مہاراجہ رنجیت سنگھ دیاں رانیاں
ایہناں توں علاوہ مہاراجہ دیاں مکھ رانیاں : مہتاب کور جہڑی سدا کور دی دھی سی۔ پاکستانی پنجاب دے اک سابقہ چیف منسٹر محمد عارف نکئی جنہاں دے وڈکے ایشر سنگھ تے عطر سنگھ مسلمان بن گئے سن، ایہناں دا پنڈ باہروال، پتوکی لاہور دے نیڑے سی ایہناں دے وڈکے ہیرا سنگھ سندھو نکئی نے نکئی مثل بنائی سی۔ اس پروار 'چوں سردار رن سنگھ نکئی دی دھی بیبی راج کور سی اس نوں مہارانی داتر کور وی کیہا جاندا سی، جو مہاراجہ رنجیت سنگھ نال 1798 وچ ویاہی گئی سی۔ مہاراجہ پیار نال اس رانی نوں مائی نکین کہہ کے وی سددے سن۔
اک جند کور جو لاہور نیڑلے پنڈ اوڈر (نیڑے ونیئے کے) توں اؤلکھ سرداراں وچوں سی، جس توں مہاراجہ دلیپ سنگھ ہویا۔ منا سنگھ دی دھی جنداں پنڈ چچر نیڑے گجرانوالہ پیدا ہوئی سی۔ اس دا بھرا جواہر سنگھ مشہور ہویا اے۔
اک مہتاب کور ہور وی رانی سی۔ ایہہ پنڈ بھابڑا (نیڑے ملا، شکرگڑھ) دے اٹھوال سرداراں دی دھی سی۔ (ایہہ لوک اجکل پنڈ گلّ-منپانی نیڑے کاہنونوان بیٹھے ہوئے نیں۔
کرتارپور صاحب دے لانگھے دی مہم دے لیڈر بھبیشن سنگھ گورایہ دے نانکے اسے ٹبر وچوں ہن۔ کیہا جاندا اے کہ مہاراجہ آپ کدی اس پنڈ وچ نہیں سی وڑیا۔ ویاہ موقعے مہاراجے نے اپنی کھونڈی پنڈ بھیجی سی۔ اٹھوال سرداراں نے اس وچ اپنی بے عزتی سمجھی سی تے کدی وی مہاراجہ نوں نہیں سی ملے۔ ملے دا اک جھیور ہی پھر مہتاب کور نوں راجے دے دربار لے کے گیا۔ وقت پا کے جھیور نوں مہاراجے نے جگیر بخش دتی۔
مہاراجہ دی اک بیوی پہاڑن سی جس دا ناں راج دیوی سی۔ اوہ پنڈ دنیرا کانگڑا توں پٹھانیئے راجپوتاں دی دھی سی۔
کیہا جاندا اے کہ مہاراجے نوں کسے براہمن نے کہہ دتا کہ جے توں سلیہر علاقے (شکرگڑھ) وچوں پنج رانیاں لئیں تاں تیرے واسطے شبھ اے۔ جس کرکے اس نے تنّ بیویاں ہور لے آندیاں ۔
اوہناں وچوں اک سی رانی دیوکی پنڈ انتووالی خورد نیڑے شکڑگڑھ دی، اک سی ہاڑھ دیوی پنڈ چندووالی دی اتے اک سی بیبی سدانا۔ اس دے بارے زیادہ جانکاری نہیں ملدی۔