پانی سار کرسٹل

آزاد انسائیکلوپیڈیا، وکیپیڈیا توں

پانی سار کرسٹل مادہ دی اک قسم اے جیڑی ٹھوس تے پانی سار حالت دے درمیان کج ٹھوس کرسٹلاں چ پائی جاندی اے۔ پانی سار کرسٹلاں چ دوویں پانی سار تے ٹھوس مادے دیاں خاصیتاں ہوندیاں نیں۔ ایدا مطلب اے وے کہ پانی سار کرسٹل پانی ساراں دی طرح بہہ سکدے نیں تے نال ای اونھاں دے مالیکیول کرسٹلاں دی طرح کسے ترتیب چ ہوندے نیں۔

تریخ[سودھو]

1888 چ اک آسٹریہ دے کیمیا دان فریڈرخ ریاینٹزر اک آرگینک [کمپاؤنڈ] کولسٹرائل بینزوایٹ تے تجربے کر ریا سی کہ اونھوں اک خاص خصوصیت ملی جیڑی پوری دنیا چ پائی جاندی اے۔ اونھے ویکھیا کہ اے شے 145 ڈگری سینٹی گریڈ تے اک دھدیا پانی سار بن جاندا اے تے 179 ڈگری سینٹی گریڈ تے صاف پانی سار بنندا اے۔ جدوں اینوں ٹھنڈا کیتا جاۓ تے پھٹا کم ہوندا اے۔ اونھے اس دھدیا پانی سار حالت نوں پانی سار کرسٹل دا ناں دتا۔ اج تک کئی ٹھوس کرسٹل لبے گۓ نیں جیڑے پانی سار کرسٹل بناۓ جا سکدے نیں۔

خاصیتاں تے حالتاں[سودھو]

پانی سار کرسٹلاں پانی ساراں دیاں خاصیتاں ہوندیاں نیں جیناں چ سطح دی ٹینشن تے وسکاسٹی وغیرہ شامل نیں نالے اوناں چ ٹھوس کرسٹلاں دی طرح کوئی ترتیب وی اے۔ اس گل توں اے کیا جا سکدا اے کہ اے کرسٹلاں نال رلدے نیں تے ایناں چ کرسٹلاں دیاں خاصیتاں وی پائیاں جاندیاں نیں۔ ایناں چوں سب توں خاص آپٹیکل خاصیتاں نیں۔ پانی سار کرسٹل دو خاص گرمی ناپاں دے درمیان پاۓ جاندے نیں۔ اگر گرمی بوتی یا تھوڑی ہو جاۓ تے اوہ پانی سار یا ٹھوس بن جاندے نیں۔

1888 توں کوئی اج توں 30 وریاں تک پانی سار کرسٹل لباٹریاں تک ای محدوود سن۔ پر ہن اوناں نوں مختلف کماں واستے ورتیا جاندا اے۔ اوہ کم اونھاں دی آپٹیکل خاصیتاں توں فائدہ لیندے نیں۔

جیڑے مالیکیول پانی سار کرسٹل بناندے نیں اوہ لمبے راڈاں دی شکل دے ہوندے نیں۔ جدوں اوہ عام پانی سار دی حالت چ ہوندے نیں اوہ اوناں چ کوئی ترتیب نئیں ہوندی پر جدوں اوہ پانی سار کرسٹل بنندے نیں اے راڈاں دی طرح دے مالیکیول کسے خاص ترتیب چ آجاندے نیں۔ اوناں دی ترتیب دے حوالے نال پانی سار کرسٹلاں دیاں تین ونڈاں ہوندیاں نیں:

  • نیمیٹک
  • سکیمیٹک
  • کولسٹیرک

پانی سار کرسٹلاں دا ورتنا[سودھو]

پانی سار کرسٹلاں دیاں زبردست آپٹیکل تے الیکٹریکل خاصیتآں دی وجہ توں پانی ساراں نوں مختلف کماں واسطے ورتیا جاندا اے۔ کئی آرگینک کمپاؤںڈ تے زندہ ٹشو پانی سار کرسٹلاں دی طرح کم کردے نیں۔ پانی سار کرسٹلاں دیاں خاص خاصیتاں نے سائنسداناں نوں اپنے ال کچھیا۔ ایناں نوں تھلے دتے گۓ کماں آستے ورتیا جاندا اے:۔

  • پانی سار کرسٹلاں دا اک خاص کم ایل سی ڈی اے۔ پانی سار کرسٹلاں نوں دو پولارائزراں دے وشکار رکھیا جاندا اے۔ کیونجہ پانی سار کرسٹلاں دے کمزور بانڈ آرام نال بجلی نال کنٹرول کیتے جاسکدے نیں۔ اس واسطے بجلی نال پانی سار کرسٹلاں نوں مانیٹراں دے طور تے ورتیا جاندا اے۔ ایناں چوں روشنی لنگا کہ ایناں دی ترتیب بجلی نال بدلی جاندی اے جیدے توں جو شہ چائیدی ہوۓ سکرین تے آ جاندی اے۔
  • ٹھوس کرسٹلاں دی طرح پانی سار کرٹل وی روشنی ڈفریکٹ کر سکدے نیں۔ پانی سار کرسٹلاں توں جدوں سفید روشنی دی کوئی اک ویولینتھ ڈفریکٹ ہوندے اے تے اوہ کرسٹل رنگین نظر آندا اے۔ جدوں گرمی ناپ بدلدا اے تے پانی سار کرسٹلاں دے مالیکیولاں دے وشکار پینڈا وی بدلدا اے۔ اس دی وجہ توں کرسٹل دا رنگ وی بدلدا اے۔ اس دی وجہ توں پانی سار کرسٹلاں نوں گرمی ناپ دے طور تے ورتیا جاندا اے۔
  • پانی سار کرسٹلاں توں بجلی دیاں شیواں چ مسئلے لبے جاسکدے نیں۔
  • پانی سار کرسٹلاں توں ویناں، آرٹریاں، بماریاں تے کینسر دے ٹیومر لبے جاندے نیں۔ پنڈے دے اے حصے باقی حصے توں بوتے گرم ہوندے نیں تے جدوں ایناں اتے پانی سار کرسٹلاں دی اک تہہ لائی جاندی اے۔ جیڑے حصے چ مسئلہ ہوندا اے اوہ مختلف رنگ چ آندا اے۔ اسے طرح بریسٹ کینسر دا پتا لان آسطے وی پانی سار کرسٹلاں نوں ورتیا جاندا اے۔
  • پانی سار کرسٹلاں نوں کرومیٹوگرافی چ سالوینٹ دے طور ورتیا جاندا اے۔