نہر پانامہ

Wikipedia توں
جاو: مدد, کھوج
نہر پانامہ دا نقشہ


نہر پانامہ گھبلے امریکہ دے دیس پانامہ چ واقع اک بحری نہر اے ، جسے دے راہیں بحری جہاز بحر اوقیانوس تے بحر الکاہل وچکار سفر کر سکدے نیں ۔ اس نہر دے اساری انجنیئرنگ دی تریخ دا سب توں مشکل ترین منصوبہ سی ، اس دے بنن نال علاقے ج جہاز رانی تے بہت چنگا اثر پئیا ، کیونجے پہلاں جہاز براعظم دکھنی امریکا دے دوالے چکر لا کے راس ہارن توں بحر الکاہل چ داخل ہندے سن ۔ اس نہر دی تعمیر نال نیویارک توں سان فرانسسکو دا بحری فاصلہ 9 ہزار 5سو کلومیٹر ہوگئیا جہڑا پہلے راس ہارن دے دوالے چکر لگان تے 22ہزار 5سو کلومیٹر سی ۔

پانامہ دا بحر الکاہل تے ببحیرہ کریبیئن وچکار محل وقوع

اس جگہ نہر دی تعمیر دا منصوبہ 16ویں صدی چ ساہمنے آئیا پر اس دی اساری دا کم فرانس نے 1880ء چ شروع کیتا ، پر اس نوں ناکامی ہوئی ۔ تے فیر 1904ء چ ریاست ہائے متحدہ امریکہ نے اس نوں شروع کیتا تے 1914ء چ اسنوں بحری جہازاں لئی کھول دتا گئیا۔ 77 کلومیٹر لمبی اس نہر دی تعمیر چ اڑیکے آئے ، جنہاں چ ملیریا ، یرقان دی وباء تے زمینی تودےآن دا ڈگنا شامل سی ۔ اس نہر دی اساری دے دوراںن اندازا 27ہزار 5سو مزدور ہلاک ہوئے ، جس چ 1881ء توں 1889ء تک جاری رہن آلا فرانسیسی منصوبہ وی شامل اے ، جس چ 22ہزار مزدور مارے گئے سن ۔ ساریاں احتیاطاں دے باوجود 1904ء توں 1914ء تک دے امریکی منصوبے چ وی 5ہزار 609 مزدور اپنی جانوں گغے ۔ اینج کل مرن آلے مزدوراں دی گنتی 27ہزار 5سو توں ودھ گئی ۔

اج نہر پانامہ جگ دےآں اہم ترین بحری رستےآں چوں اک اے ، جتھوں ہر سال 14 ہزار توں ودھ بحری جہاز لنگھدے نیں ، جنہاں تے 29 کروڑ 30 لکھ ٹن سامان لدیا ہندا اے ۔ 2002ء تک اس نہر توں 8 لکھ جہاز لنگھ چکے نیں ۔

یو ایس ایس میسوری نہر پانامہ توں لنگھدے ہوئے

اس نہر لنگھن چ 9 گھینٹے لگدے نیں ۔ 2005ء چ اس نہر توں 20 کروڑ 79 لکھ ٹن نال لدے 14 ہزار 11 جہاز لنگھے ، جس دا روزانہ دا اوسط 40 جہاز بندا اے ۔

اس نہر دے وچکار جھیل گیٹون کیونکہ سمندر دی پدھر (سطح) توں اچی اے اس لئی اس جھیل دے دونے پاسے لاک لائے گئے نیں جنہاں چ پانی گھٹ یاں ودھ کرکے بحری جہاز نوں جھیل دے پانی دی پدھر دے برابر لیائیا جاندا اے اس جھیل نوں پار کرکے جہاز دوبارہ نہر تے فیر سمندر چ پہنچ جاندااے۔