پیاز

آزاد انسائیکلوپیڈیا، وکیپیڈیا توں
پیاز
پچھان
دیس: بوٹے
برادری: پھلوالے بوٹے
پتی: ستاوری
ٹبر: نرگس ٹبر
سائینسی ناں: Allium cepa

پیاز اک سبزی اے جیدے پتے تے گنڈ ورگی جڑ پکاۓ جاندے نیں۔ پیاز دے پتیاں نوں پوکاں کیندے نیں جیہڑیاں پھلیاں ہوندیاں نیں ایہناں دا رنگ نیلا ہرا ہوندا اے۔ جڑ وڈے دن ہون تے پھل جاندی اے۔ پت جھڑ وچ پتے سک جاندی نیں تے پیاز دی گنڈی دی اتلی پرت سک جاندی اے نرم ہوندی اے۔ فصل فیر ورتن لئی تیار ہوندی اے۔ پیاز نوں ساری دنیا وچ ورتیا جاندا اے۔

پیاز نوں پنجابی وچ گنڈھ یا گنڈے وی کیندے نیں۔

وکھالہ[سودھو]

پیاز ہن جنگلاں وچ تے نہیں ملدا پر ایہنوں انسان پچھلے 7000 وریاں توں اگا ریا اے۔ ایہ سال وچ دو واری ہوندا اے پر لامت اکوواری اگاندے نیں۔ ایہ 15 توں 45 سینٹی میٹر (6 توں 18 انچ) تک اچا جاندا اے۔ ایہدے پتے جنہاں نون پوکاں کیندے نیں سدھیاں لمیاں تے پھلیاں اندروں کھوکھلیاں ہوندیاں تے نیلے ہرے رنگ دیاں ہوندیاں نیں۔ ہر پتے دا مڈھ پدھرا ہوندا اے۔ بوٹے دے مڈھ توں کئی جڑاں زمین ول جاندیاں نیں۔ مڈھ ویلے نال موٹا ہوندا جاندا اے تے گول ہوندا جاندا اے۔ پت جھڑ وچ پتے سکن لگدے نیں تے گول جڑ تے پتلی چھلڑ بندی اے۔ اگر سیال وچ ایس پیاز نوں لگا رہن دتا جاوے تے اگلے ورے اوہ فیر پھٹدا اے تے اوہدے جوں اک لمی ڈنڈی اتے ول اندی اے تے اک نکے نکے پھلاں دی جھتری بناندی اے۔

گنڈے

ہور ویکھو[سودھو]

بارلے جوڑ[سودھو]