دوانہ

دوانہ
پچھان
دیس:	بوٹے
برادری:	پھلوالے بوٹے
ٹبر:	کدو ٹبر
سائینسی ناں:	Citrullus lanatus

دوانہ اک ویل والا کدو ٹبر دا پھلانوالا بوٹا اے جیدا اصل دیس دکھنی افریقہ سی پر ہن ایہ ساریاں گرم تھانواں تے اگدا اے۔ ایہدے فروٹ دا ناں وی ایہو ای اے۔ ایہدا چھلڑ باہروں پدھرا ہوندا اے تے اوہدے تے کوڑھے ہرے رنگ دیاں تاریاں ہوندیاں نیں۔

تریخ

دوانہ افریقہ توں ساری دنیا وچ پھیلیا پر افریقہ وچ کیہڑی تھاں توں ایہدے بارے پکا کسے نوں نہیں پتہ۔ ایس دے مٹھے، پھکے تے کوڑے سواد والے وکھرے دوانے افریقہ وچ ہوجکے سن۔ چار ہزار ورے پہلے مصر وچ ایہنوں نیل دیاں کنڈیاں تے اگایا جاریا سی۔ 12ویں ٹبر دے مشہور فرعون تتانخآمون دے مقبرے وچوں وی ایہدے بی لبھے نیں۔ دوانیاں بارے بائبل وچ وی لکھیا اے جے اسرائیلی مصر وچ ایہنوں کھاندے سن۔

10ویں صدی وچ چین وچ وی ایہ اگایا گیا جتھے ایہ ہن دنیا وچ سب توں چوکھا اگایا جاندا اے تے 13ویں صدی وچ ایہ عرباں دے نال سپین تے اوتھوں ریندے یورپ اپڑیا۔ 16ویں صدی وچ ایہ امریکہ اپڑیا۔

وکھالہ

فروٹ دا چھلڑ پینڈھا تے ہرا ہوندا اے تے ایہ گول یا لمبوترا ہوسکدا اے۔ ایہدا اندر دا گودا پکن تے لال ہوندا اے کچا چٹا یا ہلکے رنگ دا ہوندا اے۔ ایہدے وچ 92% پانی تے 6٪ شکر ہوندی اے۔ ایہدا اندرلا پینڈا چھلڑ وی کھان نوں ٹھیک اے تے چین وچ اوہدا اچار بناکے کھادا جاندا اے۔ ایہدے لال گودے وچ لائکوپین ہوندی اے۔ ایہدیاں 1200 توں ودھ ونڈاں نیں۔ پکن تے ایہ لال، پیلا، مالٹئی تے چٹا ہوسکدا اے۔

مورتاں
پیلا دوانہ	بی بنا لال دوانہ	بی	چورس دوانہ