چٹان

Wikipedia توں
جاو: مدد, کھوج
Rawat-Dog's tooth.jpg

پڑی زمین دی سائنس (Geology) چ اپنے آپ ہون والے معدنیات دے پکے پینڈے کٹھ نوں کیندے نیں۔ زمین دا اپرلا چھلڑ پڑیاں نال بنیا اے۔ پڑیاں دیاں تن ونڈاں نیں: اگ پڑی، بیٹھی پڑی، تے پلٹی پڑی۔

پڑیاں دی ونڈ[لکھو]

پڑیاں نوں اوناں دے کیمیائی میل جول، اوناں دے ملن والے زریاں دی بنتر تے اوہ ول جناں نال اوہ بندیاں نیں، نال ونڈیا جاندا اے۔ اے ناپ ایناں نوں اگ پڑی، بیٹھی پڑی، تے پلٹی پڑی چ ونڈدے نیں۔ ہور ایناں نوں زریاں دے ناپ نال وی ونڈیا آندا اے۔

SandstoneUSGOV.jpg

اگ پڑیاں اودوں بندیاں نیں جدوں پگلیا میگما ٹھنڈا ہوندا اے تے دو گٹھاں چ ونڈیا جاسکدا اے: پلوٹونک پڑی تے ولکینک پڑی۔ پلوٹونک پڑی اودوں بندی اے جدوں میگما ٹھنڈا ہوکے زمین دے چھلڑ چ کرسٹل بندا اے (ادھارن: گرینائیٹ)۔ ولکینک پڑی اودوں بندی اے جدوں میگما زمین دی پدھر دے اتے لاوا بندا اے (ادھارن:بسالٹ تے پومائس)۔

بیٹھیاں پڑیاں زمین تے لبن والیاں عام پڑیاں نیں۔ اے زمی دی پدھر تے یا ایدے نیڑے ہوندیاں نیں۔ بیٹھیاں پڑیاں تہواں وچ بندیاں نیں تے اک دے اتے دوجی تہ بندی جاندی اے۔ تہواں موٹیاں پتلیاں ہوسکدیاں نیں۔ ایہ تہواں ایہ تہواں چورے، کاربن والے کیمیکلز تے کیمیائی کماں نال بندیاں نیں تے اپنے ای جوکھ نال جڑدیاں تے پکیاں ہوندیاں جاندیاں نیں۔ پلٹیاں پڑیاں دوجیاں پڑیاں توں بندیاں نیں۔ ایہ چوکھی گرمی تے دباؤ نال بندی اے زمین دی پدھر تھلے ہمیشہ چوکھا دباؤ تے گرمی ہوندی اے کسے پیاڑی سلسلے تھلے یا اگ دے پعاڑ کول گرمی تے دباؤ نال پڑیاں پلٹ جاندیاں نیں۔سنگ مرمر اک ادھارن اے۔

انسانی ورتن[لکھو]

پڑیاں دے ورتن نے انسانی رہتل تے گوڑے رنگ چھڈے نیں۔ پڑیاں نوں انسان پچھلے 20 لکھ وریاں توں ورتدا آیا اے۔ دھاتاں ل‏ی پڑیاں نوں کھننا انسان دے اگے ودن دا اک وڈا ول ریا اے۔پتھر ویلہ انسانی رہتل دا اک وڈا ویلہ ریا اے۔


بارلے جوڑ[لکھو]