یورال

آزاد انسائیکلوپیڈیا، وکیپیڈیا توں
یورال
پربت دھارا
دیس: روس - قازقاستان
علاقے
باشکوتوستان ، سوردلووسک اوبلاست ، چلیابنسک اوبلاست ، کورگان اوبلاست، اورنبرگ اوبلاست، خانتی مانسی وغیرہ روس دے علاقے تے لہندا قازقستان
اچی چوٹی
نارودنایا
اچائی
1،895 میٹر (6،217 فٹ)
لمبائی
2،500 کلومیٹر
چوڑائی
150-40 کلومیٹر
روسی ناں
اورال
کوہ یورال دا دریا چوسووایا

پربت دھارا یورال ( روسی چ اورال ) روس دا اک پربت دھارا اے ۔ ایہہ قازقستان دیاں اتر چ شروع ہوکے شمال چ وڈا سمندر آرکٹک دے کنڈیاں تک جاندا اے تے دریائے یورال توں ہندا ہویا اتلے لہندے قازقستان چ مکدا اے ۔ اس پربت دھارے دی لمبائی 2500 کلومیٹر اے ۔

اچیچیاں گلاں[سودھو]

ایہہ سلسلہ یورپ تے ایشیاء دے وچکار قدرتی سرحد سمجھیا جاندا اے ۔ اس دی بلند ترین چوٹی " نارودنایا " اے جس دی بلندی 1895 میٹر اے ۔ اپنی لمبائی تے چوٹیاں دے سلسلے دی وجہ توں کوہ یورال نوں سنگدار پٹی وی آکھیا جاندا اے ۔

کوہ یورال محتلف معدنیات نال مالامال اے ، جنہاں چ خام دھاتاں ، کوئلہ ، قیمتی تے نیم قیمتی پتھر شامل نیں ۔ 18ویں صدی عیسوی توں ایہہ روس دا وڈا معدنیاتی علاقہ اے ۔


ناں[سودھو]

یونانی رومی دی تریخ چ پلینی نے مختلف مصنفاں ولوں دسے گئے کوہ ریفیئن نوں کوہ یورال سمجھیا ۔ کوہ یورال دا ذکر 10ویں صدی دیاں عرب دستاویزاں چ وی اے ، تے روسی تریخ تے 11ویں صدی دی روسی لوک کہانیاں چ اسنوں وڈی چٹانی پٹی دے طور تے جاندیا جاندا سی ۔ 16ویں صدی عیسوی دے ادھ تے 17ویں دے شروع چ ، اسدے دکھنی حصےآں نوں یورال دے ناں نال جاندیا جان لگا تے بعد چ ایہہ ناں اس سارے پہاڑی علاقے لئی ورتیا جان لگا ۔ ایہہ ناں ممکنہ طور تے ترک لفظ آرال توں نکلیا سی ۔ اس لفظ دا مطلب اے جزیرہ دے ہر اوس علاے لئی ورتیا جاندا سی جہڑا آل دوالے دے علاقےآں توں مختلف ہوئے ۔ 13ویں صدی عیسوی توں باشکورتستان یورال ناں دے اک بہادر قصہ اے ، جس نے اپنے لوکاں لئی اپنی جان قربان کیتی سی تے لوکاں نے اسدی قبر تے پتھراں دا ڈھیر لا دتا جہڑا بعد چ کوہ یورال بن گیا ۔

تریخ[سودھو]

کوہ یورال دا نقشہ

کوہ یورال دا پہلا پورا سروے 18ویں صدی عیسوی چ روسی تریخ دان وسیلی تاتیشیچیف نے روسی سلطنت دے زار پیٹر اعظم دے حکم تے کیتا ۔ 17ویں صدی دے شروع چ ایتھوں معدنیات دے وڈے ذخائر لبھے ، جنہاں توں 18ویں صدی دے شروع چ باقاعدہ طریقے نال پیداوار شروع ہو گئی ، جس نال علاقہ روس دے سبتوں وڈے مدنی علاقے چ بدل گئیا ۔

پہاڑاں دی سائنسی وضاحت بارے سبتوں پہلیاں چ اک کتاب 71-1770ء چ چھپی ۔ یورال دے علاقے دا مطالعہ روسی سائنسدان تے [[جغرافیہ دان الیگزینڈر کارپینسکی بوٹانیسٹ پی ، این کریلوف ، زولوجیسٹ ایل ۔ پی سبانئیف دے نال نال جرمن نیچرلسٹ الیگزینڈر وان ہمبولڈٹ تے انگریز جغرافیہ دان سر راڈرک مرچیسن نے وی کیتا ۔ مرچیسن نے کوہ یورال دا پہلا جغرافیائی نقشہ 1841ء چ مکمل کیتا ۔

جغرافیہ تے ٹوپوگرافی[سودھو]

کوہ یورال بحیرہ کارا توں اتلے قازقستان دے گیاہستانان تک 2،500 کلومیٹر لمبا اے ۔ جزیرہ واگاچ تے نووایا زیملیا دا جزيرہ اس سلسلے دا ہور اتلے ول ودھا اے ۔ جغرافیائی طور تے ایہہ پربت دھارا یورپ تے ایشیاء دے براعظماں وشکار سرحد دا اتلاحصہ بناندا اے ۔ اس سلسلے دی سبتوں اچی چوٹی نارودنیا 1،895 میٹر اچی اے ۔


مورتاں[سودھو]

دریا چ چٹاناں ، نیتھر پولر یورال
نیتھر پولر یورال نیڑے بن رہے پہاڑ
اریمیل چوٹی
دکھنی کوہ یورال چ ایگناتیوا گپھا دا داخلی رستہ


ہور ویکھو[سودھو]