فرانس

فرانس
French Republic
République française

چنڈا	نشان
راجگڑھ:	پیرس
تھاں:	674,843 مربع کلومیٹر
لوک گنتی:	65,821,885
کرنسی:	یورو
بولی:	فرانسیسی

فرانس یا لوک راج فرانس لیندے یورپ دا اک دیس اے ۔ اسدا دارالحکومت پیرس اے ۔ پیرس ایدا سب توں وڈا شہر وی اے۔ فرانس اک لوک راج اے تے اے یورپی یونین دا سنگی اے تے ایتھے یورپ دا کٹا سکہ یورو جلدا اے۔

[لکھو] آلادوالا

یورپ چ فرانس دے گوانڈی دیساں چ بیلجیم ، لکسمبرگ ، سپین ، جرمنی تے سویٹزرلینڈ ہیگے نیں ۔ فرانس دے چند علاقے یورپ توں باہر اتلے تے جنوبی امریکہ ، بحرالکاہل تے بحر ہند چ وی واقع نیں ۔ یورپ توں باہر فرانس دیاں سرحداں برازیل تے سرینام نال ملدیاں نیں ۔

[لکھو] ریاست تے سیاست

فرانس دی سرکار دا نشان

فرانس اک متحدہ نیم صدارتی جمہوری ریاست اے ۔ فرانسیسی سیاست دیاں بنیاداں اسدا آئین تے "آدمی تے شہری حقوق دا اعلان" نیں ۔ فرانس اک ترقی یافتہ ملک اے تے دنیا دی 5ویں وڈی معیشت اے ۔

فرانس یورپی یونین دے بانی ارکاں چوں رقبے تے آبادی چ سب توں وڈا ملک اے ، فرانس نیٹو دے بانی رکن ملکاں چوں وی اے تے سکیورٹی کونسل دا مستقل ممبر اے ۔ فرانس دنیا دیاں 7 ایٹمی طاقتاں چوں وی اک اے ۔

[لکھو] نیرکتا

فرانس اک جرمن قبیلے فرینک تون بنیا اے۔

[لکھو] لوک

[لکھو] تریخ

اجکل دے فرانس دے ولگن اوہ ای نیں جیہڑے پرانے گال دے سن۔ گال وچ سیلٹک گال وسدے سن تے پہلی صدی پہلے مسیح چ اینوں جولیس سیزر نے مل ماریا تے ایتھے لاطینی بولی ٹری جتھوں اجدی فرانسیسی بولی بنی۔ رومن رہتل وی اپنی بنا لی گئی دوجی تے جوتھی صدی ج ایتھے سعائی مت آیا۔ چوتھی صدی ج فرانس دے لہندے پاسے دی ولکن اندر جرمن قبیلے آۓ۔ ایناں چوں اک فرینک سی جیدے نان تے فرانس ناں بنیا۔ فرینک پہلا جرمن قبیلہ سی جیہڑا کیتھولک مزہب تے ٹریا۔ فرانس شارلمین دی سلطنت دا اک انک ریا۔ بادشاہت فرانس چ اپنی اتلی انت تے 17ویں صدی ج اپڑی۔ اوس ویلے فرانس دی یورپ چ سب توں چوکھی لوک گنتی سی۔ فرانس نے سائینس ساہت سیاست چ یورپ چ بہت وڈے کم کیتے تے امریکہ ایشیاء تے ہور تھاواں تے فرانس دیاں کالونیاں سن۔ اے فرانس دے فلسفی سن جناں نے نویاں سوچاں چگ نوں دتیاں تے اونان نے انقلاب فرانس دی نیو رکھی۔

بادشاہاں نیں فرانس تے انقلاب فرکنس تک راج کیتا۔ 1789 چ انقلاب آیا 1793 چ بادشاہ تے ملکہ نوں قتل کر دتا گیا۔ 1799 چ نپولین بونا پارٹ نے فرانس دے راج نوں اپنے ہتھ چ لیلیا۔ اونے یورپ دے ہور دیسان نال لرائیاں کیتیاں۔ نیپولین دیاں اینان لڑائیاں ج دس لکھ دے نیرے لوک مارے کۓ۔ 1815 چ واٹرلو ج نپولین دے ہارن باجوں بادشاہت فرانس ج دوبارہ آگئی۔ 1870 چ پرشیا نال لڑائی ج ہار باجوں اے بادشاہت وی مک کئی۔ لوک راج دوبارہ آگیا۔ پہلی وڈی لرائی فرانس نے برطانیہ تے امریکہ دی سنگت ج جرمنی دے خلاف لڑی تے جتی۔ دوجی ودی لرائی دے ٹرن تے ای فرانس تے جرمن فوجاں نے مل مار لیا۔ جیہڑا 1944 چ مکیا۔ 1960 تک فرانس نوں اپنیاں کلونیاں وی جھڈنیاں پیاں۔

[لکھو] ونڈ

فرانس دے 26 انتظامی پاسے نیں جنان چوں 21 میٹروپولیٹن فرانس ج نیں۔ 22وان کارسیکا اے تے دوجے 4 سمندر پار نیں۔ ایناں 26 پاسیاں نوں 100 ڈیپارٹمنٹس ج ونڈیا ہویا اے۔ جنان نوں اکے 36000 توں ود کمیون چ ونڈیا ہویا اے۔