام] دی پیدائش تھوں بعد اوہ اپنے وطن نوں لوٹ آئے۔ ایسے زمانے وچ قیصر اغسطس دا فرمان آیا بھئی تمام سلطنت وچ مردم شماری کرائی جائے۔ سو اوہ جنابِ ہوسف سنے اونہاں دے جدی وطن بیت لحم نوں روانہ ہو گئے۔ بیت لحم وچ اونہاں نے یسوع مسیح نوں اِک کُھرلی وچ جنم دتا۔ پیدائش دے مگروں 'پورب تھوں جوتسیاں' نے آن کے خداوند یسوع دی اّستت کیتی اتے جدوں شاہ ہیرودیس نے ایہ فرمان جاری کیتا بھئی دو سال تھوں گھٹ عمر دے ہر منڈے دا قتل کر دتا جائے پاک خاندان مصر ول روانہ ہو گیا۔ مصر تھوں واپسی اُتے پاک خاندان ناصرت وچ آن وسیا۔ خداوند یسوع مسیح دی اعلانیہ زندگی تھوں قبل پہلوں یوسف فوت ہوگئے سن۔ اوہ خداوند یسوع مسیح دی پہلی کرامت یعنی قانائے گلیل دی کرامت دے موقعے اُتے موجود سن۔ یسوع مسیح دی تصلیب دے وقت اوہ صلیب دے تھلے موجود سن۔ صلیب تھوں اتارے جان دے بعداونہاں نے خداوند یسوع مسیح نوں اپنی گودی وچ لیا۔ بعد وچ مسیح یسوع دے حکم دے مطابق یوحنا رسول نے اونہاں دی ویکھ بھال دا ذمہ لیا اتے اپنے گھر لے گئے۔ '"رسولاں دے اعمال" دی کتاب دے مطابق اوہ پینتیکوست دے دن تقریبا 120 شاگردانِ مسیح دے نال موجود سن۔ اس دے مگروں بائبل وچ سانوں مقدسہ مریم دے بارے وچ کوئے ذکر نہیں لبھدا۔ کتاب مقدس وچ اونہاں دی موت دا کوئی ذکر نہیں مِلدا۔