مسجد اقصی

Wikipedia توں
جاؤ: پاندھ, کھوج
حرم قدسی دے دکھنی حصے چ واقع مسجد اقصی
مسجد اقصی دا اک حصہ قبۃ الصخرۃ

مسجداقصی مسلماناں دا قبلہ اول تے خانہ کعبہ تے مسجد نبوی دے بعد تیجا مقدس ترین مقام اے ۔

مقامی مسلمان اسنوں المسجد الاقصی یاں الحرم القدسی الشریف کہندے نیں ۔ ایہہ چڑھدے یروشلم چ واقع اے جس تے اسرائیل دا قبضہ اے ۔ ایہہ بیت المقدس دی سبتوں وڈی مسیت اے جس چ 5 ہزار نمازیاں دی گنجائش اے ۔ جدوں کہ مسیت دے صحن چ وی ہزاراں لوک نماز ادا کر سکدے نیں ۔ سن 2000ء چ الاقصی انتفاضہ دے آغاز دے بعد ایتھے غیر مسلمان دا داخلہ ممنوع اے ۔


اہمیت[لکھو]

File:The rock of the Dome of the Rock PD OLD.jpg.JPG
الصخرۃ المشرفۃ النبی ، ایتھوں نبی پاک صلی اللہ علیہ و آلہ و سلم معراج دے سفر تے روانہ ہوئے

حضرت محمد صلی اللہ علیہ و آلہ و سلم سفر معراج دے دوران مسجد حرام توں ایتھے پہنچے سن تے مسجد اقصی چ سارے نبیاں دی نماز چ امامت کرن دے بعد براق دے زریعے ست اسماناں دے سفر تے روانہ ہو ئے ۔

قرآن مجید دی سورہ الاسراء چ اللہ تعالی نے اس مسیت دا ذکر اینہاں الفاظ چ کیتا اے :

"پاک اے اوہ ذات جہڑی اپنے بندے نوں رات ای رات چ مسجد حرام توں مسجد اقصی لے گئی جس دے آلے دوالے اسیں برکت دے رکھی اے ایس لئی کہ اسیں اپنی قدرت دے کجھ نمونے وکھائے یقینا اللہ تعالی ای خوب سنن آلا تے ویکھن آلا اے " (سورہ الاسراء آیت نمبر1) ۔


حدیثاں دے مطابق جگ چ صرف تن مسیتاں ول سفر کرنا باعث برکت اے ، جنہاں چ مسجد حرام ، مسجد نبوی تے مسجد اقصی شامل نیں ۔

مسجد اقصی مسلماناں دا قبلہ اول اے تے معراج چ نماز دی فرضیت دے بعد 16 توں 17 مہینے مسلمان مسجد اقصی ول رخ کر کے ای نماز ادا کردے رہے فیر تحویل قبلہ دا حکم آن دے بعد مسلماناں دا قبلہ خانہ کعبہ ہو گئیا ۔


سانحہ بیت المقدس[لکھو]

صلاح الدین ایوبی دا منبر

21 اگست 1969ء چ اک آسٹریلوی یہودی ڈینس مائیکل روہان نے قبلہ اول نوں اگ لا دتی جس نال مسجد اقصی تن گھنٹے اگ دی لپیٹ چ رہی تے چڑھدے دکھن ول عین قبلہ ول دا وڈا حصہ ڈگ پئیا ۔ محراب چ موجود منبر وی اگ چ جل گئیا جسنوں صلاح الدین ایوبی نے فتح بیت المقدس دے بعد ایتھے نصب کیتا سی ۔ صلاح الدین نے قبلہ اول دی آزادی لئی تقریبا 16 جنگاں لڑئیاں تے ہر جنگ دے دوران اوہ اس منبر نوں اپنے نال رکھا سی تاکہ فتح ہون دے بعد اوہ اسنوں مسجد چ نصب کر سکے ۔

اس المناک واقعے دے مگروں خواب غفلت چ ڈبّی ہوئی امت مسلمہ دی اکھ اک لمحے لئی کھلی تے اس سانحے دے تقریبا اک ہفتے بعد اسلامی دیساں نے موتمر عالم اسلامی قائم کردتی ، پر 1973ء چ پاکستان دے شہر لہور چ ہون آلے دوجے اجلاس دے بعد توں 56 اسلامی دیساں دی ایہہ تنظیم غیر فعال ہو گئی ۔

یہودی اس مسیت نوں ہیکل سلیمانی دی تھاں اساری گئی عبادت گاہ سمجھدے نیں تے اسنوں ڈھاء کے مڑ ہیکل سلیمانی اسارنا چاہندے نیں حالانکہ اوہ کدی وی دلیل راہیں اسنوں ثابت نئیں کر سکے کہ ہیکل سلیمانی ایسے تھاں تےسی۔