رنگون
(یانگون توں مڑجوڑ)
برما دا راجگھر تے اہم بندرگاہ ۔ دریائے ایروتی دے دہانے تے آباد اے تے برما دا سب توں وڈا شہر تے اہم تجارتی تے ثقافتی مرکز اے ۔ میانمار دی موجودہ فوجی حکومت نے ملک دا ناں برما توں بدل کے میانمار تے رنگون شہر دا ناں بدل کے ینگون رکھ دتا اے ۔ ایتھے چول چھڑان ، لکڑی چیرن تے تیل صاف کرن تے جہاز سازی دے کارخانے نیں ۔ 18ویں صدی تک ایہہ اک نکا جہا پنڈ سی ۔ 1753ء چ برما دا راجگھر بنئیا تے 1842ء چ انگریزاں دے قبضے چ آ گئیا ۔ 1930ء دے زلزلے چ ادھ توں ودھ شہر تباہ ہو گئیا ۔ دوجی جنگ عظیم چ جاپانی قبضہ دوران وی شہر نوں کافی نقصان پہنچئیا ۔ مغلیہ سلطنت دے آخری بادشاہ بہادر شاہ ظفر نوں جنگ آزادی 1857ء دے بعد انگریزاں نے ایتھے جلاوطن کر دتا سی تے اس دا مزار وی رنگون چ اے ۔