انانیہ پانڈے

انانیہ پانڈے (انگریزی : Ananya Panday-جم: 30 اکتوبر 1998)بھارتی شہر ممبئی دی واسی سوشل میڈیا شخصیت، ماڈل، انسٹاگرام اسٹار اتے اداکارہ ہے۔ انانیہ ماضی دے مشعوراداکار چنکی پانڈے دی پُتری ہے۔ انانیہ پانڈے دے مشعور ہون دا کارن بالی وڈ فلم “ سٹوڈنٹ آف دی ائیر 2” 2019 سی ۔اس فلم دے ڈریکٹر پونی ملہوترا سی۔

مڈھلا جیون

انانیہ پانڈے دا جنم 30 اکتوبر 1998 نوں ممبئی وچ ہویا۔ اس دا پیو چنکی پانڈے بالی وڈ دا اک اداکار سی۔ اس دی ماں بھاونا پانڈے آرکیٹکٹ ہے۔ اس دی اک چھوٹی بہن ریسا پانڈے ہے۔ انانیہ پانڈے نے مڈھلی سکھیا دھیرو بھائی امبانی انٹرنیشنل اسکول ممبئی تو لئی ۔اس توں بعد او امریکا دے شہر لاس اینجلس دی یونیورسٹی آف ساؤدرن کیلیفورنیا وچ گئی اتے اوتھوں گریجوئشن دی ڈگری لئی۔ انانیہ ماضی دی منی پرمنی اتے سپر اسٹار اداکارہ سری دیوی دی پُتری جھانوی کپور دی بچپن دی سہیلی ہے۔

دلچسپ گل

انانیہ پانڈے دے دادا شراد پانڈے بھارت دے منے پرمنے دل دے ڈاکٹر سی اتے ہندوستان دے وچ دل بدلن (Heart Transplant ) دی پہلی سپھل سرجری (KEM اسپتال وچ) اونہاں نے ہی کیتی سی۔ بوہت سارے مشعور فلمی اتے ہور شخصیتاں اونہاں دے مریضاں وچ شامل سن۔

فلمی جیون

بھارتی فلمی صنعت دے اسٹوڈیو دھرما فلم پروڈکشن دی فلم سٹوڈنٹ آف دی ائیر 2 پہلی فلم سی جس دی راہیں انانیہ پانڈے اک اداکارہ دی حیثیت نال دنیا دی نظراں وچ آئی۔ اس فلم نوں ٹیِن فلم( یعنی بالاں توں وڈی اتے جواناں توں چھوٹی عمر دے لوکی جو 13 توں 19 سال تک دے ہوندے نیں) دی فلم آکھیا جاندا ہے۔اس فلم دے ڈریکٹر پونیت ملہوترا آتے پروڈیوسر کرن جوہر سن۔اس فلم وچ ٹائگیر شیروف نے ہیرو دا رول کیتا سی آتے ایہہ فلم 10 مئی 2019 نوں آئی سی۔

فلماں

سٹوڈنٹ آف دی ائیر 2- سال 2019