دیباچہ
دیباچہ (انگریزی: Preface)، کِسے کتاب یا ادبی لِکھت دی اِبتداء وچ لِکھے ہوئے لفظاں نُوں کہیا جان٘دا اے۔ دیباچہ کتاب دا لکھاری لِکھدا اے، جے کتاب دے بارے وچ کوئی ہور شخص لِکھے تاں اوس لِکھت نُوں پیش لفظ کہیا جان٘دا اے۔ کتاب وچ پیش لفظ اکثر دیباچے توں پہلاں دِتا جان٘دا اے۔ دیباچے وچ زیادہ تر اوہناں شخصیات دا ذِکر ہُندا اے جیہناں دی معاونت ناݪ کتاب لِکھی گئی۔
دیباچے وچ عمُومن ایہ بیان کيتا جان٘دا اے کہ ایس کتاب نُوں لِکھݨا کِداں مُمکن ہویا تے کتاب لِکھݨ دا خیال کِداں آیا۔ ایس توں علاوہ اوہناں دا شکریہ ادا کيتا جان٘دا اے جیہناں دی وجہ توں کتاب مکمّل ہوئی۔ دیباچے دے تھلّے اکثر لکھاری دے دستخط، تاریخ تے مقام درج ہُندا اے لیکں ایہ ضرُوری نئيں، البتہ پیش لفظ دے تھلّے دستخط ہوݨا ضرُوری اے۔
لفظ Preface لاطینی زبان دے لفظاں prae تے fatia دا مرکب اے، جیہدا مطلب "پہلاں بولݨا" اے۔