پنجابی لینگویج موومنٹ

وکیپیڈیا توں
Jump to navigation Jump to search
پنجابی زبان تحریک
Punjabi Zuban Tehreek.PNG
پارٹی چنڈا
سردار نذیر کہوٹ
پارٹی بنی 2011
گڑھ لہور پاکستان
سوچ پنجابی
ویب سايٹ http://www.punjabilanguagemovement.org//


پنجابی لینگویج موومنٹ پنجابیایں دی پنجابی بولی نوں پاکستانی پنجاب چ پڑھائی تے سرکاری پدہر تے لاگو کرن دی اک موونٹ اے۔ نذیر کہوٹ، اک پنجابی لکھاری اینوں اگے ودا رۓ نیں۔

منگاں[لکھو]

(1) پنجاب دے تعلیمی ،سرکاری تے عدالتی نظام دی لسانی آفیشلائزیشن ، پنجابیالائزیشن تے پنجابی زبان نوں سرکاری تحفظ دین تے ایہدی ترقی لئی ادارے قائم دی غرض نال پنجاب اسمبلی وچ فوری طور تے چارٹر آف پنجابی لینگوئج یاپنجابی لینگوئج ایکٹ پیش کیتا جائی۔ تے قانون سازی دے ذریعے اکثریتی پنجابی زبان نوں پنجاب دی مڈھلی تعلیم ، سرکار، انتظامیہ ،عدلیہ تے مقننہ دی نویکلی زبان قرار دتا جائی۔

(2) پنجابی زبان نوں پنجاب دی مڈھلی تعلیمی ،سرکاری تے عدالتی زبان دے طورتے عملانافذ کیتا جائی۔ پنجاب وچ مادری زبان وچ تعلیم دین دی ڈیڈھ سو سال توں لگی ریاستی پابندی ختم کیتی جائی۔ تے پنجابی بالاں نوں اپنی ماں بولی ناں پڑھا کے ڈیڈھ سو سالاں توں چلدی لسانی تے ثقافتی طور تے برین واش کرن تے پنجابیاں دیاں موجودہ تے اون والیاں نسلاں نوں لسانی طور تے بدلن دی خوفناک سرکاری مہم تے سازش بند کیتی جاوی۔

(3)۔ پنجاب وچ پنجابی زبان وچ مڈھلی تعلیم دین اتے ڈیڈھ سو سالاں توں لگی غیر آئینی تے غیر قانونی پابندی فوری مکائی جاوی۔پنجاب دے دس کروڑ لوکاں نوں اپنی ماں بولی کولوں محروم رکھیا جا رہیا تے ساری دنیا وچ نرا پنجاب ای اجیہا چنیا علاقہ اے جتھے دے بالاں اُتے پنجاب وچ مڈھلی تعلیم پنجابی وچ دین اُتے پابندی لگی ای۔پنجاب وچ پنجابی بالاں نوں اپنی ماں بولی وچ مڈھلی تعلیم لین دا آئینی،قانونی ،جمہوری تے جماندرو حق دتا جاوی۔

(4) پنجاب اسمبلی اپنی سرکاری،غیر سرکاری کاروائی تے لکھت پڑھت تے گل بات لئی مکمل طور پنجابی زبان اختیار کرے ۔ نالے پنجاب اسمبلی وچ سپیکر کولوں پہلاں اجازت لے کے پنجابی وچ بولن تے تقریر کرن دی ٖغیر اخلاقی،غیرآئینی،غیر اسلامی تے غیر قانونی پابندی فوری ختم کیتی جاوی۔تے پنجاب دے سرکاری دفتراں ،عدالتاں ہر تھاں پنجابی لوکاں نوںہر طرحاں دیاں خدمتاں پنجابی زبان وچ دتیاں جاون۔

(5) پنجابی زبان ،ادب تے کلچر دے ودھاوے لئی پنجابی یونیورسٹی ،پنجابی لینگوئج اتھارٹی ،پنجابی لینگئوئج منسٹری،پنجابی لینگوئج پالیسی اینڈ پلاننگ کمشن،پنجابی لینگوئج ٹیکسٹ بک بورڈ،پنجابی اکیڈمی آف لیٹرز، پنجاب یونیورسٹی وچ پنجابیالوجی ڈیپارٹمنٹ ،پنجاب دے ہر وڈے شہر وچ پنجابی کلچرل سینٹرز،پنجابی ٹی وی چینلز، ایف ایم ریڈیو سٹیشنز سرکاری نگرانی وچ بنائے جاون ۔ تے پنجابی یونیورسٹی دے کیمپس لہور،ملتان تے ٹیکسلا وچ وی بنائے جاون ۔ پنجاب دیاں سڑکاں،چوکاں،بازاراں دے سارے غیر مقامی ناں بدل کے قدیم تے جدید پنجابی حوالیاں تے شناختاں دے حوالے نال رکھے جاون۔

(6) وفاقی تے صوبائی سرکاراں تے پرائیوٹ سیکٹر، پرنٹ تے الیکٹرانک میڈیا پنجاب لئی اشتہار پنجابی زبان وچ اِشو کرن دی پالیسی اپناوی۔ ماں بولی دے ودھاوے لئی پنجابی اخباراں تے رسالیاں نوں ودھ توں ودھ اشتہار دتے جان۔

(7) 1951،961 , 1972 وچ ہون والی مرد م شماریاں وچ وفاق نے منظم سازش دے تحت پنجابی بولن والی آبادی دی گنتی تے پنجاب دی آبادی گھٹاون لئی پنجابی زبان دے لہجیاں نوں الگ زباناں قرار دے اوہناں لئی مادری ز بان دے وکھرے خانے بنا دتے ۔پنجاب سرکار آون والی مردم شماری وچ پنجاب دے عوام نوں آگاہی دین لئی کہ ا و مردم شماری دے مادری زبان والے خانے وچ اپنی ’’مادری زبان پنجابی‘‘ لکھن دی سرکاری پدھر اُتے مہم شروع کرے ۔محکمہ مرد م شماری دے فارم پنجابی زبان وچ چھاپی۔جدوں مرد م شماری دے فارم سندھی وچ چھپ سکدے نیں تے بلوچی،پشتو تے پنجابی وچ کیوں نہیں چھپ سکدی؟نالے فارم بھر ن والے عملے نوں ہدایت کیتی جاوے کہ اوہ پنجاب دے لوکاں دی زبان فارم وچ پنجابی لکھن ۔اوہناں دی زبان بدلن دی کوشش نا کرن۔

(8)نادرا فور ی طور تے پنجابی زبان وچ شناختی کارڈ جاری کرنا شروع کری۔ شناختی کارڈ دے کمپیوٹرائزڈ درخواست فارم وچ پنجاب دے لوکاں دی مادری زبان پنجا بی لکھی۔ پنجابی لوکاں نوں بنا دسے پچھے یا دھوکے نال زبردستی اوہناں دے مادری زبان دے خانے وچ پنجابی دی تھاں کوئی غیر زبان لکھنا اِک وڈا جرم تے قانونی شکنی اے ۔جہدی خوفناک سزا ہو سکدی ای۔نادرا توں سختی نال منگ کیتی جاندی اے کہ او پنجاب وچ شناختی کارڈ دا کمپیوٹرائزڈ درخواست فارم پنجابی وچ چھاپے تے پنجاب وچ سارے شناختی کارڈ پنجابی وچ اِشو کرے ۔ نہیں تے پنجاب وچ اپنا آپریشن بند کرے ۔جے نادرا نے کوئی اجہے شناختی کارڈ جناں وچ پنجابی لوکاں دی ماں بولی پنجابی دی تھاں کوئی غیر زبان لکھی اتے تے اوہناں سارے شناختی کارڈاں نوں فوری طور تے منسوخ کر کے اوہناں نوں نویں شناختی کارڈ پنجاب ی وچ اِشو کرے ۔پنجابی دے لوکاں دی ماں بولی بدلن تے پنجا ب وچ پنجابیاں نوں اقلیت وچ بدلن دی ہر کوشش تے سازش دی سختی نال مذمت کیتی جاندی اے ۔جے سندھی تے اردو وچ قومی شناختی کارڈ اِشو ہو سکدے نیں تے پنجابی،پشتو تے بلوچی وچ کیوں نہیں ہو سکدی۔

(9) پنجابی زبان ،کلچر تے مو سیقی دے ودھاوے وچ پنجابی فلم دا کرداربہت اہم تے تاریخی رہیا اے ۔پر جدوں دے ٹی وی چینل شروع ہوئے نیں تے کجھ سرکار ولوں فلم انڈسٹری دے خلاف وی امتیازی سلوک ہو رہیا۔جہدی مذمت کیتی جاندی اے ۔ جہدے سبب پنجابی فلم ختم ہو گئی اے ۔پنجابی فلم دے ودھاوے لئی لہوروں باہر نہراں،پھلاں،باغاں،جدید سہولتاں نال بھریا دنیا دا سبھ توں وڈا تے جدید ترین ’’پنجابی فلم سٹی‘‘ اساریا جاوی۔ جہدے وچ ہالی وڈ دی ٹکر دے دنیا دے جدید ترین فلم سٹوڈیو بنائے جاون ۔ اوہدے وچ پنجابی فلم ٹریننگ اکیڈیمی بنائی جاوے ۔نالے فائیو سٹار ہوٹل وی اوہدے وچ بنائے جاون ۔جتھے ساری دنیا دیاں وڈیاں انڈسڑیاں نوں فلماں دی شوٹنگ لئی سستا پر جدید ترین ایکئوپمنٹ ملے نالے فول پروف سیکورٹی وی ۔تے پنجابی فلم نوں عالمی معیار تے ٹکر تے بنایا جاوی۔

(10) پنجاب وچ دہرا تعلمی نظام مکایا جاوی۔پنجاب وچ بے روزگاری تے ان پڑھتا مکاون لئی غریب پنجابی بالاں نوں پرائمری توں لے کے میٹرک تائیں ساری تعلیم ماں بولی وچ یو نیفارم ،کتاباں ،ٹرانسپورٹ تے کھانے سمیت سرکار ولوں مفت دتی جاوی۔

(11) پنجاب دے تما م تعلیمی اداریاںوچ پنجابی زبان دیاں کلاساں لئی لئے مطلوبہ گنتری وچ پنجابی استاد اں نوں ملازمتاں دتیاں جاون تے کوالیفئائڈ تے بے روزگار پنجابی استاداں نوں فوری طور تے ملازمتاں دتیاں جان ۔

(12) پنجاب سرکار پنجا ب دی جی ڈی پی کا 10% پنجابی زبان،ادب،پنجابی دی تعلیم تے پنجابی کلچر دے ودھاوے لئی وکھرا رکھے ۔ پنجابی زبان تے ادب دے ودھاوے لئی پنجاب انسٹیٹیوٹ دے بورڈ آف ڈائریکٹرز وچ سینئیر پنجابی سوجھواناں،کھوجکاراں تے لکھاریاں نوں شامل کیتا جاوے ۔

(13)پنجابی بزنس کمیونٹی اپنی ماں بولی دا قرض اتاری۔ ماں بولی دے ودھاوے لئی فوری طور تے پنجابی چینل ،ایف ایم ریڈیو سٹیشن تے پنجابی ا خبار شرو ع کرے ۔غیر پنجابی زبان دا پرنٹ تے الیکٹرانک میڈیا پنجاب تے پنجابی زبان دے خلاف امتیازی سلوک کر رہیا ۔جہدی وجہ توں پنجاب وچ پنجابی زبان ختم ہو رہی اے ۔غیر پنجابی میڈیا پنجاب دے قومی مفاد دے خلاف کم کر رہیا ۔پنجابی بزنس کمیونٹی پنجاب ، پنجابی زبان تے پاکستان نوں بچاون لئی پنجابی پرنٹ تے الیکٹرانک میڈیا قائم کرن لئی سرمایہ کاری کری۔پنجاب تے پنجابی قوم ،پنجابی کلچر تے پنجابی زبان دے خلاف نفرتاں دا پرچار کرن والے سارے ٹی وی چینلاں تے اخباراں اُتے پنجاب وچ مسقتل پابندی لائی جاوی۔

(14) بی بی سی فوری طور تے پنجابی سروس شروع کری۔تے سو سالاں توں پنجابی زبان دے خلاف چلدی اپنی امتیازی سلوک دی پالیسی بند کری۔ نالے وائس آف امریکا ،چائنا ریڈیو ،جاپان ریڈیو تے جرمن ریڈیو وی پنجابی زبان وچ سروس شروع کرن۔تے پنجاب وچ کم کرن والے سارے غیر ملکی قونصلیٹ پنجابی زبان تے کلچر بارے سیکشن کھولن۔

(15) پہلی وساکھ نوں سرکاری طور تے پنجاب دا ’’قومی رہتل دیہاڑ‘‘(نیشنل کلچرل ڈی) منیا جاوی۔ تے اوس دن پنجاب وچ عام چھٹی کیتی جاوی۔

(16) خیبر پختون خواہ دے پنجابی بولن والے علاقہ جات جنھاں وچ ہزارہ،ڈیرہ اسمائیل خان تے ٹانک شامل نیں ۔اہناں نوں خیبر پختون خواہ توںوکھرا کر کے پنجاب وچ شامل کیتا جاوے ۔ایہ علاقے پنجابی بولن والیاں دے اکثریتی علاقے نیں تے پاکستان بنن توں وی پہلاں ہزاراں سالاں توں تاریخی،لسانی تے ثقافتی طور تے پنجاب دا حصہ رہے نیں۔ایس لئی ایہ علاقے پنجاب نوں واپس کیتے جاون۔

(17) پاکستان اک جاگیردارانہ تے قبائلی طرز دی ریاست ای۔جاگیرداری تے قبائلیت نوں مکاون لئی تے پنجاب وچ غربت تے بے روزگاری،ظلم ،جبر ،استحصال مکاون لئی جاگیرداری نظام مکائو۔ جاگیراں سرداراں،پیراں تے جاگیرداراں کولوں کھو کے اوسے علاقے دے غریباں،بے روزگاراں، بے زمین کساناں،مزارعیاں تے کھیت مزدوراں وچ ونڈیا ں جاون۔

(18) پنجاب نامعلوم ویلیاں توںاِک لسانی،اتنظامی،ثقافتی ،قومی تے تاریخی اکائی اے ۔پنجاب پنجابی قوم کی دھرتی ماں ہی۔پنجاب دی ماں بولی پنجابی اے پنجاب وچ رہن والے سبھ لوک پنجابی نیں۔ پنجاب دے عوام پنجاب یا کسی بھی صوبے دی لسانی یاانتظامی کسے بھی قسم دی ونڈ نویں صوبے بناون دی منگ نوں سختی نال رد کردے نیں۔پنجاب نہیں جاگیراں ونڈو۔جاگیردار تے جاگیرداری مکاؤ۔

(19) چاراں وفاقی یونٹاں تے پاکستان دیاں اکثریتی زباناںسندھی پنجابی،پشتو تے بلوچی نوں پاکستان دیاں قومی زبانیں قرار دتا جاوی۔تے سندھ تے بلوچستان نال لسانی ،نسلی ،ثقافتی تے معاشی ہر طرحاں دیاں ناانصافیاں بند کیتیاں جاون۔

(20 وفاقی اردو یونیورسٹی دے طرز تے وفاقی حکومت اسلام آباد وچ وفاقی پنجابی یونیورسٹی،وفاقی سندھی یونیورسٹی،وفاقی بلوچی یونیورسٹی تے وفاقی پشتو یونیورسٹی قائم کیتی جاوی۔تے چاراں صوبائی دارالحکومتاں وچ وی اینادے صوبائی کیمپس وی قائم کیتے جاون۔

(21) قومی یک جہتی نوںودھاوا دین لئی ہر سال نیشنل لیول تے ’’نیشنل کلچرل ڈے ‘‘منایا جائی۔ انڈس ویلی دا ست ہزار سال قدیم کلچر ای پاکستان دا قومی کلچرای۔اینوں سرکاری طور تے پاکستان دا قومی کلچر متھیا جاوے ۔

(22) پنجاب تے پنجابی زبان نوں ختم کرن تے پاکستان توڑن لئی سامراجی گماشتے پنجاب دی ونڈ دا نعرہ لا رہے نیں۔پنجاب دی لسانی یا انتظامی ونڈ دے پچھے پاکستان توڑن لئی پنجاب وچ نسلی تے لسانی خانہ جنگی کروان دی ڈونگھی سازش کم کر رہی اے ۔جہدا مقصدپنجاب نوں ونڈ کے کراچی نوں سندھ تے پاکستان توں وکھرا کرکے پاکستان توڑنا اے ہور کجھ وی نہیں۔سامراجی ایجنڈا ایہا اے۔ پنجاب نوں ونڈن دی کوشش دی پنجابیاں ولوں اگوں ڈاھڈی مزاحمت ہونی اے ۔تدوںپورے ملک وچ نسلی تے لسانی خانی جنگی شروع ہو جانی اے ۔ ایس لئی پنجاب دی ونڈ نال پاکستان ٹٹنا ای۔پنجابی زبان تحریک پنجاب دی ونڈ بھانویں نسلی ہووے یا انتظامی اوہنوں سختی نال رد کردی۔پنجاب نوں اکٹھا رکھے بنا پاکستان نوں متحد تے باقی نہیں رکھیا جا سکدا۔ اوہ ساریاں نسل پرست سیاسی پارٹیاں جیڑیاں پنجاب دی لسانی یا انتظامی ونڈ دا رولا پا رہیاں نیں اوہ پنجاب،پنجابی زبان تے پنجابی قوم دیاں دشمن نیں .پنجاب دی ونڈ دے کسے وی کوشش دی ڈاھڈی مزاحمت ہوسی بھانویں نتیجہ کجھ ہی کیوں نا ہووی۔