معرکہ العقاب
سپین نوں مسلماناں دے قبضے توں آزاد کران دی عیسائی مہم استرداد دے سلسلے دی اک جنگ جہڑی دولت موحدین تے عیسائیاں دی اتحاد وچکار 16 جولائی 1212ء چ لڑی گئی سی ، اس چ عیسائیاں نوں فیصلہ کن فتح ملی تے سپین توں مسلم حکمت دے خاتمے دے سلسلے چ چ اسنوں اکاہم موڑ قرار دتا جاندا اے ۔
[لکھو] وجہ
یورپ نے فلسطین چ عیسائیاں دی مسلماناں دے ہتھوں شکست دا بدلہ اندلس تے مراکش توں لینا چاہئیا کیونجے اوہ اسدے نیڑے سن ۔ اس مقصد لئی یورپ دیاں ساریاں حکومتاں توں عیسائی ریاستاں لیون تے برشلونہ ( بارسلونا) دے عیسائی حکمراناں دے کول جمع ہون لگے ۔ پاپائے روم نے وی موحدین دے خلاف جہاد دا اعلان کیتا ۔
موحدین دے خلیفہ ابو عبداللہ المعروف محمد الناصر الدین نے وی عیسائیاں دی تیاریاں نوں ویکھدے ہوئے مراکش تے اندلس توں 6 لکھ دے نیڑے فوج جمع کر لئی تے 609ھ چ الفانسو دی قیادت چ 1 لکھ 20 ہزار دا لشکر العقاب دے مقام تے مسلماناں دے مقابلے چ آئیا ۔ الناصر دی اینی وڈی فوج وی اسنوں بدترین شکست توں نا بچا سکی ، کیونجے کجھ سردار بد دل سن تے جنگ توں پہلے ای اپنی فوج لے کے علیحدہ ہو گئے سن تے مسلماناں دے لشکر دی گنتی ادھی رہ گئی تے مسلماناں چ اوہ پہلے آلا جوش تے جذبہ وی نئیں سی تے دوجے پاسے عیسائی پورے جوش نال میدان چ آئے سی ۔ اس جنگ چ مسلمان لشکر دا وڈا حصہ مارئیا گئیا تے صرف اک ہزار سپاہی بمشکل ناصر الدین نوں میدان جنگ توں بچا کے واپس لیائے ۔
ناصر الدین شکست کھا کے واپس اشبیلیہ آئیا تس عیسائیاں نے اپنے فتح کیتے ہوئے شہراں چ لٹ مار تے قتل و غارت دا بازار گرم کر دتا ۔
اس جنگ نے اندلس دی اسلامی حکومت دیاں جڑاں ہلا دتیاں تے دولت موحدین تیزی نال زوال ول ٹر پئی ۔ جنگ العقاب چ شکست کھا کے ناصر الدین دل چھڈ بیٹھا تے مراکش آ گئیا تے کجھ چر مگروں 610ھچمرگئیا۔[[لہننر[[
